انا لما كان واقف معايا

بحاول ادور على دخلة جاامدة بس مش لاقى او مش جاية فى دماغى مع انها كانت فى دماغى من ساعتين بس
بس اخوكم بقى الزهايمر عنده عالى اوى .. انا شاكك ان انا بيروح من ورايا يتعاطى مخدرات او يشم كللاه و يصحى تانى يوم
مش فاكر اى حاجة .. و ده مين الى بيروح يتعاطى .. انا لما اكون واقف معايا بيسهينى
طبعاً انتوا توهتوا مع انا بس معلش خليكوا مع معايا ده منحرف شوية و عاقل برده !!!!!!
البوست ده من زمان و انا نفسى اكتبه بس كنت مستنى ادعمه ... ايوة ادعمه بالصورز , علشان الجمع بس
لما بخلص الكلية بروح راكب لغاية التحرير ميكروباص و بعدين انزل اتمشى لغاية الكوبرى الى عند بولاق ابو العلا
و بعدين اركب ميكروباص تانى لغاية ساقية عبد المنعم الصاوى
و كنت فى كل مرة بشوف مناظر مش هقول اكتر من انها ما تنفعش تكون فى بلد اسلامية و حكومة بلد اسلامية
ندخل فى المفيد و انه فى تمام الساعة ... يعنى كان وقت ما بعد العصر كدة على الساعة عشرة الفجر بالظبط
ماشى على الكورنيش من كوبرى قصر النيل الى كوبرى ابو العلا و شوية مناظر بقى ايه ما اقولكوش بقى
حاجة كدة بسم الله ما شاء الله تفتح النفس .. مواضع ايادى الى حد ما فى وضع الطوارىء
اقتراب حاد جداً برغم وجود لافتة تحذيرية مكتوب عليها ممنوع الاقتراب او التليين
و على ما اتذكر انى شوفت مرة واحد بيبوس واحدة كدة فى الشارع و فى وضع ايه .. كان نفسى تشوفوه و اهى نظرة اولى
ههههههههههههههههههههههههههههههههههه
المهم انى جت فى دماغى فكرة هايلة جداً و مربحة جداً جداً
و هى :
تيسيراً على الشباب الواقعة و الى مش لاقيا تتجوز و شبابنا الكووول الى مش لاقين شغلانة غير انهم يكتروا و اللهم لا حسد فى الجيرل فريند
خلاص يا ولاد قدمنا طلب للحكومة انهم ينشئوا كباين بامتداد الخط الشرقى و الشمالى و الجنوبى و الغربى للكورنيش
ومستنين الرد و الموافقة الاكيدة
.طبعاً انا كنت فكرت باننا نجيب سراير كمان لكن الحكومة كانت هتعارض علشان المنظر العام امام السياح
و علشان عارف ان حالة الشباب كحط خالص هخلى يوم الجمعة مجاناً بس بالحجز لانه لو مافيش حجز هلاقى مصر كلها عايزة كبينة
و باقى ايام الاسبوع الساعة باتنين جنيه بس علشان الدنيا غليت وبقت صعبة
و طبعاً كنت هحط فى كل كبينة تكييف .. بس لاحظت ان الى جوة هيبقى متكيف وحده



واحد فى الصف الى بره المدرج خالص عند البوفيه يقولى
طب مهو الشرطة هتقرفنا و تعاملنا معاملة مرتادى بيوت الاعارة
احب اطمن كل شاب و فتاة ان الى انتوا خايفيين منهم دول هيبقوا واقفين بره بيحموكوا و ده مش حباً فيكم
لكن ده علشان هما مستنين دورهم فهيضطروا يحموكوا علشان الانجاز بس ... أقلب .. الى بعده
واحد تانى اهو شكله هيقرفنى !!! اووووووووووووف... أتفضل يا أبنى
طب و الى فاشل و مكتئب و مش بيعرف بنات ولا بيعرف يعلق بنات يعمل ايه ؟
تصدقوا الواد ده طلع بيفهم و ضرب سؤال فى الصميم
بص يا حبيبى تيجى فاضى تيجى مليان هتدخل الكابينة هتدخل ما تقلقش عندنا كل حاجة متوفرة و زيادة كمان
دى مصر كلها هتبقى من بكرة عند كباين الكورنيش يا باشا !؟
لا يا نجم مهى هتفرق فى السعر .. كله بتمنه ... لو هتدخل الكابينة و حاجتك معاك ساعتك بـ 2 جنيه
أما لو مش جايب اى حاجة هتبقى ساعتك بــ 15 جنيه بس .. خلى الشباب تهيص و اهو يبقوا متدارين
طب ينفع أجيب مرافق يا بيه ؟
ايه الاسلوب الشوارعجى الى بيكلمنى بيه الولد ده
ما علينا .. المصلحة فوق الكرامة مش مشكلة .....ممنوع لاننا لسة مش عاملين حسابنا فى مساحة الكابينة
...............
ده كان الاقتراح و الحوار المتوقع عند موافقة الحكومة على الكباين الافتراضية
و شكر خاااااااااااص جداً للاخ و الزميل هيثم الدهشان لانه بصراحة هو العامل المساعد الرئيسى على التقاط صورة من الصور
و بصراحة كانت اهم صورة توثيقية هو عمل نفسه كانى بصوره و روحت لافف العدسة سنة صغنتوتة أوى و أووووب تك تاك ترن
جت الصورة ..... و هتلاقو حتى تمن 1:8 وشه باين
لازم التدعيم بالصور ولا ايه ؟
عايز رأيكم فى مشروع الكباين ده ده انتوا هتكلوا شهد مكررمن وراه
هههههههههههههههههههههههههههههههههه

وأعتذر لو ان اى شخص تأذى بسبب اى لفظ ... واقعنا مرير

Nidaal

حرب المدونين الالكترو _ بوردية

حرب المدونين الالكترو_بوردية

........................

لاحظت فى الفترة الاخيرة شىء غريب جداً او متخلف اكثر مما هو غريب

مدون بيشتم مدون _ مدون بيسخر من مدون .. و اشياء من هذا القبيل كتييير اوى

ايه ده ؟ .. الواحد يحس ان المدونين او بعض منهم بمعنى اصح خلاص بقى فاضى

علشان يشتم ده و يهزأ ده و نسى هو ليه عمل مدونة اساساً !!!!

لأمتى ؟ لأمتى الناس دى هتفضل فى التخلف و الرجعية الى هما فيها دى ؟

لأمتى هيفضل الشعب ده يستخدم كل حاجة غلط و فى غير اتجاهها الصحيح

و يوقلك احنا بنتقدم ...... او عايزيين نتطور

طب ازاى الماكينة ممكن تطلع قماش احمر و انت حاطط لها صبغة سوداااا

استحالة طبعاً ؟

أمتى هنتعلم ثقافة التسامح ؟

أمتى هنتعلم ثقافة الاختلاف ؟

أمتى نقدر نقول احنا الى هنغير للاحسن ؟

للاسف : لا أعتقد اننا بهذا الوضع سوف نغير اى شىء – و ان غيرنا هيبقى للاسوأ

ما فيش الثقافة اللازمة لعملية التغير و مافيش تقدم طول ما الجهل راكبنا و راكب دماغنا

و مدلدل رجليه كمان و ممدد

ليه دايماً شايفين التكنولوجيا بالمقلوب .. شايفينها بعين معكوسة

بدل ما بتتطلع الى الامام و الى الاحسن .. و بما ان العين معكوسة فبتشوف و تتطلع الى الوراء

الله يرحمك يا صدام يا حبيب قلبى عن جد ... برغم كل الى عمله و لكن كلمة قالها خلتنى اعشق هذا الاسطورة

" تعيش الامة " " تعيش العراق حرة " " تحيا الوحدة العربية "

و لكن كويس ان ربنا ريحه من الامة الى هو كان عايزها تعيش

لانها امة الفشل فى الوقت الحالى بعد ان كانت امة النور

و بسبب شعب الامة حدث هذا الانحدار

و مش هنعلق اخطائنا على شماعة الحكومة لانها وقعت خلاص

اذا كان الحكومة عليها 30% فأحنا علينا الـ70% الباقيين

للاسف و معه ......احنا امة و شعب فاشل فى الوقت الراهن

احنا عايزيين ناكل و نشرب و بس .. و تولع الدنيا بره

فاكريين الحملة الفرنسية و نابليون لما جاب معاه مطبعة

لما مشى و فضلت المطبعة .. أتركنت على الرف و لم تستخدم

و أصدرت الدولة العثمانية فتوى بأن المطبعة " رجس من عمل الشيطان "

تخيلوا .. أه و الله

لانهم ما كانوش عايزيين الناس تنفتح على العالم ولا تتثقف ولا اى بتاع

و ما كانوش عايزيين يبقى فيه اى صحيفة تعرف الناس الاخبار الجديدة

و كانت الناس مبسوطة و عايشة و فل و تمام و فاكريين انهم فى نهضة مصر
مع انهم كانوا بعيد عن التمثال خالص

الناس دلوقتى سلبية جداً اينعم بدأت تفوق فى الفترة الاخيرة ..

بس ليه ؟ لانها جااااااااعت ...... يعنى كل الى يهم الشعب المصرى انه ما يجوعش وبس

مالوش دعوة بقى بالعلوم الحديثة ...... ولا التطور ولا بتاع

الشعب أصبح من المحافظيين و بقوة على الجمود و التقليد

الولد يقول انا قاعد على النت .. اول ما بييجى فى دماغ الاهل انه قاعد على مواقع مش مظبوطة

طب ليه ما يكونش بيعمل حاجة جديدة ... بيفكر يعمل حاجة او يخترع لنا حاجة

و بيجيب معلومات تفيده من على الشبكة

للاسف و انا بقولها و انا حزين على اهلى و اخواتى المصريين و العرب

احنا فشلة بس كبااااااااااااااار اوى ..... حتى المدونين الى المفروض انهم مثقفين

بيشتموا فى بعض و يضربوا فى بعض

يبقى فين الاحترام .... فين التعليم الى اتعلموه

فين التربية (سورى) الى اتربوها

فين الثقافة الى خدوها من الكتب و من الحياة

للاسف الى بيعملوا كدة بيبقوا شوية مختلين عقلياً و متخلفين و حاقدين

و لسة ياما هنشوف كتييييييييييييييير .. كتييييييييييير

o0o00o0o0o0o0o0o0o0o0o0o0o0o0

o0o0o0o0o0o0o0o0o

الكلام ده كله مش موجهه لحد بعينه و انا و الله ما فى حدا فى دماغى

و انتوا كلكم عارفين انى انسان دوووووغرى مش بحب اللف و الدوران

لو لشخص معين هقول ده لفلان .. ما فى أعلى من الله "الملك" القادر

البلد ولعت يا جيهــــان

أعتصام قبل اسبوعين اما دار القضاء ضد الغلاء

المصدر : كاميرتى

......

البلد ولعت يا جيهان ....... الكلمة دى استوقفتنى كثيراً عندما قالها السادات لزوجته يوم ان قرر الغاء الدعم

" زى ما جه فى الفيلم "
و تراجع عنه بسبب ان البلد ولعت .. و سوف تأكل نيرانها كل ما هو امامها حتى هو نفسه
فتراجع عن قراره و لم يخجل من أن يقال ان رئيس الجمهورية قد أصدر قرار و تراجع فيه
فقط كان يفكر فى مصلحة الشعب و أيضاً فى مصلحة نفسه و لكن على ما اعتقد انها كانت بعد مصلحة الشعب
و لكننا نشهد فى هذه الايام ارتفاع فاااااااااحش فى الاسعار فى كل شىء .. و أخر هذه الارتفاعات كان ارتفاع اسعار البنزين و السولار و الزيوت ... مما أدى بشكل غير مباشر الى ارتفاع سعر اى شىء يتم نقله عن طريق
الشاحنات .. مثلاً :
الخضار _ ينقل عن طريق الشاحنات التى ارتفعت اجرتها نسبة الى ارتفاع سعر وقودها
المواصلات _ ازدادت أجرة المواصلات بشكل غير طبيعى و لنفس السبب السابق ذكره
و حاجات تانية كتير ارتفعت بشكل رهيب بسبب ارتفاع اسعار الوقود
و يمكن ان تلمس بعض و أقل مظاهر التدهور فى حياة المواطن المصرى فى المناطق المتوسطة و الفقيرة
فنرى بعض أصحاب العربات الملاكى قد حولوها الى عربات بالاجرة كى يستطيعوا تأمين قوت يومهم
و البعض الاخر قد حولها الى عربات نصف نقل .. و هذا اكبر دليل على تدهور الحياة فى مصر
فلماذا نهاجم الشباب حينما يسافرون بل يهربون من حضن السجن الكبير الى احضان اكثر دفئاً و تقديراً ؟

و هل ما نحن فيه الان حركة اصلاح و نحن نمر بتجربة الاصلاح منذ 1981 الا يكفى كل هذا الوقت للخروج من طور التجربة و الدخول الى حيز أحساس المواطن المصرى بأرهاصات هذه التجربة التى طالت احبالها

أم مازلنا نفكر أن نبدأ هذه التجربة ليعيشها احفادنا

ذلك و مع العلم أن نسل هذا الشعب قد تحدد اوتوماتيكياً .. مع التطورات الراهنة
و أتسائل حالياً : هل يمكن ان يقوم الرئيس مبارك بتغير الحكومة كااااااااااااااملة ؟
هل يمكن للسيد الرئيس ان يطوف على ارصدة جميع الوزراء من أول أحمد كلين الى اصغر وزير ؟
هل يمكن يا سيادة الرئيس ان تنزل الى الشارع و ترى بعينيك بدل ان تسمع بأذنيك ؟
انتم تبحثون على موارد لتغطية العلاوة التى منحتموها الى موظفى الحكومة و انتم فى ارض جميع الموارد !!!
الا يكفى البترول _ قناة السويس _شبكة المواصلات و حاجاااااات تانية كتييييييييييييير اوى
هل يمكن ان نعيش فى عصرك يا ريس عيشة الانسان ؟
فقد اصبح حلم يراود جميع المصريين
تأكدت من ذلك حينما سمعت بعض التعليقات اليوم كانت خير دليل على ان القنبلة على وشك الانفجار
· البلد ولعت
· * ربنا يقوم القيامة بقى و يخلصنا من الولعة دى
· *ربنا ياخده .. مفهوم طبعاً و بجد الراجل ما كملهاش او موضحش مين بس هيه مفهومة
· واحد عنده جامعتين و افخم شقق و بياخد البنزين ببلاش ( احمد كلين ) . يا عم احنا خلاص ملناش قومة تانى
· هى بس ناقصة ولعة . دى ولعت خلاص .. بالذمة مش حرااام الى بيحصل ده
· انا مرتبى 500 جنيه لما اركب مواصلات بس بــ 300 جنيه طب آكل و أكل عيالى و مراتى منين و ادفع مصاريف مدارسهم منين , انا هطلع العيال من المدرسة و اريح دماغى

شوفتوا أخرتها وصلنا للهدف ....

الاطفال تنفصل عن المدارس و نبقى عندنا جيل بسم الله ما شاء الله

الـلهم لا حــــــســد

جااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااهل
متخــــــــــــــــــــــــــــــــــــــــــــــــــــــــــــــــــــــلــــــــــف
مســـتـــــــــــــــــــــــــــــــــــــــــــــــــــهلك
لازم يكون فى حل و سرييييييييييييييييييع جداً و فعاااااااااااااااااال
قبل ما الامور تخرج من ايدينا يا ريس او ما لم يزل فى ايدينا

ننقذ اى حاجة قبل ما نفقد كل حااااااااااااااجة

و ياترى بقى لما الريس بعد عمرررررررررررررررر طويل يعنى يروح يتفسح

هيتعمل فيلم و نشوف المدام بتقول للريس

" هترجع فى قرارك يا حصحص "

و يرد يقولها وهو متأثر جداً

" البلد بتولع يا سوزى "

وليس امام الرئيس الا أختيارين
الاول : ان ينقذ شعبه و ينقذ معه منصبه
الثانى : ان يفقد منصبه ويفقد معه شعبه
ده رأى فى الازمة الحالية و اعتقد انه واااااااااااصل للكل
تحياتى و اعتذارااااااااااااااااااتى عن التاخيرات

Nidaal

اضرب ولا أضارب : فى البيت ولا فى البورصة_اعرف حقك

من المعتاد ان تكون التوابع اخف من الزلزال الاساسى و لكن توابع اضراب السادس من ابريل
ستكون اقوى من الاضراب الاساسى او نقطة التحول فى الثقافة الاضرابية و الثقافة الحقوقية للمواطن المصرى
فقد أعلن يوم 4مايو القادم يوم اضراب للمطالبة بخفض الاسعار و رفع المرتبات و الاجور و موازنة وربط الاسعار بالمرتبات و أضيف انه يجب ان يتضمن مطالبنا الافراج عن اسراء صاحبة الــ 70000 متضامن
و جميع المعتقلين فى احداث الاضراب عدا العناصر التخريبية ... ولا اعتقد ان اسراء كانت احد هذه العناصر
حيث انها اعتقلت من مقر اقامتها " منزلها" كل ما جنت هنا انها انشأت جروب على الفيس بوك تدعو فيه للاضراب و الاضراب حق مكفول لاى مواطن مصرى .......
و بالنسبة للمشاركين فى اضراب 4مايو و حتى لا يلعب العادلى معنا لعبة الارهاب و الاعتقال
قانون رقم 13 لسنة 2003

و المادة رقم 151 من الدستور المصرى

ينص على انه :
يحق لاى مواطن الاضراب او الاعتصام
و بتوقيع مصر على الميثاق الدولى لحقوق الانسان
اذاً : اعلم ان العادلى ان اراد ان يلفق اى تهمة مهما كانت لاى احد سوف يكون
و لكن يجب علينا نحن ان نخرج من حالة السكون و تعلو اصواتنا الغيوم
و يجب ان يكون من ضمن مطالبنا الافراج عن اسراء و عن جميع المعتقلين ولا أعلم على ذمة ماذا
على ذمة ان تهمتهم هى التحريض على الاضراب ......اذاً فأنا محرض و الالوفآت التى اعتصمت هى محرضة
فلتعتقلوهم جميعاً او تتركوهم جميعاً

على ذمة اللا شىء
و برغم ان القانون و الدستور المصرى ينصان على حرية اى مواطن فى الاعتصام
الا ان الحكومة المصرية تصر على ممارسة البلطجة ضد افراد الشعب
و أعتقالهم بدون توجيه اى تهم لهم و ان وجهت توجهه تهم ليست بتهم تهم يكفل الدستور فعلها
يجب ان نقف ولو لمرة واحدة فقط
هم اعتقلوا اليوم فقط لانهم عبروا عن ارائهم و دعوا الى تحسين الاوضاع
و ربما نحن غداً ان لم نتوصل الى اتفاق او ندخل فى جو مفاوضات " ده حلم طبعاً " مع الحكومة
لضمان عدم اعتقال اى شخص يعبر عن رايه بدون تجريح او يدعو الى التغير او يدعو الى الاصلاح
و مش عايزيين فى 4 مايو اى اضطرابات مع الامن .. فى الاول و الاخر هم يا أما اخوتنا او ابائنا او اقاربنا
و مش عايزيين تكسير وولعة و تخريب .. دى فى الاول و الاخر بلادنا
و مش عايزيين ننزل فى مظاهرات فى الشوارع .. لعدم تمكن العناصر التخريبية من الدخول و الاسأة الى من يطالبون بالاصلاح
بس خلينا فى بيوتنا .. حتى لا ندع العادلى يمسك علينا اى فرصة
خلينا فى بيوتنا .. خلينا فى بيوتنا

............

انا عرفت انه تم الافراج عن اسراء و بعض المحتجزين و لكننا يجب ان نقول للامن انك لن ترعبنا و لن توقفنا

ولن نكون كما يريدون .. نظل على وضع " صامت " و نحافظ على الديموقراطية ولا نمارسها

نحن هنا لسنا فى ادارة عسكرية ..... لا يوجد فيه مكان للديموقراطية

وطبعاً كل الاخبار الفلسطينية انتوا عارفنها كويس و لو نشرتها مش هيبقى ليها اى لازمة لانها هتبقى قديمة و اتحرقت

nidaal

الحكومة بين الاضراب و الاضطراب

اخيراً .. وقعت الحكومة فى شر اعمالها , بدايات او بشاير الانفجار الاعظم تدق الابواب
فاول نتائج تعسف و تعنت الحكومة المصرية الاضراب العام التى قامت به طوائف من الشعب
قليلة نسبة الى عدد السكان ولكنها كثيرة نسبة الى ثقافة الشعب المصرى الاضرابية
فقد شهد يوم 6 ابريل الماضى اقبال كان من غير المتوقع وبعكس ما قالت الصحف القومية عن انه لا توقف فى المصالح الحكومية ولا الجامعات .. فتعطى لك احساس ان كل شى على ما يرام و مافيش اى اضراب و ان الشعب العاقل يرفض فكرة الاضراب من الاساس
مع ان من اول سواق التاكسى لغاية المديريين كانوا مضربين
فنرى هنا فشل الحكومة فى احتواء غضب الشعب
الحكومة فاشلة فى فض الزحام المرورى المؤثر سلباً على حركة الاقتصاد بطريقة او باخرى ,مباشرة او غير مباشرة ..
الحكومة فاشلة فى زيادة دعم المواد الاساسية حتى لا يرتفع سعرها
عند المواطن البسيط
الحكومة فشلت حين اعتادت ضرب المتظاهريين و اعتقالهم
وفشلت هذه المرة فى ردع المواطنون

و على فكرة انا متضامن مع معتقلى 6 ابريل

و خاصة اسراء
لان ما كان يكتم افواه المصريين هو رغيف العيش او لقمة العيش
ولم تتركها الحكومة لهم و بغبائها سلبت المواطن هذا الحق
الذى كان يلهيه عن فضائحها و جرائمها الاستفزازية
الذى كان يلهيه عن تفهم حقوقه .. وممارستها تحت غطاء القانون
ولكن بما ان لا احد يعرف حقوقه فبات من العادى جداً انك تتكرت على قفاك
ومن الطبيعى ايضاً ان تحجز اربعة او خمسة او خمسة عشر يوماً داخل اقسام و سجون الشرطة بدون اى تهم معلقة حولك .. وبدون توجيه اى تهم بطريقة رسمية الى المحتجزيين
اصبح من السيستم اليومى لبعض ظباط الشرطة استيقاف و تفتيش و احتجاز اى شخص بموجب السلطات المخولة لهم "على حد علمى "و بموجب الهوى الذى اصبحنا نعيش به
وبموجب ضياع و توهان عقولنا عن اننا نعرف ايه حقوقنا
و بالفعل اصبحت الحكومة تعيش و تحكم بالهوى وليس بموجب القانون
وبما ان الاعلام المصرى يتعمد تضليل و تعتيم البيانات و الاخبار و الاحصائيات
وبما ان وزارة التربية و التعليم لا تعرف الا منهج كتب و رسم بيد الحكومة وعلى هواها
اذاً نحن فى بحر الظلمات بل فى محيط الافترائات لم نعد نعرف ما الخطأ من الصواب
من المرشد و من المضلل من يأوى و من يهجر
اعتقد انه من ابسط حقوقى كمواطن مصرى ان اعرف حقوقى و قبل ان اعرفها اتمنى ان اعرف واجباتى كاملة
ولكننا نسمع فى الاعلام عن بعض الواجبات فقط ولم نسمع قط عن الحقوق
حتى ان الحكومة فشلت فى حماية ابنائها من هم بداخل اراضيها و ان كانت فشلت ايضاً فى حماية وصيانة كرامة من هم بالخارج من ابنائها
فتلونت الحدود بلون دماء 58 شهيداً كان هذا هو احد اوجه الفشل حتى انها فشلت فى الاتيان بحقوقهم
ومحاسبة و تجريم من فعل هذه الجريمة
فشلت فى الحفاظ على ابنائها و ابقائهم بداخل اراضيها فأصبحنا نرى تجار الاوهام يبيعون و يشتروا فى الشباب
فقط لتحقيق حلم الثراء الذى يراود الكثيرين و فى النهاية .... صرعى على شواطىء الاحلام
فشلت فى احتواء مواهب و علوم الشباب و توفير الامكانيات لهم مما اضطر الشباب الى الهجرة و الدراسة فى امريكا او اوروبا او البحث عن اى احد باى اتجاه يتبناهم لكى يزيدوا معرفة و يستغل الطرف الاخر احتياج الشباب للمال فيتبناهم وياخذ منهم كل ما تنتجه عقولهم قبل ايديهم
انها حقاً حكومة فاشلة و يجب ان تتغير .. او تغير
تغير المواد الاعلامية التافهة .. المناهج الدراسية الخاوية .. تغير كل شىء حالى

تخيلوا ان فيه ولد صغير بتاع اثناعشر سنة بيقولى اسمك ايه

قولت له انا اسمى نضال وانت

استغرب كدة و بصلى و بيقولى ايه الاسم ده .. قولت له ده اسم فلسطينى

قالى يبقى انت حظك كويس ان المصريين ما قطوعكش .. قولتله ليه يقطعونى ليه هو انا عملتلهم ايه

قالى انت مش فلسطينى؟ .. روحت قولتله ايوة . قالى ده المصريين متغاظيين منكم اوى

قولتله ليه طب و الفلسطينيين عملوا ايه ؟ .... قالى مش انتوا بتضربوا فى الناس و تقتلوهم

قولتله يا ابنى الفلسطينيين دول اخوتنا و حبايبنا لكن اسرائيل هية الى بتضرب فى الفلسطينيين

بص لى باستغراب و تسائل قائلاً : هو مش اسرائيل و فلسطين واحد ؟

قولتله لا طبعاً .. فتسائل قائلاً : طب اومال ايه اسرائيل دى ؟

قولتله دول شوية عصابات و حرامية دخلوا عايزيين يسرقوا الارض .. قالى طب ما الفلسطينيين ييجوا يقعدوا هنا ولا فى اى حتة بعيد عن الدوشة دى ... قواتله ما ينفعش ..بص

يعنى انت لو قاعد فى بيتك و لقيت حرامى عايز يسرقك هتجرى بره بيتك ولا هتضربه و تقاومه

قالى لا ده انا هظبطه ... قولتله نفس الحكاية فى فلسطين ..بيظبطوهم

ضحك واقتنع و فهم مين الى اخوتنا و مين اعدائنا

شوفتوا التعليم و التوعية عندنا ناضجة ازاى ... شوفتوا الاعلام عندنا بيضلل ببيانات و معلومات مغلوطة الهدف منها

تغيب الوعى و عدم الادراك ...... و الشغل كله على الاطفال الصغيرين
واعتقد ان الحكومة لن تغير ...اذن فلتتغير
وهذا الاضراب كان مجرد ترمومتر لقياس مدى استجابة الشارع و قد كان ولكن القادم سوف يكون اقوى و ما بعده هو الاقوى و هكذا

و الاضراب القادم يوم 4/5/2008
بس احسن حاجة عجبتنى فى الموضوع ده انهم كانوا مرعوبين بجد
ولفوا على الشركات كلها بتوع امن الدولة و نبهوا على اصحاب الشركات انهم ينبهوا على الموظفين
او بمعنى ادق و اوضح يهددوهم بان الى هيغيب فى اليوم ده هيفصل من عمله و سيتم الاستغناء عنه
و الموضوع ده حدث معى شخصياً
..........

حدث فى فلسطين :

مجزرة جديدة فى مخيم البريج راح ضحيتها اكثر من 17 شخص من بينهم مصور شبكة رويترز

واكثر من 29 مصاباً .. والحكومة المصرية مازالت تصر على احكام الحصار على الفلسطينيين

حسبنا الله و نعم الوكيل

nidaal

نصف عودة

انا اسف لتغيبى المدة دى ..
وانا لا انقبض عليا ولا بتاع
بس ماليش نفس اكتب ولا افكر حتى
معلش
بس فيه بوست قريب اوى بعنوان
"الحكومة بين الاضراب و الاضطراب "

نفسى أشوفها _موزمازيل / tajroba de islaah

يا عينى على المانشيت الى يحسسك اننا بقى بقلنا 27 سنة تقريباً بنصلح فى البلد
تخيل بقى لما واحد دماغه فى الضياع و مش عارف حاجة فى اى حاجة ويقرأ مانشيت زى ده
تجربة الاصلاح بالبلدين .
يقولك بس . دى البلد بتتصلح و العيشة فل اومال الناس الوحشيين دول الى هما احنا
الى بنقول لا للغلط .. بيتكلموا ويهاجموا ... طب ما الحكومة عندها خطة اصلاح اهو
27 سنة أصلاح ومش اصلاح كمان ..لا.. دى لسة تجربة اصلاح هههههههه
حاجة غريبة والله ...
27 سنة اصلاح ولسة فيه ناس مش لاقية تأكل
27 سنة اصلاح ولسة فيه ناس بتتسول
27 سنة اصلاح ولسة موظف الحكومة مش لاقى يأكل أطفاله
27 سنة اصلاح ولسة الشباب مش لاقى شغل .. الى من وظائف الدولة انها توفرله شغل و ان لم يكن
تعطى له اعانة بطالة .. زى فى اى بلد محترمة عارفة وحاسة ان ده من مسؤليتها
27 سنة اصلاح ولسة الشباب مش لاقى يتجوز
27 سنة اصلاح ولسة التعسف هو منهجية الحكومة .. وكل ما يجى حد من امريكا ولا اسرائيل
يروحوا يفرقوا ويفركشوا المظاهرات الحقيقية من قبل ما تبدأ و ينظموا هما مظاهرة صغنونة على قد الحكومة
مظاهرة مؤدبة كدة علشان يقولوا للناس بصوا احنا عندنا ديموقراطية وسايبين الناس تتكلم براحتها و تعبر عن رأيها
27 سنة ولسة بيفكروا يوصلوا المياه و الغاز الى معظم مناطق القاهرة .. ده لو كل يوم بيحطوا مسورة فى الارض كان زمانهم خلصوا .. بس هما خلصوا علينا الاول
........
المفروض كان يتكتب :
تجربة الأعتقالات
تجربة الاشتغالات
27 سنة سرقة ونصب واحتيال .. من وعلى موارد البلد
27 سنة تجربة فشل
27سنة تجربة خراب
27 سنة تجربة هدم
يووووو .. انتوا مش بتفهموا ليه ... انتم حاقدين على البلد وعلى الحكومة ...
انتم عايزينها خرابة.. انتوا الى هتودوا البلد فى داهية ..دى حكومتنا يا الى مش بتفهموا
عايزة تعمل زى اديسون وتحطم الرقم القياسى بتاعه و بما انه نجح بعد التجربة الــ 999
أذاً الحكومة هتكسر الرقم ده و تنجح بعد التجربة الــــ 1999 علشان يبقى فيه فرق سكور
High score

هههههههههههههههه
فهمتوا بقى ولا لسة ؟
وعلشان يبقى الواحد عمل الى عليه ... كلنا عارفين ان فيه يوم 6 ابريل الجاى ده
أضراب عااااااااااام

بمعنى ان ما فى حد هينفع الحكومة بشلن
ما فيش حد يركب مواصلات ما فيش حد يروح الشغل مافيش حد يستخدم اى شىء ممكن يفيد الحكومة
هاا ... ناويين ولا ايه ...
الى شغال يضحى بيوم شغل و يبلغ زملائه باليوم ده ..
كنت بتكلم النهاردة انا وسواق تاكسى راكب معاه وجه فى الكلام حكاية اليوم ده
و طلع انه ما كنش يعرف و انه هيضرب عن العمل فى اليوم ده
وقالى :

اننا لازم نكون ايجابيين و نتكلم ولو لمرة واحدة وبعديها يعتقلونا بقى او يعملوا الى هما عايزيينه
احنا خلاص اتخنقنا على الاخر ..كدة حراااااااااااااااام ..... لغاية أمتى ؟

................................
هتعمل زيه ولا انت فلوسك كتير وراضى عن النظام الحالى ؟

عفريـــــت رخـــــم أووووووووى

هههههههههههههههههههههههههههه
اولها كدة علشان بجد كل ما افتكر بموووووووووووت على نفسى من الضحك
بتاع كنت سمعته هو مقطع صوتى لكن بجد يموووووووووووووووت من الضحك
انا مش هكتب كتير علشان صوابعى مش قادر أخليها تلمس الكيبوورد
المهم : كان فيه مقطع صوتى سمعته على موبايل احد زملائى
وتمنيت ان العفريت الرخم ده يطلع للعرب كلهم علشان يفوقهم و يصحيهم
ويطلع للمصريين علشان يخليهم يثوروا على اوضاعهم الى بقت تحت الصفر
ده حتى مصر الجديدة بقى اسمها " مصر الحديدة " هههههههههههه
العفريت ده عبارة عن منبه بس ايه رخخخخخخخخخخخخخخخمممم اوى
بيقول للى هيصحيه :
قوم.. أصحى ... مش هسيبك ... أنا رخم .. ههههههه
أنا رخم .. مش هسيبك .. هههههه
أصحــــــــى .. مش هسيبك الا لما تفتح عينيك
قوووووووووم .. انا رزل و مش هسيبيك .. هههههههههه
.........
على فكرة العفريت هو الى بيضحك فى المقطع ده بصوت عفريتى كدة تحفة
وفعلاً تحس انه عفريت رزل
هههههههههههههههههههههههههههههههه
هههههههههههههههههههههههههه
يااااااااااااااااااااارب العفريت ده يطلع لنا كلنا ياااااااااااااارب
هههههههههههههه
حبيت بس أضحكوا معايا
..............
توقف لحين التمكن من لمس الكيبوورد .. بأستثناء الاخبار الى بتدارى
nidaal

الحرامية و مواجهة أحلام الشباب

ممكن اتكلم فى حال بلدى النهاردة " مصر "
معلش اسمحولى بهذا الاستثناء على صفحات المدونة
و عايز أسألكم سؤال .
هو انتوا كلكم شايفين ان البلد فى منعطف النهاية الكارثية زيى ؟ ولا انا لوحدى الى شايف كدة

هل انتوا حاسيين بالايام الملونة الى احنا داخلين عليها

داخلين ايه .. ده أحنا اولللريدى جواها و عايشينها
أحمد بيه عز غلى الحديد لحد ما وصل دلوقتى لــ 6400 جنيه مصرى
طب قولولى الى عايز يتجوز يلزمه كام علشان يجيب شقة بس
وياريت مش زى كل مرة نجيب العيب على الشباب و انهم مش عايزيين
يشتغلوا ومش عايزيـــــن يركبوا القطر و عايزيين يقعدوا يتفرجوا على التليفزيون وكذا يعنى
لان سقف الشقة بس .. هيحتاج فى المتوسط الى طن و نصف الطن من الحديد
يعنى بتاع تسع تلاف جنيه بالميت حديد بس
غير الرملة غير الزلط غير الاسمنت غير اجر المقاول الى هيصب الخرسانة غير الطوب غير الى هيبنى الطوب
يعنى شغلالالالالانة كبيرة... شوف ده كله هيتكلف كام و المعلم صاحب الليلة دى كلها عايز يطلع بمصلحة
مهى مش هيعملها فرع لجمية الوفاء و الامل ... عايز يكسب طبعاً
أذاً ممكن تحسبوا الحاجات دى كلها هتتكلف كام و مصلحة المعلم كام . ونضيف مصلحة السمسار
ممكن ما فى حدا يقولى على الرقم الى هيطلع ... علشان انا دماغى هتنفجر لوحدها مش ناقصة العملية
:. بما أن الشقة مش هيعرف الشباب يجيبها
نظراً للظروف البنفسجية الى بتمر بيها الدولة العبرية ... أحم.أحم اقصد المصرية
أذاً : من المتوقع ان نرى المزيد من حالات الاغتصاب التى زادت بالفعل فى الاونة الاخيرة

عارفين كام حالة اغتصاب فى سنة 2006 بس 2000 حالة اغتصاب و ننتظر المزيد
نتوقع ان نرى المزيد من جيل نصاب و حرامى
ممكن نضيف مرتشى .. بس اعتقد انها موجودة بالفعل مش لسة هنتوقع
نتوقع ان نرى المزيد و المزيد عن المزيد من حالات الزواج العرفى
و لن يستطيع احد أن يلوم على الشباب ... مع انى طبعاً لا اوافق على اى
موضع من المواضع دى بس فى نفس الوقت مش هقدر الوم الى يعمل اى حاجة من دى
بس ارجع و أقول ان الشعب هو الى عامل فى نفسه كدة
مش بيتكلم ولا بيشكى ولا بتاع
طب هشكى لمين؟؟

الحكومة .. هشكى الحكومة للحكومة طب ازاى ؟
هشكى لمجلس الشعب ... أهو كله ناس مش كويسة و الكويس الى بيفتح موضوع يهم الناس
يطلع فتحى موافقات و يقول .. لقد جائنى طلب مقدم من عشروووميت عضو بغلق باب المناقشة فى هذا الموضوع
من يوافق يتفضل برفع يده .. موافقة !!!!
من غير حتى ما يبص على كام ايد اترفعت .. ولا ساعات ما بيستنى لغاية الناس ما ترفع ايدها
هية موافقة على طوووووول
طب أشكى لمين ؟
احنا بجد داخلين على كارثة يا جماعة
بقينا بنجيب حاجتنا من اسرائيل و حاجات وحشة و مقرفة و نوعيتها و خامتها اخر ز***ة

وده كونتنر يعنى حاوية.. جاية من أسرائيل كان فيها مواد كيماوية

الشركة قارنتها بنظيرتها التركية و الاسبانية

و النتيجة ان الاسرائيلية هى اسوء نوع و اسوء خامة

يبقى ليه اسرائيل ..؟ ليـــــه

وهل احنا فى مصر عندنا نقص فى الايادى العاملة او فى الموارد المادية علشان ما نعرفش نصنع

المواد دى هنا فى مصر و بأسعار أرخص بكتير
و احنا انضف حاجة عندنا بتروح لهم .. و باسعار متهاودة علشان دوول زباين المحل
الغاز بيروح لهم مدعم ... النصف يعنى انا و انت بندفع اغلى من ما اسرائيل بتدفع
هية كارتــــــة ولا أيه يا جماعة ... كارتــة = أتاوة يعنى

كارتة تحرير ارضنا ولا كارتة السلام ولا كارتة على ايه بالظبط
نعمل ايه طيب ؟.. أيه رأيكم نروح كلنا نشتكى اما مجلس الشعب
مش هوة مجلس الشعب و احنا شعب يبقى خلاص
بس كل واحد يودع اهله قبل ما يروح ... دى اعارة يا جدعان أعارة شاقة

nidaal

فرصة ويجب ان لا نتركها

بسم الله الرحمن الرحيم
......
كام واحد كان نفسه يدعم الفلسطينين ولو بكلمة ؟ و كام واحد كان نفسه يروح هناك فى فلسطين
طب مهو انت ممكن تدعمهم دلوقتى ولو بكلمة" سلامتك " على رأى موبينيل
كلمة بسيطة بس معناها كبييييييير
هما دلوقتى فى المستشفيات دى ...و بيبقى فيه زيارات يومية من المتطوعين الى قسموا نفسهم مجموعات
وكل مجموعة بتروح مستشفى
أظن انه اقل أشى انك تروح تبص عليهم و تقول لهم سلامتكو و حمدلله على السلامة
مش عايز تدعم .... أتفضل أدعم
ياريت الاقى المدونين كلهم و شعب مصر كله هناك بيزور الناس دى
ياراجل ده انت حتى لو مش طايقهم روح زور مريض و خد ثواب الزيارة
وهو موزعين علي عدة مستشفيات
1- مستشفي الهرم بشارع الهرم
2- مستشفي الهلال الاحمر برمسيس
3 مستشفي معهد ناصر بكورنيش الخلفاوي بشبرا
4- مستشفي فلسطين بمصر الجديدة بشارع الثورة بجوار سنترال الماظه
وتوجد اعداد قليه بمستشفي مدينة السلام ومستشفي السويس وألاسماعيليه العام
علما ايضا انه تم عمل تنظيم لمجموعات زيارات لمتطوعين بالتعاون مع شبكة اسلام اون لاين وهيئة الاغاثه والطواريء باتحاد الاطباء العرب ستقام ندوة اخري يوم الاثنين المقبل بنقابه الاطباء
وهذا لا يتعارض مع اي فرد يريد الذهاب اليهم في اي وقت وبايه كيفيه
ولا توجد اي موانع امنيه للزيارة
اى استفسار أنا تحت أمركم على :
0185681938
وياريت تعمموا الرسالة أذا تفضلتم لو سمحت ... أنا بتحايل عليكوا أهو
دمتم بالف خير و صحة و سلام و أطمئنان
تحياتى
nidaal