palestin holocoust

palestin holocoust
Gaza# VS Israel# holocoust

Wednesday, February 27, 2008

المدرسة الدولية _ للتعسف و الديكتاتورية

المدرسة الدولية لتعليم فنون
التعسف _ الديكتاتورية و الكراهية

.........
تحت اشراف : أ / جمال طه
تقدم لكم برنامجها السنوى و فيه بعض من مناهجها
1_ التحريض على النصب و السرقة
2_ التحريض على الكراهية
3_ حذف اى تعليق معارض لسياسات المدرسة العليا
4_ الحجر على أراء الاخرين
5_ الاستعانة باليهود و الامريكان لمناصرة قضية المدرسة
( بطريقة او بأخرى )
6_ الهروب من المواجهة
7_ فن التهرب من تساؤلات الاخرين
.................
و يضم البرنامج ايضاً رحلات لتوطيد الصلات و العلاقات
مع مبتدعى الديكتاتورية
وذلك لكل من
1 _ الاخت الفاضلة / كونداليزا رايس .. حامية حقوق الانسان
2_ الاخ الفاضل / بوش الابن ... جالب حقوق العرب فى كل مكان
3_الحبيب / أولمرت ... حافظ دم العرب فى كل زمان ( فى أزايز
هذا وان تبقى من الوقت المحدد للبرنامج ما يسمح بزيارة شارون فى مرقده
فسوف يكون من دواعى سرورنا التعرف على هذه الشخصية الانسانية من على قرب
.......................
الاستاذ / جمال طه
اعتقد ان كلنا على دراية بقضيته و بعض المدونيين ظلوا يساندوه فى قضيته
لفترة ..
و لكن و من حوالى أسبوع بس .. دخلت عند الاستاذ / جمال طه علشان اشوف ايه آخر أخبار قضيته
أتفاجئت ببعض الاشياء الغريبة التى فى غير مواضعها نهائياً .. مثل :
صورة كونداليزا رايس فى البوست جنب صورة لملك السعودية و صورة لمبارك وهى ملهاش اى علاقة بالموضوع
حاجة تانية :
صورة صدام و تحتها كلام حلو الى حد ما على مصر .. و لكن صورة صدام كان فيها كالمشرد بجد..
و الكلام تحتها كأنه موجهه لصدام خاصة ...
حاجة تالتة :
فوق صورة صدام حاطط صورة بوش ..
حاجة رابعة :
فى احد بوستاته قال : اسرق السعودى قبل ما يسرقك ... انصب عليه قبل ما ينصب عليك
..... الى آآآخره !!!!!!!!!!!!!!!؟؟؟
عن نفسى تصرفت كما يتصرف اى شخص .... دخلت أسيب كومنت أناقشه فيه فى هذه المواضع
الشائكة ...

(جامدة شائكة دى هااا)
و أتفاجئ !!!!!!!!!!!!!!!!!!!!!!!!
الكومنت اتمسح .. و دخل المدونة تبعى ترك كومنت ممكن تشوفوه فى بوست المؤتمر
و لم يجيبنى على الاسئلة الموجهة اليه .. فقط انه كان يدعو الى حقوق الانسان .. !!
اسئلة موجهة اليك يا استاذ / جمال طه
كيف لك تدعونا للوقوف بجانبك لاخذ حقك المهدور و انت لا تستطيع ان تواجه بضعة اسئلة
حدثت بالفعل و اناقشك فيها ...؟
و كيف لك تريد ان نقف و نصرخ من اجلك و انت تتمحك فى كونداليزا رايس
و بوش الجباااااااااااااااااااااااااااااااان ........ ؟؟؟؟؟؟
و كيف لك كمدون او كأنسان من المفترض ان تكون على درجة من الثقافة ولو قليلة
تطلب من المدونون ان يسرقوا و ينصبوا و ينهبوا ... !!؟؟
و تريد ان تأخذ حقك؟!!!! ... مش حضرتك بتتمحك ببنت رايس .. و الجبان
ممكن كمان تحط صورة السفاح و القرد

( شارون _ وأولمرت )
انا حاسس انك تتبع منهجية او مبدأ امريكا فى حرب ما بعد 11 سبتمبر
" من ليس معنا فهو ضدنا "
ممكن انت بقى تكون تبع حزب معاهم معاهم _عليهم عليهم
يعنى غرقان .. و مايهمك مين الى ينقذك حتى لو كلب صهيونى او واحد قتل المئات و المفروض انه هيجيبلك حقك
أنت تنادى بالديموقراطية و العدل
و انت خير مثال على الديكتاتورية و الظلم
ظالم .. عندما ظلمت السعوديين بوصفهم بالحرامية النصابين
... أنت مصرى و يوجد فى مصر من يتعاطون المخدرات
أذن انت متعاطى
******

يوجد الحرامية
أذن أنت
*****

يوجد البلطجية
أذن انت
*****

يوجد الكثير من النصابين
أذن انت
****

أن كان ذلك هو معيارك و مقياسك للحكم على الامور فليكن
فليكن على الجميع لا يستثنى أحداً
حتى أنــــــــــــــــــــــــــــــــــــــــــــــــــــــــــــــــــــــت
و لا أعتقد يا استاذ/ جمال ان ردى فى مدونتك كانت كلماته متضمنة اى أساءة او لفظ خارج
و لكنك انسان تعسفى _ديكتاتورى من الدرجة الاولى
لا تقبل باختلاف الراى _الراى الاخر _بمعنى اصح
فحذفت ردى كى تهرب من الاجابة علي تساؤلاتى
هاا انا اطلب مواجهتك على هذه الصفحة ... هل ستلبى ام ستهرب مجددا؟؟
و المناقشة مفتوحة للجميع ..... وأحترام الاراء هو اساس التعاون
و احترام الغير هو اساس احترام النفس
من أقوال الشاعر المغمور اقصد المشهور ./ أبو تيكة المنصورى

Saturday, February 23, 2008

صرخة شهيد

الموضوع الى كنت كلمتكم عنه و عن انه من افضل ما سطر قلمى
بالرغم من تواضعه الشديد بالنسبة لاقلام كثيرة اعرفها ولا اعرفها
و لكن هناك معزة لهذا الموضوع خاصة
لانه و منذ ان لمس قلمى الورقة لم ادرى بما اكتب الا و انا ارفع القلم
انتظر ارائكم سواء بالنقد او بالقبول
.........
صرخة شهيد
....
اسف ايها الشهيد لانه لم يكن بمقدورى سوى الاسف و النحيب
اسف ايها الشهيد يا من نزفت الدم
اسف يا اسرى السجون على سنواتكم التى ضاعت هباء
فما بنيته يا شهيد الحق بكل قطرة فى دمك
ويا اسير السجن بكل سنة من عمرك وراء حديد مستعر فى سنوات طوال مليئة بالنضال والكفاح من اجل الحرية و الصلاح يدمر الان على يد ابناء جلدتكم و عشيرتكم ما بنيتموه فى سنين طوال_يدمره اخوانكم فى شهور قلائل
انتم بنيتموه بالدم والالآم و سطرتموه بالاحلام
هم دمروه بالحقد و الطغيان و سطروه بالاوهام

انتم حاربتم تحت راية العز و الكرامة
و هم ركضوا وراء الذل و المهانة
انتم انتفضوا من اجل القدس مهبط الاديان
وهم اختبؤا كالفئران بداخل الوديان
لقد فاضت كلماتى وعجز قلمى وثقل لسانى و صرخ وجدانى و هبت مشاعرى
جراء هذا الصراع المتسلط _ العقيم الحمساوى للدم _الفتحاوى للقبور
ما بالكم ايتها الابل التى لا راعى لها
هل ان لم اكن حمساوياٍ سيقتلنى الحمساوية و ان لم اكن فتحاوياٍ ستقتلنى فتح!!؟
خسئت الفرقتان و خسفت بهما الارض
طالما انهم ينظرون لانفسهم و لمصالحهم ولاهوائهم فقط ولا يبالون
بمن يقتلون و تسفك دمائهم و ترمل زوجاتهم وييتم و يشرد اولادهم

على يد اخوانً لهم
فلتطلق صرخة يا شهيد الحق يعلو صداها كلما ابتعدت
توقظ بها ضمائر أمة غفوت
لقد كتب التاريخ اسمك فى صفحة الامجاد
و ظلوا هم مع الاوغاد
كتب اسمك بحروف الشرف
وهم غارقون بالترف
انت اقمت بالحمى حصناٍ منيعاٍ
وهم صنعوا بأهوائهم كرسياٍ رديئاٍ
و اخيرا : ان لم تكن قادرا على مواجهة نفسك فانت سيد الاموات
وان لم تكن قادرا على الاعتراف بخطأك فان سيد الاهواء
nidaal

Tuesday, February 19, 2008

تغطية مؤتمر فلسطين فى قلب مصر

فلسطين فى قلب مصر
كان هذا هو عنوان المؤتمر الذى اقامته
شبكة فلسطين للاعلام و الدراسات
بالتعاون مع

لجنة الشئون العربية و الخارجية
و لجنة دعم الانتفاضة
كانت ليلة انسانية بكل معنى الكلمة انسانية لدرجة البكاء
ليلة بكاء الكاتب و المفكر الكبير الاستاذ / فهمى هويدى بعد ان استطرد قصة قصتها احدى المدليات بشهادتهن ممن ذهبن الى غزة .. الا وهى قصة احلام هذه البنت الصغيرة التى تبلغ من العمر 13 سنة فقط
تعانى من مرض الفشل الكلوى و مات ايضاً 5 من اخواتها بسبب هذا المرض لعدم توفر الرعاية الصحية بكل ما تشمله الكلمة من عيادات او مستشفيات للكشف او حتى الادوية للعلاج
أثار بكاء الاستاذ / فهمى هويدى حفيظة عدسات الكاميرات فجاء الكل ليصور هذا الموقف الانسانى النبيل
كما كان الاستاذ الدكتور / عبد الله الاشعل مساعد وزير الخارجية الاسبق متواجد بقوة كلماته التى انتقد فيها عمرو موسى و سياسته حول قضية المعبر التى اصبحت لا تحتاج الى حل بديل .. لانه فى رأى الشخصى لا يوجد اى بدائل هنا على ارض الواقع و لكن هناك على الاوراق المبللة بمجرد احبار يوجد عشرات بل مئات البدائل الاخرى
و عند انتقال الحديث للسياسى الفلسطينى الاستاذ / عبد القادر ياسين قال انه وعندما قتل 48 من جنود مصر على الحدود اقام الشعب المصرى الدنيا لهذا الحدث ولم تعرف الجلوس بعدها و لكن على العكس تماماً حينما قتل 4 فلسطينيين على الحدود فبات صامتاً ... و ايضاً أتى بالوثائق استشهادأً بها عندما ذكر رمسيس الثانى ان خط دفاع مصر الاول هو الاهواز .. و يقصد بها العراق حالياً
و تحدث بعض من المدلين بشهادتهم و ليس كلهم .. منهم خالد سيف الدولة و ايمان عبد المنعم و مروة النجار و داليا صلاح و على رأسهم المناضلة الشعبية او كما اسميها انا المجاهدة الخفية ايمان بدوى و الدكتورة / زينات ابو شاويش عندما قصوا كمية المأساة التى يعيشها القطاع ببساطة لا يوجد شىء و بعض من القصص الانسانية التى ادمعت لها الاعين وعدم توافر ابسط الاحتياجات و عدم وجود اى امكانيات لاى مريض فى اى مستشفى
اعتقد انها سياسة .. يا أما تموتوا جوا ارضكم يا أما تطلعوا بره
و افادت شهادة الشهود بأن الناس بداخل القطاع يعيشون على المعونات فقط لاغير ولا يوجد الا عدد قليل من المتاجر التى مازالت تفتح ابوابها امام الناس المكان اشبه بالمهجور كلياً .. وفى رأى ايضاً انه ان لم يكن هناك اصوات أهاااااااااااااات تنبع من داخل الحجرات او اصوات بكاااء تأتى من خلف الرواق لظن الزائرون انها مدينة مهجورة من الشكل العام للشوارع و حركة الحياة
و اضافت ايمان بدوى كلمة أثرت فى شخصياً جداً .. كلمتين قليلتين جداً فى الحجم او فى عدد حروفهم و لكنهم ذو عمق لا نهائى فى مغزاهم و معناهم .. اى شخص سوف يسألنى عن عمرى بعد ذلك سوف اقول له ان عمرى هو اربع ايام فقط و هى المدة التى قضيتها فى غزة و مع سكان غزة
كان لهذه الكلمات اعمق الاثر ليس فى وحدى و لكن فى جميع من كانوا متواجدون بالقاعة
ثم جاء الشاعر والصحفى الاستاذ / احمد الشوكى بعزف مقطوعة موسيقية لصالح فلسطين
اشجى بها كل الحاضريين
و انتقل الحديث الى الاستاذ / محمد عبد المنعم مدير ادارى اتحاد الاطباء العرب وكشف عن احصائية
كانت هى خير الختام لجميع من لازالوا فى طور الكسل ولا يستطيعون النهوض لاغاثة اخوانهم
احصائية مصغرة جداً فى نطاق مكان تواجده بداخل القطاع
توضح عدد مرضى غزة تقريباً قابلة للزيادة السريعة و هذا اكيد

1562 مرضى يحتاجون لعلاج خارج القطاع
322حالة خطرة
22جهاز غسيل كلوى معطل
107 نوع دواء انتهى من القطاع
97 نوع دواء اوشك على الانتهاء
136 جهاز طبيى متوقف عن العمل
470 مريض بالسرطان
52 ضحية للحصار المفروض على غزة
و اختتم المؤتمر اعماله بهذه الاحصائية المصغرة جداً
و لكن لازالت القضية عالقة .. تبحث عن البديل
و كثيرون يبحثون عن بديل و لكن هل يتسألون هل يوجد فى الاساس بديل ؟ .. لا بديل الا فتح معبر رفح امام سكان غزة ولا بديل الا بأمدادنا الكهرباء للقطاع ..
هرعتم ألينا يا فلسطينية فلن نخذلكم .. فقد جئتم الى حضن اخوانكم و لن يردوكم خائبين

Mohamed gamal
NIDAAL

الاستاذة الدكتورة / زينات ابو شاويش
رئيس تحرير شبكة فلسطين للاعلام و الدراسات

الكاتب و المفكر الكبير العظيم الاستاذ / فهمى هويدى
الاستاذ الدكتور / عبد الله الاشعل
مساعد وزير الخارجية السابق
كما شهد المؤتمرحضورعدد من المدونيين ليثبتوا
ان العالم التدوينى ليس فقط كتابة بدون وعى او جعجعة
كما يصفه البعض بل هو مجتمع قادر على المشاركة و العطاء
و كان منهم شاهندة و احمد الجيزاوى و محمود الدوح





Saturday, February 16, 2008

مجزرة فى البريج : صور مش مؤلمة ما تخافوا _ و تنويه هااااااااااااااااااام جداً جداً

انا عارف انكم مش مستعدين للغم و النكد و الدم
لكن الصور دى هى اقل ما ورد وما شئت انى اضع الصور الاخرى علشان انا عارفكو ..
دم _ قتل _سفك _ دمار ياااااااااااااااااااااااااااااااااااااااااااااى
المهم .. يا جماعة الناس لازم تعرف الى بيحصل لازم تحس على دمها شوية لازم تشوف لازم تتحرك
ليه مش كل اسبوع كل بلوجر باختلاف افكاره و توجهاته ينشر بوست صغير عن فلسطين اى كان
المهم برده مش موضوعنا ..... الصور دى صور اطفال لسة جاى مباشرة اطفال تكسو وجوههم الدماء
اطفال مترمية على الارض فى المستشفيات ... ستات عواجيز مصابين
الكلام ده فى مخيم البريج الى مليان مدنيين و كانوا مستهدفيين ناشط فلسطينى فموتوه و موتوا مراته
و اولاده و ناس تانية بجوارهم و دموروا بيوت كتيرة
الاحصائيات حتى الان
شهيد 11 و جريح 50

طب ليه .... و ليه موجه استهداف المدنيين الى حصلت دى من بعد زيارة بوش ....ولا من بعد ليه
مهو وهو فى عز الزيارة كان بيموت عشرات .....و طبعاً استهداف المدنيين الفلسطينيين من زمان بس كان على فترات و كانت بتبقى مجازر لكن دلوقتى كل يوم او يوميين فيه استهداف للمدنين .. عينى عينك
فين البرلمان الاوروبى الى جاى بتعليمات صهيوامريكية لمصر و يقول ان مصر فيها انتهاكات لحقوق الانسان
فيه انتهاكات ايوة ماشى ...لكن ماذا تسمون ما يحدث فى فلسطين
هل الفلسطينيين متوفر لهم هذا الحق ....
دعونى اقول لكم .....ان وثيقة حقوق الانسان لم تتضمن الفلسطينيين .. كما ارى .. هم خارج دائرة التضميين
human rights dont imply us !!!!!


طب السؤال الى اتمنى ان يجاوبنى عليه كل من يشرفنى بزيارة المدونة
و بعديـــــــــــــــــــــــــــــــــــن ؟؟؟؟ ...
قولنا قاطعوا أبيتم !!!!!قولنا افعلوا أشى ..تكلمتم و ما اكثر الكلام
و بعديـــــــــــــــــــــــــــــــــــــــــــــن ؟؟؟؟؟
احصائية بسيطة جداً اتمنى قرأتها بعناية
زجاجة الكوكاكولا = 6 رصاصات
هوهوز = 2 رصاصة
و بما ان الورقة الى كنت كاتب فيها مش معايا دلوقتى يبقى مش هألف
اما بالنسبة لكنتاكى و ماكدونالدز = عدد الرصاص على حسب ما تدفع يا معلم
وعلى حسب ما تدفع تساهم مع اسرائيل بقتل طفل اخر
قشطة يا معلم ادفع ادفع و اقتل .....ببلاش يا حج
مبروك عليك الدم المهدور ... مبروك علينا العار يا رجااااااااااااااااااااااااااااااااالة .. مبروك علينا العار و الله
CUT.....................
shut up
i wanna all to view our shame , all ara...
and leader of arab ppl MR \ prs.......***
mu**** ......
helllllllllllllllllllllllllllllp !!!!!!!! dom bom bom doom
park .. paaarak
one tiiit word i have to say
tiiiiiiiiiiiit you mubarak
and tiiiiiiiiiiiiiit to all your d*** covernment
مش بقول تيييييييييت لانى خايف من اسم النبى حارسه و صاينه ولا كلابه
لا ده علشان ما أذيكمش انتوا بالكلمات
تنويه هااااااااااااااااام
فلسطين في قلب مصر … شهادات العائدين من غزة
.........................
تقيم شبكة فلسطين للإعلام والدراسات بالتعاون مع لجنة الشئون العربية والخارجية بنقابة الصحفيين مع لجنة دعم الانتفاضة مؤتمرا تحت عنوان فلسطين في قلب مصر … شهادات العائدين من غزة السادسة مساء الأثنين الموافق 18/2/2008بنقابة الصحفيين حيث يتحدث فيها الاساتذة
د . عبد الوهاب المسيري
د.عبد الله الاشعل
الأستاذ فـهـمـى هــويــدى
الأستاذ جمال فهمي
بالاضافة الي عدد من شهادات الاخوة المصريين العائدين من غزة
حضوركم هااااااااااااااااام جداً كلكم بدون استثناء يا بلوجررررية .... الى منشغل بالقضية و الى مش
او الى عسل او الى طحينة .....يعنى كله على كله لازم يييجى ضرورررررررررررررررى جداً
مش عارف ابوس ايديكم يعنى ولا ايه .....لو سمحت تعالوا بس كدة و خلاص
NIDAAL

Tuesday, February 12, 2008

لم ينسى فلم ينسى _فرحة الفوووووووز على اوجه المدونون


و الله من حقك ان تتصدر صورتك هذه كل صفحات الانترنت فخراً و اعتزازاً بك
انت لم تنسى اخوانك فى غزة فى عز فرحك فلم ينساك الله فى عز احتياجك
احتياجك لهدف تعزيز الموقف ... لم ينساك الله و جعل قدمك هى من تأتى بالكأس لم يشاركك احد فى ان يكون السبب فى الفوز و النصر
فلك كل احترام و تقدير الفلسطينيين و قبلهم العالم اجمع
انت فخرنا فأستمر .. و انت عزنا فأستمر
.......................................

حبيت افتتح البوست بأبو تريكه وموقفه العادل الشجاع تجاه قضيتنا ..فهو اجمل ابتسامةو اجمل وجهه رأته العين
النهاردة تغطية متواضعة بسيطة عن ليلة قضاها الشعب المصرى فى شوارع المحروسة
و كان فيهم مجموعة مدونون بسيطة ولكن مؤثرة
............
شاهندة
...و تشجيع حاااااااااااااااااااااااار فى اخر لحظات الشوط الثانى
تقوم مع الهجمة و تقعد مع الهجمة ... كنت حاسس انها هتدخل جوة الشاشة و تلعب معاهم
و طبعاً شايفيين أيد .... طب أيد مين دى يا ترى ؟
دى آآآآبى بس كانت بتشجع و هى قاعدة .. اعقل شوية من شاهندة
هههههههههههههههههههههههههههههههه

نوووووووووووووووووووشة
و لحظات ترقب لانطلاق صافرة الحكم ...

فجأة تنطلق صافرة النهاية معلنة فوز المنتخب و يتحول معها شارع البورصة الى نهاااااااااااااااااااااااار

و ارتفعت الاعلام جت منين مش عااااارف

فتاة ترقص فرحاً فى وسط ميدان التحرير

العزيزة آآآآبى

....... هبت من مكانها لتصور الاحداث
حالها حال شارع البورصة كله .. ويادوب خدت اتنين شوت و مشيت جرى هى و شاهندة
قال ايه ... الاشارة هتتقفل ..كنت بحسبها وراها حاجةو عايزة تمشى و بتتلكك
لكنى آآآآآآآآآمنت ... الشوارع كلها اتقفلت فى لحظات .. و الراااااااااااجل يعرف يمشى بعربية

الصباغ مع الجيزاوى مع شمس مع حمادة زيدان
رقصوا رقصة رباعية خطييييييييرة .... ابقوا علموهانى بالله عليكوا

شاهندة ترفع علم مصر
و المفاجأة انها كانت لابسة طقم ابيض فى اسود فى احمر
لأ ... اصيلة بجد ... و تشجيع من القلب

محمد الشاعر .. شخصية جميلة قوى .. يهتف

و يشجع مصر و فواصل من الرقصات على انغام الهتافات المصراوية

شمس
..ههههههه..... اعتقد انه كان فى ساعة اندماج عالية جداً
و كان من اكبر المشجعين او الهاتفين او الى بيقوموا الجمهور اثناء الماتش
و طلب خااااااص على الهواء مباشرة لشمس
علمنى الرقصة دى او حتى اسمها ايه؟ ....... قمة الاندماج

الصباغ ... بالذمة فيه خالو يرقص .. طب يكون قدوة ازاى بقى
هههههههههههههههه
بس و الله عسل يا صباغ

اكثر ما اسعدنى هنا و عن جد ارتفاع و تواجد العلم العراقى وسط الاحتفالات

بالاضافة الى العلم الفلسطينى الحبيب جداً جداً على قلبى .... و الله زادنى فرحاً بعد فرحى

ميدان التحرير عند المجمع بالظبط ...
تحول الى بركة من البشر فى لحظة و الاعلام بالمئات و المشاركون من كل الفئات
رجال كبااااار فى السن يحملون الاعلام _نساء تطلق الزغاريد .. ايوة و الله _شباب و بنات يهتفون و يلوحون لمصر وللمنتخب و باعلام مصر الجميلة


حتى الاجانب شاركوا الشعب المصرى فرحته و هتفوا معه و ساروا معه ولكن طبعاً ما اتعرضوا لتحرشات الشرطة

الشرطة مش سايبانا لا فى فرح ولا فى غم ...... وراك وراك .....هتروح منى فين

و ان شاء الله تتكرر الفرحة المصرية الشاملة العارمة دى كتيييييييييييييييييييير ....كتيييييييييييييييييييير
و دائماً يكون المصريون و العرب جميعاً خير اخوة فى الافراح و الاحزان
و يااااااااااااااارب ترفع الاعلام الفلسطينية و العراقية دائماً و ابداً فى كل مناسبة و فى كل فرح
دمتم جميعاً بالافراح ...... و اتمنى ان تكون التغطية المتواضعة جداً جداً دى نالت على اعجابكوا
كان نفسى يبقى فيه صور اكثر لكن الكارت نونة فبالتالى الى اتمسح اكثر من الى اتصور بكثييييييييييييييييييييير
juba

Monday, February 4, 2008

المائدة التى فقدت ارجلها

قرأت كتاب عن التفاوض و عن هذا الفن الجميل الذى نستطيع ان نستخدمه ليس فقط فى العداوات و الخصومات و المشاكل بل فى الحياة العملية ايضاً ...و الذى يمكن ان نستخدمه فى حل النزاعات بيننا و بين اشخاص اخريين
و ايضاً يمكن لنا ان نتعاون بمبدأ التفاوض ....عملى جداً وطبعاً طلعت من الكتاب اسس ابنى عليها هذا الموضوع
......................................
استحالة نجاح عملية تفاوض
فلسطينيية _ اسرائيلية
...................
هناك من ينادون بالسلام بين الفلسطينيين و الصهاينة
ينادون بالمفاوضات و اقامة حوار ثنائى الجانب او حتى ثلاثى يتدخل فيه طرف ثالث محايد
و لكنهم لم ينتبهوا الى شىء هام جداً من اهم النقاط التى يقوم على اساسها العملية التفاوضية
بدونه لا يمكن اقامة مفاوضات بين طرفين
وهو ايجاد نقطة التقاء مشتركة او ارضية مشتركة يستطيع الطرفين الالتقاء عندها
( كلام مكعبل شوية )....
هناك نقطة تتجمع عندها مصلحة ما من مصالح الطرفيين .. عند غياب هذه النقطة لا يمكن التوصل الى تفاوض جدى
لا يمكن الحصول على اتفاق مرضى .. و تظل العملية التفاوضية بين الطرفين معلقة لا هى بالمثمرة ولا هى بالفاشلة
و اسرائيل تتبع منهجية التفاوض الاسترخائى وتنجح فيه لتهدئة الاوضاع و لجعل الثورة الشعبية تتحول الى حالة ثبات عميق
واذا افترضنا ان حماس و فتح سوف يجتمعون لاقامة حوار او للبحث عن مفاوضات تبحث عن حل للوضع الراهن
هذا ممكن .. برغم كل الاختلافات التى تنبأ باستحالة الحوار
لماذا ؟
لان هناك نقطة تلتقى فيها مصالح الحركتين او مبادىء متفقون عليها
الا وهى الشعب الفلسطينيى فلا يستطيع احد الحركتيين ان ينكر ان مصالح شعبهم لها الاولويات
او انهم متفقين فى هذه النقطة ...
و لكن اين النقطة التى بين الفلسطينيين و الصهاينة المتفقين عليها و التى يقوم على اساسها التفاوض ؟
بكل بساطة لا توجد اى نقاط التقاء ... و لهذا نقول ان العملية التفاوضية مستحيلة بين الطرفين
وهناك سبب اخر لاستحالة هذه العملية .... ان الطرف الثالث يكون دائماً غير محايد
مثلاً امريكا لن تكون ابداً محايدة و لكنها بالعكس متحيزة لاسرائيل
ولا يجوز التفاوض بمبدأ القوى يدهس مصالح و مطالب الضعيف
يجب ان يكون الطرفين متساويين فى كفة القوة حتى يحصل كل منهم على مطالبه و يستحق احترام الاخر
كيف تكون هى مفاوضات جادة بينما لم يلتزم الطرف الصهيونى بالشروط الواردة و الملزمة له فى اتفاقيات سبق و ان تمت؟
كيف يكون هناك مفاوضات يوجد بها طرف محايد بينما نفس الطرف المحايد يزود احد الاطراف بالاسلحة لنشر الدمار؟
كيف يكون هناك مفاوضات جادة بينما يجلس الفلسطينيون و الصهاينة على مائدة المفاوضات يقتل عشرات من الشعب الفلسطينى فى نفس اللحظة التى يتفاوضون فيها ...
كيف لنا ان نتفاوض مع رجل جاء اسمه مقروناً بالفشل اكثر من 120 مرة
و هو ايهود اولمرت فى تقرير فينوجراد الاسرائيلى
يا من تنادون بالسلام .. كونوا سلام اولاً
و يا من تنادون بالمفاوضات .. وفروا شروط التفاوض الجاد_ الصحيح _الهادف اولاً
ولا تتبعون منهجية التفاوض الاسترخائى الذى هو فقط لتمييع الامور و خفض الثورات ..
و شعبنا هو اسرع شعب يثور و اسرع من الصاروخ فى الهدوء عندما يعلم ان هناك مفاوضات
او حوار جارى... جارى على المائدة التى فقدت ارجلها ....
juba

Saturday, February 2, 2008

متنوعات

شششششششششششششششششششششششششششششششششششششششششت
انا رجعت يا رجاااااااااااااااااااالة
و فيه حاجة ضغنتوتة اوى عايز الفت نظركم ليها
اعتقد ان كل الى اتشرفت برؤيته كان متوقع انه هيشوف نضال دة شيخ و بلحية و متشدد فى الاراء
و ممكن كمان يكون ماسك سلاح فى ايده
تؤ تؤ تؤ .... يا راجل ما تقولش كدة... انت كنت فاكر كدة
بس مفيش لا لحية ولا متشدد ولا بتاع .... كل الحكاية ان فلسطين قضية المسلمين مش قضية الفلسطينيين بس . ده فوق حبى لفلسطيين الفطرى...اوك .. علشان فيه كلمة اترزعت كدة فى النص ما جتش الفرصة الى ارد عليها
فى حدود .. التوضيح .. تمام يا ريس .. ندخل بقى فى المهم
اسف لهذا الانقطاع و لكن ظروف خارجة عن السيطرة العمودية اللا مركزية
لكن هداك اليوم بدى احكى معاكم شوية فى شوية مواضيع
الاول : بماذا تؤثر مقاطعتى للمنتجات الامريكية و الصهيونية ؟؟؟متنوعات
طبعاً انت بدك تحكى و تقول يا عم يعنى انا الجنيه الى بدفعه ده الى هيوقع و يهد اقوى و اعلى اقتصاد فى العالم
اسمحلى اقولك ايييييييييييييييييييييييييييييييييييييييوة !!!!
خد تعالى رايح فين ؟ ده انت وقعت فى حارة سد ؟ مش ديكتاتورية و لكن بالنقاش هنشوف مين الى صح
المقاطعة ولا عدم المقاطعة
المثل ده ضربته لزميلة اثناء النقاش فى نفس الموضوع
احنا كام مسلم فى العالم ؟ ... حوالى مليااااااااااار و... كتييير
طب لو افترضنا ان كل مسلم بيصرف فى اليوم جنيه فى اى منتج داخل المقاطعة
هيبقى المسلمين صبوا فى اقتصاد مين و بكام ؟؟
هيروح كل يوم لامريكا مليااااااار .... و كتييييييييير
فتخيل انك انت السبب الرئيسى فى قوة اقتصاد امريكا
لان لما يكون ليك شركة و فيها عميل بعطيك كل يوم ملياااااااااااااااااااار جنيه بس
هيبقى صاحب الشركة بقى مش عميل !!!
يبقى حضرتك لما مش هتدفع الجنيه ده انت و مليار مسلم معاك
هتمنع دخول مليار جنيه الى الخزينة الامريكية ..
يعنى لو استمريت شهرين على دا الحال ممكن تهدم اقتصاد امريكا من الاساس تبعه
و تخليها عبد انت تتحكم فيه كيف ما تشاء
اظن ان الى عايز اوصله ليكوا وصل
طيب ....
........................
الثانى : انا و بداية الصحافة
اول ما فكرت و قولت يا صحافة ... عملت اتنين حاجة
روحت عملت حديث صحفى مع د / ابراهيم علوش
استاذ الاقتصاد بجامعة الزيتونة الاردنية و الكاتب
طبعاً ما كنش اد كدة و لكن اعتقد انى ساعتها اجتزت حاجز الرهبة بطريقة او باخرى
و كتبت موضوع بعده على طول اسمه صرخة شهيد اعتقد انه من احلى و اكثر المواضيع الى حاسس انى قدرت اكتبه بشكل كويس ...الحديث و الموضوع على حسب ما تطلبوا لو موافقين هنشر ولو مش موافقين برده هنشر ... هههههههههه... رخامة بقى .. و اسألو الصباغ على الرخامة
...........................
معنى الصداقة .. وهم ولا حقيقة
كل واحد وله دايركشن مختلف عن التانى بس فيه شوية نقاط التقاء لما اتنين بيلاقوها فى بعض فبيصير اتفاق
و بيبقوا اصحاب بكل بساطة .... الاسطح ولا خليها الارضيات المشتركة هى العامل الوحيد لانشاء صداقة
ناس تقول وهم و بنعيش فيه .. ناس تقول هو وهم ولا ارغب فى العيش فيه
و ناس تقول دى حاجة واقعية و موجودة و مؤمنين بيها
طبعاً فيه اختلاف فى وجهات النظر اكيد و لكن عن نفسى احب تكوين صداقات و خاصة لو مع عقول متميزة
عارفيين نفسهم كويس اوى ... 17
استطيع ان اتعلم من خلال حديثهم .. الكثييير
و الاهم من انشاء الصداقات هى الحفاظ عليها ... يعنى لو انا بعامل الى قدامى على اساس انه اخويا بالظبط يبقى اضمن اننى استطيع ان احافظ على صداقته للابد
و لكن و المنتشر حالياً هى صداقة المصالح ... مصالح فقط لا غير
فبالتالى فقدنا المعنى الجميل للصداقة لانه اتمحى من كتر ما تم توجيهنا للمصالح فقط
بمجرد انتهاء المصلحة انت خارج الخدمة ولا تعرف صديقك ولا تأبه له
افهموووووووا يعنى ايه صداقة و بعدين حاولوا تكونوا اصحاب
ولا انتوا رايكم ايه ؟؟؟؟؟
ملحوظة هااااااااااااااااااااااااااااااااااامة جداً
الموضوع ده من الاسبوع الى فات لا الى قبله ايوة ... فى الدرافت
يعنى مش موجهه لاى شخص كان ... الكلام على العامة من الناس
و الى هيتكلم كلمة هسلط عليه المقاومة تبعنا فى فلسطين
دمتم جميعاً خيراصدقاء
فى اوقات الشدة و الرخاء
............................................
..واحدة واقفة بتتمنى قدام حانوت الدهب
بتختار و تحلم و تتخيل ....مستنية يوم ما يجى العريس .. فين العريس
ماسك سلاحه .. طيارة عم بتحوم فوق ظله .. صهيونى بيركض ورا أهله
امريكى بينتهك عرضه .. والمشكلة انه مش خايف يواجهه
ظل واقف كالاسود التى تدافع عن عرينها يضرب مغتصب ارضه و يدافع عن شرفه و عرضه
و ظلت البنت هيك واقفة منتظرة .. ولكنها لم تكن تعلم بانها تنتظر سيد الابطال فى نعش يجرى و كانه الريح فى قوة اعاصيره .. اشتاق الى مثواه و ترك الفتاة
وحدها وقفة هون الاهل عم بيزغرطوا و الاقارب بيكبروا
و برده ظلت الفتاة تبع نفسها و تظل فلسطين تبع نفسها لا تملك اهل يبكون عليها او يطلقون الزغاريط لاجلها
حالك يا فلسطين هيخلى كل العرب يشيلوا الطين
juba