palestin holocoust

palestin holocoust
Gaza# VS Israel# holocoust

Sunday, January 27, 2008

نقاط فى الحسبان : حسابات للتبرع لصالح فلسطين

فى الاول خالص لازم كلنا نشكر لاعب منتخب مصر محمد ابو تريكة
لانه اعلن موقفنا للعالم من خلال التىشيرت تبعه الى كتب عليه
"تعاطفاً مع غزة "
و اعتقد انه رد مباشر على لاعب غانا عندما رفع علم الصهاينة فى كاتس العالم
و قال ايه اتحاد الكاف عايز يوقع عليه عقوبات ...
ربنا يبارك لابو تريكة و يكرمه و ينصره و لو وقعت اى عقوبات
لازم كلنا نتحرك من اجله و بس
بعد التطورات التى كانت يتوجب حدوثها و نحن المصريون نؤيدها
و نؤيد من كانوا السبب فى حدوثها ..و جميعنا نعرف انه وان لم يفتح معبر رفح فسوف تتكرر تلك الاحداث و بصراحة هيكون من حقهم .. و لكن و ان تم الاتفاق بعد اللقاء المنتظر عقده بالقاهرة بين قيادات حماس و فتح
على ان يتم فتح معبر رفح امام الفلسطينيين .. ومش عارف ليه عباس مش موافق على حسب اخر الاخبار على هذا اللقاء بينما رحبت حركة حماس به ... مش عارف الراجل ده ازاى بيحط ايده فى ايد المجرم السفاح اولمرت الجبان فى حين ان الخنزير الصغير اولمرت ايدة متغرقة من الدم الفلسطينيى
حقاً تباً للسياسة ان كانت على حساب الشعب دى كمان على حساب حياة الشعب
المهم نرجع لموضوعنا... فيه شوية نقاط يجب على اخوانى الفلسطينيين ان يضعوها فى الحسبان و فى اعتباراتهم الاولية ..
اولاً :
*يجب ان تنظم الحركة على الحدود ما بين رفح و غزة .. و يكون الدخول بجوازات السفر و الوثائق
هذا فى حال تم فتح المعبر بصورة مستمرة
يجب معرفة هوية كل من يدخل او يخرج الى و من الاراضى المصرية *
و ليس انتم المقصودون يا اهلى الفلسطينيين بهذه الاجراءات و لكنكم تعرفون جيداً ان الايادى الصهيونية فى كل مكان و تستغل هذه المواقف الفوضوية احسن استغلال و على اكمل وجه
عن طريق زرع عناصر تخريبية بين صفوفكم لتشويه صورتكم و صورة قضيتكم
لمحاولة دب الفتنة و الفرقة بيننا ... لجعل الظغط الشعبى المصرى يعمل بصورة سلبية تجاه قضيتكم العادلة
فلى رجاء عندكم يا اهلى يا ابناء شعبى المناضل يا احفاد ابطال مازالوا بيننا
يا امهات شهداء روت دمائهم ارضى و ارضكم
تمتعوا بالحكمة و اتبعوا تعليمات الامن المصرى لانه يريد حفظ أمنكم و امن الشعب المصرى
لا نريد شغب ولا عنف ولا ازعاج ... خذوا ما تريدون و ارجعوا للمرابطة و نحن معكم و نعمل على قضيتكم و الله هو الشهيد ... لا اريد ان اسمع فى يوم من الايام كلمة .."هذا هو الفلسطينيي الى فتحنا له ارضنا دخل يدمر و يخرب فيها " ابداً ابداً
نحن معكم و لن ندعكم تموتون و نقف موقف المشاهد
لن ندع من يبكيكم يتمتع و سوف ترون
سوف يكون بكائكم كالنار على جلودهم يتمنون ان لم تبكون يوماً
اما انتم يا شهداء الابية
فاتمنى ان اكون مكان واحد فيكم
فهل يعطينى احد منكم مكانه ؟

و كما طلبت او اقترحت عاشقة الفردوس
هذه هى ارقام حسابات لجنة الاغاثة و الطوارىء
اتمنى ان تكون ذات منفعة ...
شكراً لانك فعلاً فكرتينى الف الف شكر
انا اسف يا جماعة بجد انا فيه حاجات بتبقى ضرورية كتيير بتكون فى دماغى بس ظغط الوقت مع كثرة الافكار و المواضيع الى بتزن فى الدماغ بنسى و الله .... اعذرونى و ياريت لو اى حد عنده اقتراح انا ارحب بيه جداً مادام فى المصلحة .... انا مش عبقرى علشان يبقى عندى جميع الاقتراحات و الحلول.. ساعدونى
هههههههههههههههههههههههههههههههههههههههههههههههههه
بجد انا افتكرت موقف بسبب كلمة ساعدونى دى هحكيه لكم فى السريع
بدون ذكر اسماء .. كنت قاعد وراح واحد صاحبى حاكى عن المظاهرة الى كانت فى نقابة المحاميين على ما اتذكر
و كانوا رافعيين و معلقين كتابات اغيثوا غزة ..اغيثوا غزة
راح الامن محاصرهم .. رفعوا لافتات اغيثوووووووووووووووووووووووووووناااااااا
هههههههههههههههههههههههههههههههههههههههههههههههههههههههههههههههههههههه...
موقف يموت من الضحك بجد ... بس كدة خلاص ... حطوا الكلام الى قلته من شوية حلقة فى ودانكوا يا فلسطينيية
انا بس خايف عليكوا من المخططات الصهيونيية الى بتوقع الدنيا فى بعضها و خايف على صورة القضية الفلسطينيية من التشويه امام العرب عامة و المصرييون خاصة
juba
................................
لجنة الإغاثة والطوارئ:-للتبرع على أرقام الحسابات الآتية:بنك فيصل:
212051بنك مصر: 18810/1/101_البنك التجاري الدولي (CIB): 4-9000291-10بنك قناة السويس: 0/1/21090
-أو تبرع مباشرة في مقر إتحاد الأطباء العرب على العناوين التالية :
42 ش القصر العيني - دار الحكمة – القاهرة - جمهورية مصر العربية.نقابة أطباء القاهرة-مدينة نصر-تقاطع شارع علي أمين مع شارع مصر للطيران-بجوار المخبز الآلي22شارع بورسعيد -الشاطبي- الإسكندرية373شارع جمال عبد الناصر-المندرة-الإسكندرية-تلفون: 0101930344

Saturday, January 26, 2008

يا اهلى يا ابناء شعبيا
احذروا الفتنة الصهيونية .. فأن خطواتها تدب بينكم ولا تسمعونها
و ايديها تفرق جمعكم ولا ترونها
فيا اهلى يا ابناء شعبيا
لن اقبل ان يمس جندى مصرى واحد ولو بأرق ظافر .. و ايضاً لن اقبل ان تمس شعره واحدة من اى فلسطينى
فيا فلسطينية يا اهلى يا ابناء شعبى
لا تدعوا العنف يكون هو سيدكم ولا تفلتوا زمام هدؤكم و صبركم
فأهلى و ابناء بلدى و اخوانكم و ابنائكم هم المصريون
و انتم ايضاً اهلى و ابناء بلدى ..
ولكن من يمس اخى لا اتسامح معه على الجانبين المصرى و الفلسطينى
يا اهلى يا ابناء شعبيا ...
لا تتبعوا مخططات قد رسمت لكم من قبل على ايدى خنازير الصهاينة و خيبوا امالهم واحلامهم
فى ان تكون هناك فتنة بيننا
.. فانتم يا فلسطينية شعبى و اهلى
و انتم يا مصريون شعبى و اهلى ..
ولن اسمح بان تطول يد واحد على الاخر ... عندما سمحت لكم الحكومة المصرية مجبرة لانه لا يوجد لديها بدائل الا الضرب و المواجهات المسلحة بالعبور الى العريش لشراء ما تحتاجونه كنا معكم و سنظل
و لكن ان تخرجوا عن شعوركم و تتشابكون مع ابناء المصريين واخوتى و ابنائكم انتم ايضاً فى قوات الامن
هذا لن نسمح به كما لم نسمح بايذاء اى منكم اى كانت العواقب الدولية علينا
يكفيكم ان تعرفوا يا اهلى يا ابناء شعبيا
اننا معكم دائما و سوف نظل معكم نسير على خطاكم و لكن اياكم و الفتنة
و اعتذر نيابة عن شعبى المصرىفى مشكلة ارتفاع الاسعار و جشع التجار
و سوف نعمل بكامل قوانا لمواجهة هذه الظاهرة البشعة
كل التحية لمناضلى فلسطين الابية الصامدة
كل التحية لقوات الامن المصرى على تحمل اهلى فى وقت الشدة و عند الخروج عن مشاعرهم
ابن الشعبين
juba

Thursday, January 24, 2008

نداء عاجل _ رسالة شكر و تساؤل _ رسالة عتاب للعرايشية

نداء عاجل الى جميع شرفاء هذا الوطن الى اصحاب المجهود الشعبى المناضل الى جميع الاطياف و الاحزاب السياسية و الدينية المختلفة
باختلاف توجهاتهم و ارائهم .. بحشد اكبر عدد من شرفاء الوطن ..مصر .. لتنظيم المسيرة الى غزة
للتضامن مع اهالينا هناك بداخل القطاع
للعيش مع اوضاعهم بداخل غزة ليومين فقط و نشوف هل هنقدر نتحمل الوضع ولا لا
فلنحشد اكبر عدد ممكن من شرفاء و ابطال هذا الوطن
نحشد كل من له صوت حر ...
المسيرة سوف تنطلق من القاهرة الى العريش ثم الى غزة
وسوف نبقى و نتضامن مع اهلنا هناك و ان كانت اسرائيل القبيحة تريد ان تقتل اخواتنا فلتقتلنا معهم
نحن معكم يا اهلنا .. نحن بجواركم يا اخواتنا و اخواننا
فارجو من كل حزب سياسى او دينى او .. او... او
ان يحشد الحشود بالالاف للتوجه لهذه المسيرة
طبعاً الميعاد سوف يحدده الحزب او الحركة القائمة بالتنظيم
و نرجو مشاركة كل الفئات و الاحزاب المعبريين عن مصر
مصر ليست حزب العمل وحده ولا حركة كفاية وحدها ولا تنظيم الاخوان وحده ولا حزب الغد وحده
ولا مجهود شعبى وحده
نريد دعم عددى كبير
.......................
طبعاً احب ان اتقدم بالشكر للسيد الرئيس / محمد حسنى مبارك
على الكلمتين الى قالهم و الى دخلت دماغى اوى ....
مصر لن تسمح بتجويع الشعب الفلسطينى
لن نسمح بتجويع الفلسطينيين
الله عليك يا ريس ... برغم انى بعارضك فى حاجات كتيـــــــــــــــر اوى اوى
الا انى ما بكرهكش ولا بكره الحكومة ولكن اتمنى ان ارى حكومة مصر احسن حكومة فى العالم
على الاقل هعيش مستريح يا ريس ... بس كنت عايز اسالك سؤال يا ريس
ليه انت كنت ساكت كل ده ؟
و ليه انتظرت لما يسقط عدد مش بطال من الشهداء الابرياء ؟
مش كان من الاول برده يا ريس المفروض نتحرك و نقول لا ؟
مش كان المفروض نهدد اسرائيل بقطع الغاز المدعوم عنها ؟
و مازالت عملية قطع الغاز دى قائمة و فى الخطة
طب لو ما اتفكش الحصار عن غزة ... هتهدد اسرائيل بقطع امدادات الغاز عنها ؟
و هتسيب المعبر مفتوح ؟ ... مفتوح و خاضع للنظام و السيادة المصرية الفلسطينية
بدون انتظار موافقة المراقبين الاوربيين على القدوم للاشراف على المعبر ؟
يا ريس انت بس تقول تعالوا يا ولاد حاربوا .. والله هتلاقى ملايين وراك .. ماتقلقش من حاجة
كل الى عايزينه انك تقول : مصر فتحت باب الجهاد امام الشباب العربى
او تقول مصر سوف تعلن الحرب على اسرائيل ان لم تتوقف عن سياستها التعسفية
و ان لم يرفع الحصار عن غزة ... ده على الاقل يعنى يا ريسنا
شكراً سيادة الرئيس على مواقفك الرجولية .. و ان جائت متأخرة قليللاً
.............................
بالنسبة للمصريين الى فى العريش ... اصحاب المتاجر
ده نداء ليكوا كلكوا .. اتقوا الله فى اخواننا الفلسطينيين
يعنى هما مش ناقصيين .. ده هما جايين ياخدوا اكل وشرب وراجعين تانى
لا يتحملون زيادة الاسعار ثلاثة و اربعة اضعاف على اقل تقدير
بلاش الجشع .. دى الايام دول يا ناس
واجرة العربية المرسيدس الى ارتفعت بقدرة قادر من 17 جنيه
الى 50 جنيه كدة مرة واحدة و الى عاجبه يسافر والى مش عاجبه يفضل مرزوع
اعتقد ان مرزوع صح كدة
و الغريب انى عرفت من زميلى انه مبيعات تاجر جملة واحد من المعسل و السجائر فى اليوم بتاع امبارح كان
60.000 ج.م
تخيلوا .. و الكلام ده فى القاهرة... كل ده علشان يروحوا يبيعوها على الحدود باضعاف ثمنها
اتقوا الله ..اتقوا الله
...........................
بالنسبة ليا بقى
طبعاً زى ما قولت فى البوست الى فات انى اتمنى الذهاب الى غزة و الحسرة تعصرنى لعدم تمكنى من الذهاب فى الوقت الحالى
و قعدت بالليل فكرت شوية كدة فى العالم تبعى
كله ضلمة فى ضلمة ... مافيش الا بصيص نور بسيط جاى من زجاج الباب
فكرت وسألت نفسى :
انا لو رحت دلوقتى ... لا معايا فلوس ولا مساعدات ولا بتاع
هعمل ايه و هفيد الناس الى هناك بأيه ؟
ولانى نفسى اروح هناك كمجاهد .. فسالت نفسى برده :
لو رحت هناك و عايز احارب و اجاهد .. هجيب سلاح منين ؟
انا عايز لما اروح ما اكنش عبء على المقاومة و على الفلسطينيين
لازم اكون مفيد ليهم مش عبء عليهم
اذا كان على من يستطيعون حمل السلاح فى غزة وحدها
فيكفيكم ان تعرفوا ان النساء تستطيع حمل السلاح .. عن جد
ولكن اين هو السلاح ؟
و انا بتكلم من منطلق لو روحت لوحدى .. مش فى حالة حرب ولا مجموعة متضامنين
و للحديث بقية .>>>>
juba

Wednesday, January 23, 2008

الطااااااااااااااااااااااااااااااااااااااااااااااازة

اخر الانباء الجديدة الى لسة بالسلوفانة تبعها
:
منع الفلسطينيين المتواجدون بداخل القاهرة من مغادرة القاهرة
.....
المباحث المصرية تمنع الفلسطينيين من مغادرة مدينة القاهرة
بعد التخفى فى ثياب مدنية فى مواقف و محطات الاتوبيسات .. و طبعاً بيعملوا فرز لاى شخص يدخل او يخرج من و الى الموقف
......................
الخبر التانى مش جديد اوى
و هو تفجير لجان المقاومة الشعبية لمعبر رفح
بعد اصرار مصر على استمرار اغلاقه .... تفاصيل اوفى
بعد الحصول عليها من الصادر الموثوقة ... معلش بقى بهيييس
بس حقهم و الله .....ولا انتوا ايه رايكم
........
واحد زميلى كنت انا وهو متفقين على ان اول ما المعبر يفتح هنروح غزة سوا
و اتفجر المعبر و اتصل بيا النهاردة و بيقولى يلا بينا على غزة ولا ايه ؟
طبعاً انا فى ظروف تمنعنى فى الوقت الحالى من الذهاب الى هناك
و لكنى يا حسرتى .... و الله انتوا ما تقدروا تتخيلوا ولا تحسوا بحجم الحسرة الى جوايا
ماكنتش لجان المقاومة تاجل الحكاية دى لغاية اخر الشهر
يلا .... قدر الله و ما شاء فعل و الحمد لله على كل شىء
ولكن هروح هروح بامر الله و ان شاء الملك
juba

Tuesday, January 22, 2008

بيان لجان المقاومة الشعبية _ صور غزة فى الظلام


هذه هى غزة فى الظلام .. و العرب مازالوا فى زمن الاحلام ... يتظاهرون بالنسيان
يعتقدون بالاوهام ... يستمرون فى التخاذل و يصرون على الصمت الدامى
قد قرات سطراً اعجبنى جداً و هو
تباً للنفط الذى يضىء ليلهم (اليهود) و نحن فى الظلام غارقون
هذه هى غزة العزيزة ...... تغرق وسط امواج الظلام
تستغيث بعشيرتها العربية .. فهل من مغيث بعد الله ؟
ولا نستغرب موقف لجان المقاومة الشعبية بتهديد او بانذار مصر بان لم تفتح معبر رفح سوف يفتحونه بالقوة
حقهم و الله ... كما جاء فى البيان الصحفى الصادر عن لسان متحدثهم
اليكم البيان تليه الصور
.....
تصريح صحفي صادر عن قيادة لجان المقاومة الشعبية
إذا لم يرفع الحصار عن قطاع غزة خلال الساعات القادمة فمجاهدونا جاهزون رهن الإشارة لفتح الحدود مع مصر بالقوة
أكدت القيادة المركزية للجان المقاومة الشعبية في فلسطين بأن الحصار الظالم لا يمكن أن يستمر بعد الآن على غزة هاشم , ولن نصمت على قتل أبنائنا ومرضانا بهذا الحصار الجائر.
وأعلنت قيادة لجان المقاومة أن ألوية الناصر صلاح الدين في حالة الاستنفار العام والجاهزية التامة للتعامل مع هذا الموقف بالطريقة التي تحقق رفع الحصار على قطاع غزة وأن الألوية لديها قرار بفتح الحدود بين مصر وقطاع غزة إذا لم يرفع الحصار خلال الساعات القادمة حيث لم يعد مقبولا لديها هذا الصمت الخبيث على خنق غزة وأهلها بفعل هذا الحصار الصهيوني الظالم.
وأوضحت قيادة لجان المقاومة بأن المقاومة لن تقوم إلا بما هو واجب وطني وأخلاقي اتجاه شعبها وجماهيرها ولن تقبل كل المبررات الواهية في استمرار حصار غزة , وقالت القيادة قد نقبل أن تغلق المعابر الذي تسيطر عليها دولة العدو الصهيوني لأنه عدونا ويسعي إلى قتلنا و تركيع شعبنا إلا أنه لا يمكن تقبل إغلاق معبر رفح الذي هو معبر عربيا خالص.
ودعت قيادة لجان المقاومة إلى تشغيل معبر رفح فوراً وأن يعود المعبر إلى العمل من أجل السماح للمرضى للخروج للعلاج في الخارج وإدخال الأدوية والمواد الغذائية والوقود وغيرها من الموارد البشرية التي يحاول العدو الصهيوني حرمان شعبنا منها في إطار عملية القمع ومحاولات التركيع من اجل النيل من عزيمته ومقاومته وارداه الصمود التي تزعج العدو .

وناشدت قيادة اللجان جمهورية مصر العربية ممثلة بالرئيس محمد حسني مبارك بضرورة الوقوف عند الدور التاريخي والمركز الريادي لمصر العروبة بأن يتم رفع هذا الحصار الظالم عن قطاع غزة ولا تكون شريكة فيه ونحن على ثقة بان مصر وقيادتها لن تقبل هذا الظلم الواقع على أهلنا وندعوهم إلى اتخاذ القرار بتشغيل معبر رفح ليسجل التاريخ في سجلات مصر العروبة بأنها لم تركن إلى الذين ظلموا شعب المقاومة في غزة .

القيادة المركزية
للجان المقاومة الشعبية في فلسطين
الأحد 12 محرم 1429هـ , الموافق 20 /1/2008م .





هذه هى غزة فى الظلام
وسوف اوافيكم برسالة غداً بامر الله و ارجو من الجميع نشرها
على اوسع نطاق و باسرع وقت ممكن
و لنلبى جميعاً نداء غزة الوارد فى الرسالة
غداً بامر الله
juba

Sunday, January 20, 2008

بعض من صور مجزرة الامس : لسة واصلة حالاً

من غير ما تقولوا عارف انها صور مؤلمة و فظيعة جداً
و خاصة انها لاطفال ابرياء اقصى ذنب لهم انهم فلسطينيون
اقصى ذنب لهم انهم ولدوا عرب وسط العشيرة العربية التى مات كل احساس مازال حى فيها
بصراحة انا مش هقدر اعقب لان الصور لم تترك لى مساحة للتعقيب
فهى ابلغ المعقبين
و اكثر ما احزننى على امة محمد بعد التخاذل تجاه المجازر الصهيونية
هى انسجام و تلاصق العلمين .. السعودى و الامريكى
و اصطفافهم جنباً الى جنب
انتوا بتقولوا ايه ؟ خيانة !!! لالالالالا
دى سياسة يا حبايبى علشان نكسب اكثر
هذه هى نظرتهم لحياة الانسان ... سياسة فى سياسة
لكم الله يا فلسطينية ... لكم الله ... لكم الله




الاهبل هيفضل اهبل عن جد ... شكله اهبل اوى و هو شايل السيف
مش لايق عليه نهائى ... عايز اقول ان السيف لا يمسه الا العربى
و لكن اين هو العربى ؟
بينما يمرح بوش بالسيف و بجواره احد الحكام العرب
و بينما تتلاصق اعلام السعودية بعلم الولايات المتحدة الامريكية
شعار الدمار للعالم
تحمل هذه الفتاة الى المستشفى لمداوة اصابتها جراء القصف الصهيونى اللامبالى
ايوة صح و هما من امتى بيبالوا او بيهتموا لاى كائن كان ؟


شهيدة الامس : اثناء التجهيز للتوجه لحفل زفاف ابن شقيقتها
مش عارف اقول معلش ولا احنا اسفين ولا ايه
و لو قولت هيبقى لغاية امتى ؟
طفل لا اعتقد انه قادر على حمل حجر حتى ... ذنبه ايه ؟ مش عارف

ذنبه انه عربى ؟




الدماء تلطخ الوجوة و الاقدام و اليدين
مضافة اليها الجروح و الاهااااات
و يتحدثون عن السلام و عن دعم عملية السلام
اين هو هذا السلام ؟
لم و لن يكون بيننا سلام ابداً ابداً
سلام شعاره الدم و صوته هو الصواريخ و القنابل
سلام كل ما حققه من يوم ان بدأ الخوض فيه هو القتل و الدمار و التشريد
التعسف الكراهية و العنصرية ... التجبر او محاولة التجبر
و لكن هيهااات
يبقى حجرنا هو الكابوس الذى لن يستطيع الصهاينة التخلص منه ابداً
الا بعد ان يتخلصوا من حجارة الارض جميعاً
و ان اردتم السلام الذى لم و لن يكون ابداً
فلتنظفوا ايديكم من دماء ابنائنا و امهاتنا و اخواتنا اولاً
وطبعاً هذا مستحيل عليكم ايها الصهاينة ..
بسبب غزارة دم شهدائنا
لن يستطيع ماء البحر ان يغسله
و لن يتمكن مضى الدهر ان يهزمه
juba

Friday, January 18, 2008

اول نتائج زيارة بوش : مجزرة الزيتون

اول نتائج زيارة بوش :


مجزرة الزيتون
و عشرون شهيداً و رسالة للعرب
.........



فى البداية زيارة العم بوش لدعم عملية السلام و فتح قنوات جديدة للمساعدة على زيادة تدفقها بين الجانب الفلسطينى و الاسرائيلى
و تم ختامها بمجزرة حى الزيتون التى راح ضحيتها ما يقارب العشرين شخصاً من بينهم نجل الزهار القيادى البارز بحركة حماس
لا اجد اى تفسير اخر لتوقيت هذه المجزرة المتعمدة غير ان الحكومة الصهيونية ترسل للعرب رسالة واضحة المعالم غير مبهمة
و هى : انكم ايها العرب لا شىء ... انكم ايها العرب لن يكون لكم فى يوم من الايام اى رأى ... ايها العرب اننا الصهاينة نظهر لكم انكم متخاذلون تجاه بعضكم البعض
اننا الصهاينة لن تكون للولايات المتحدة علينا اى تأثير يذكر
... ففى ظل زيارة بوش للمنطقة و بينما تراقصت له فتيات العرب ورفعت له السيوف العربية تحية له
و ايضاً بينما هو يستريح بداخل مزرعة خصصت له فى السعودية كان حليف الشيطان الاكبر ايهود اولمرت يصدر اوامره بارتكاب مجزرة راح ضحيتها قرابة العشرين
ولا حراك من الحكام العرب ولم نسمع حتى بأستنكار لهذه المجزرة البشعة
لقد اصبحت الحكومات العربية كراقصات الاسترايبس او الاستربتيز ترقص لمن يدفع اكثر كل مدى تكشف
عن وقاحة انظمتها من خلال


تجردها من ادنى مشاعر الانسانية
و ايضاً كان هناك من قبل يومين مقال نشر فى الصحيفة

الصهيونية " يديعوت احرونوت " بقلم: زلمان شوفال
قال عدة نقاط حقاً ومن المفترض ان تقع على مسامع الحكومة المصرية كالسهام المشتعلة لانها بالفعل كذلك
قال ان التصريحات التى اطلقتها " تسيبى ليفنى " وزيرة الخارجية الاسرائيلية بشأن مسألة التهريب على الحدود المصرية مع قطاع غزة
كانت على حق و ان ليفنى لم تنتبه الى ان تصريحاتها سوف يعرفها العالم كله بعد ثوانى و ان الردود المصرية كانت جافة و غير دبلوماسية
وايضاً استطرد و قال ان مصر تحاول ان تثبت للجميع انها مازالت قائدة العالم العربى بعد ان نجحت السعودية فى لعب هذا الدور
اثناء تكاسل النظام المصرى عن ادائه فى دفع عملية السلام مما جعل النظام المصرى يتبنى مواقف اكثر تطرفاً تجاه الحكومة الاسرائيلية
فبينما كان اولمرت فى زيارة لمصر لدعم الجهود و العلاقات المصرية _ الاسرائيلية جاء قرار فتح معبر رفح امام الحجاج لكسب ودعم موقف حماس
على حسب قوله ... و تسائل و قال : هنا يكمن السؤال الجوهرى _ هل تصرف مصر تجاه الحجاج كان مجرد عمل اخرق اعتدنا عليه من الجانب المصرى ؟
ام انه اتجاه عام متعمد؟

و اكد على ان الولايات المتحدة الامريكية و اسرائيل قد اتفقا على ان تستغل اسرائيل كل فرصة تلوح لها فى الافق لتذكير مصر بان اسرائيل لها الاولوية الاستراتيجية _ الدبلوماسية _و الاقتصادية فى منطقة الشرق الاوسط و ان بدون كسب الجانب الاسرائيلى لن تتمكن مصر من الحفاظ على علاقات مستقرة مع الولايات المتحدة
كان هذا هو نهاية المقال .. ذو الكلمات القليلة الموجعة للجانب المصرى ... و ذهب بوش بتوديع حاااااار بعد قضائه ثلاث ساعات فقط فى شرم الشيخ
بعد ان زهقت لاجله عشرون من اطهر الارواح بتعليماته لتلميذه الاصغر اولمرت
وحقاً انكم يا حكام العرب لم تكونوا ابداً شى و ان كنتم كنتم اقل شىء
واصلوا التجرد لمن يدفع واصلوا التواطؤ لمن يضمن لكم اعلى المناصب و اطول فترات الحكم

و اليوم ارتفع عدد الشهداء نتيجة الغارات الاسرائيلية الى 28 شهيد
و سوف تستمر الغارات اللعينة على اشقائنا و يستمر الحصار و تستمر التصفية
على مرأى ومسمع من العالم اجمع



juba

Monday, January 14, 2008

منوعات : و لقائى بالصباغ

انتوا عاملين ايه فى البرد ده ؟ اكيد انتوا كويسيين
طبعاً عن نفسى كل يوم و انا بصحى الصبح بفتكر الاعلان بتاع ليبتون
هو اينعم ليبتون فى المقاطعة لكن الاعلان خارج المقاطعة
فى الاعلان تلاقى ... واحد صحى من النوم و المرتبة تبع السرير لازقة فيه
يروح يغسل وشه برده المرتبه معاه ... و لغاية ما يروح الشغل برده بالمرتبة و المفاجأة
انه بيلاقى كل الى فى المكتب جايبين المراتب تبعهم معاهم ... و كل ده علشان ما بشربوش ليبتون
انا بقى بفكر اخد البطانية تبعى معايا .... هو ممكن اكون بخدها معايا بس فى صورة الدولاب بتاعى
يعنى بكون لابس الدولاب و ماشى ... ده مش عالطول طبعاً .. بس فى اوقات البرد الى حد التجمد
المهم انى كل ما افتكر الاعلان ده افضل اضحك اوى ... فى اى مكان و اى وقت
و ما اقول لكم ... انا من النوع الى استحالة اعرف امسك نفسى لو كنت عايز اضحك او شفت حاجة تتضحكنى
المهم ...برده انى اكتشفت حاجة فى البرد ده .. هى مش جديدة و لكن لما بتكتشف حاجة بنفسك بتبقى احسن
اكتشفت و بدماغى العبقرية و لانكوا عارفين انى متواضع يبقى نقول الدماغ الفذة بس .. اوك
ان ذكر الله و حركة الفم اثناء ذكر الله فى البرد بتساعد على تدفئة منطقة الوجه
بمعنى انك لو مشيت و غنيت مثلاً هتلاقى ان البرد زى ما هو و هتحس ان عضلات الفم بتتجمد
اما لو ذكرت الله ... هتحس ان منطقة الوجه بتدفى ... جرب و شوف و قولى
...
من يوميين كنت مع الصباغ قابلنا بعض و قعدنا شوية مع بعض نحكى
و نقول النوادر بتاعتنا و فيه موقف بقى بعد ما سيبته قعدت اضحك عليه اوى او على نفسى يعنى
و احنا قاعدين على الكافى بتاع ابو مرسى ولا مش عارف مين ... و فيه كلب اسود شكله كدة يخوف معدى
راح الصباغ بيقوله .. شششششششششششششششششششت ...
لاقيت الكلب راح وقف ... بص اوى كدة و مشى .... راح الصباغ تانى شششششششششششششششششششششششششت
راح الكلب وقف و رفع ودانه و بيبصلنا اوى كانه عايز يقول .. انتوا هتشتغلونى ولا ايه ؟
رحت انا قولتله بقولك ايه يا صباغ " سيبك من الكلب علشان شكله شرانى " ولا كأنى بتكلم
ششششششششششششششششتتتت
راح المعلم وقف ... و كشر و شكله هيجى ياكلنا احنا الاتنين ...قولتله " على فكرة الكلب لو جه يجرى علينا انا هسيبك و انت تتعامل معاه بقى " تتخيلوا يقولى ايه ؟؟؟؟؟ "مفاجأة بجد
" انا اصلاً بخااااااااااااف من الكلاب انا كمان ... هتلاقينى معاك "
يااااااااااااااااااالهووووووووووووووووووووووى
و عمال تقوله هششششششششششششششششششششششششششششششششششششششت حرام عليك
بس الصباغ ده شخصية لذيذة اوى و جدع و من الاشخاص الى تحب الحكى معاهم و انا ساعات بكون رغاى بس مع الى بحبهم بس
.........................
فى بقى حاجة ثابتة لا تتغير بتضحكنى كل ما افتكرها و بجد مش بعرف امسك نفسى نهائى
و فين ..؟ ... فى العزاء
انا عارف ان العزاء له احترامه طبعاً لكن و الله بيبقى غصب عنى و علشان كدة باخد نفسى و اروح اى حتة بعيد
كل ما بفتكر يحيى الفخرانى فى فيلم الكيف .. و هو قاعد فى العزاء و بيفك القميص و عمال بضحك و خلى الناس كلها تضحك
بجد ... بمووووووووووووت على نفسى من الضحك
...
من يومين كنت راكب الليموزين تبعى " المينى باص " و قاعد فى امان الله و جنبى كرسى فاضى
و طلع راجل كبير " حاج" و ابنه بتاع 10 سنين كدة ... المهم ان الراجل سايب الكراسى الى فاضية كلها و عايز يدخل يقعد على الكرسى الى جنبى ... اتفضل يا عم الحج و قومت وقفت علشان يدخل هو و اقعد تانى
راح ابونا الحج ينادم " ينادى " على ابنه و عايزه يقعد مكانى و بيقول له : تعالى اقعد هنا و خليه هو يقعد هناك
انا طبعاً مش بحب حد يأخد منى حاجة غصب عنى ... يعنى على جثتى
روحت قايل له ... يا عم الحج ده الكرسى بتاعى و ده مكانى ... راح مزعق فيا و بيقولى ما تقعد على اى كرسى تانى
و انا طبعاً بكل هدؤ لانى مش هينفع اتنرفز عليه و انا عارف نفسى لو اتعصبت خلاص : قولتله تانى يا عم الحج ده الكرسى بتاعى
قاللى طب خلاص عايز تقعد خش انت اقعد جوة ... قولتله للمرة التالتة : يا ابويا الحج ده الكرسى بتاعى و الى انا كنت قاعد عليه
قاللى لا .. عايز تقعد خش جوة !!!!!!! ..... يعنى انت شايف كدة يا عم الحج
ايــــــــــــــــــــــــــــــــــــــــــــــــــــــوووووووووووووووووووووووة
طب اتفضل يا عم الحج ... قولتله كدة و رحت قاعد على كرسى تانى وراه
لانه لو هيطلع العرق الصعيدى انا كمان صعيدى ... و العملية هتبوظ خالص
المهم بعد ما قعدت لاقيته التفت لي و بقولى .." بعد كدة ابقى كلم الناس بأحترام "!!!! ... طبعاً مش عارف ارد عليه
لانى لو رديت عليه و انا من جوايا بغلى هيبقى رد لا يليق برجل مسن و انا مش عايز اوقع نفسى فى غلط
قولتله انا اسف يا عم الحج
اتعلم الذوق
انا اسف يا عم الحج
اتعلم تكلم الاكبر منك ازاى
حاضر يا عم الحج
اهى المرة دى تعلمك بعد كدة .......
حااااااااااااااااضر يا عم الحج ... انا اسف لك يا عم الحج ......... ااااااااااااااااااااااااااااااااااسف
طبعاً قولت الكلمتين دول بصوت معتدل يعنى و الحمد لله ... لا رفعت صوتى عليه ولا بتاع بس كان فيه نبرة حادة شوية
خلته يقعد ساااااااااااااااااااااااااااااكت لم يتفوة بكلمة بعدها
طب انا بقى اعمل ايه ؟ و ده مش راضى يسكت ... كان لازم اوريه انى مش عاجز عن الرد من خلال النبرة الحادة و المحترمة و لله الحمد
يارب البوست يكون عجبكوا
و انتظروا بوست يفرحكوا بجد خاص بى شخصياً
بس ادعو لى ارجوكم
juba

Friday, January 11, 2008

فلسطين التعريفية : و بداية الاحتلال

بسم الله
اسف على تأخرى عليكم ولكن ما باليد حيلة
عموماً سوف انشر فى حلقات غير متتابعة تاريخ دولتنا العظمى
و أمنا الكبرى " فلسطين " الحبيبة
كى لا ننسى او نتناسى و تأتى احفادنا من بعدنا و يقولون لو ان جدودنا تركوا لنا ما يعرفنا تاريخنا
و ممكن مع الاعلام المضلل بعد عشرات السنين ... يعتقد احفادنا ان فلسطين ارض يهودية و الفلسطينيين هم المحتلين و الغزاة
و مين عارف!!!!!!!
اولى الحلقات :

الإسم:
._.
من المرجح أن اسم فلسطين مشتق من اللفظ بلست وهم من شعوب البحر التي دخلت فلسطين من جزيرة كريت في الألف الثاني قبل الميلاد حيث أقاموا فيها ممالكهم وامتزجوا بالسكان الأصليين، أي الكنعانيين، وهكذا أعطوا البلاد اسمهم بعد أن كانت تعرف باسم ارض كنعان وكما يقول المؤرخون فان الكنعانيون هم من الشعوب والقبائل السامية العربية التي دخلت فلسطين من شبه الجزيرة العربية في منتصف الألف الثالث قبل الميلاد.وقد عرفت فلسطين منذ القدم باسم ارض كنعان نسبة إلى هؤلاء الكنعانيين وقد ورد ذلك في الوثائق العراقية والسورية والمصرية القديمة بصيغة كناخني أو كنياخي كما ورد في التوراة أيضا ( pelest)أما الاسم فلسطين فقد عرف منذ أقدم الأزمنة، فقد ذكر في الوثائق المصرية القديمة بصيغة بلست وفي المصادر الآشورية بصيغة فلستيا أو فلستو ( بلستو ) ، وفي التوراة بصيغة إيريتس بلشيتم أي أرض الفلسطين ، وبلفظه الحالي عن المؤرخ اليوناني هيرودوتس أبو التاريخ . وكما يعتقد يقول المؤرخون فإن الفلسطينين الحاليين ينتمون إلى الشعوب والقبائل الكنعانية العربية، السكان الأصليين لفلسطين
الموقع :
._.
تعتبر فلسطين جزء من بلاد الشام أو سوريا الطبيعية والتي تضم بالإضافة إلى فلسطين كل من سوريا ولبنان والأردن. تقع فلسطين في وسط الشرق الأوسط، عند الطرف الجنوبي الغربي من قارة آسيا ، على الشاطئ الشرقي للبحر الأبيض المتوسط. يحدها لبنان شمالاً ، وسوريا والأردن شرقًا ، والبحر الأبيض المتوسط ومصر غربًا ، والبحر الأحمر جنوبًا ، وتبلغ مساحتها 27027 كلم2وتحتل فلسطين موقعًا استراتيجيًا فريدًا ، فهي عدا عن كونها قلب الوطن العربي وصلة الوصل بين جزأيه الآسيوي والإفريقي ، تشكل أيضًا عقدة التقاء القارتين الآسيوية والإفريقية ، وممرًا عالميًا بين القارات الثلاث آسيا وأوروبا وأفريقيا ، وصلة وصل بين البحر الأبيض المتوسط والبحر الأحمر. وتمتاز فلسطين أيضًا بمكانتها المقدسة في نظر الأديان السماوية وتشتهر بمدنها المقدسة وخاصة القدس والخليل وبيت لحم والناصرةونظرًا لموقعها الإستراتيجي هذا ولمكانتها الدينية في نظر الأديان السماوية شكلت فلسطين ملتقى لطرق برية وبحرية منذ أقدم العصور وأدت دورًا مهمًا في التجارة الدولية والتبادل الحضاري بين الأمم

وعد بلفور :
._.
في سنة 1908 قدم وزير البريطاني اليهودي الصهيوني هربرت صاموئيل مذكرة اقترح فيها تأسيس دولة يهودية في فلسطين تحت إشراف بريطانيا شارحا الفوائد الاستعمارية التي ستجنيها بريطانيا من قيام هذه الدولة في قلب العالم العربي والقريبة من قناة السويس. وافق العديد من سياسيي بريطانيا على هذه المذكرة أمثال لويد جورج وبلفور ... وبذلك تكون قد التقت المصالح البريطانية والصهيونية في قيام هذه الدولة. وبدأت المباحثات في شكلها الرسمي بين الحكومة البريطانية والزعماء الصهيونيين في شباط 1917 وبعد عدة جلسات واقتراحات صدر تصريح بلفور في 2 تشرين الثاني 1917 ، بالنص الذي أرسله جمس آرثر بلفور ، وزير خارجية بريطانيا إلى اللورد روتشيلد أحد زعماء اليهود الصهيونيين ، وتضمنت الرسالة وعد من جلالة الملك بإقامة وطن قومي لليهود في فلسطين. ويعتبر وعد بلفور من اغرب الوثائق الدولية في التاريخ إذ منحت بموجبها دولة استعمارية (بريطانيا) أرضا لا تملكها (فلسطين) إلى جماعة لا تستحقها ( اليهود) ولا بد من الإشارة إلى أن هذا التصريح قد وافقت عليه وفرنسا وإيطاليا عام 1918 وفي عام 1919 أعلنت أمريكا موافقتها الرسمية ثم تبعتها اليابان
الإحتلال البريطاني :
._.
بعد انتهاء الحرب العالمية الأولى كان لا بد أن تكون بريطانيا هي الدولة المنتدبة على فلسطين حتى تسهل لليهود هجرتهم الى فلسطين ثم تحقيق وعد بلفور عام 1918 أتمت بريطانيا احتلالها لفلسطين لتقيم فيه حكما عسكريا مؤقتا ... وقبل أن تكمل القوات البريطانية احتلالها كان قد وصل إلى فلسطين اللجنة الصهيونية برئاسة حاييم وايزمن ومهمة هذا الوفد تحقيق وعد بلفور
عام 1920 أنهت بريطانية الحكم العسكري وأحلت محلها الإدارة المدنية وتم تعيين الوزير اليهودي البريطاني السير هربرت صاموئيل أول مندوب سامي على فلسطين . وقد عمل صاموئيل الكثير في سبيل تسهيل شؤون الصهاينة وقد قربهم منه وتقرب منهم.

Monday, January 7, 2008

الكلام طاااااااااااااااااااااااار

احياناً ... و احياناً
ايوة فعلاً
احياناً ... و احياناً
طبعاً انتوا مش عارفين احيانا ايه و احياناً ايه
لكن مشوها احيانا و خلاص ....
كل الكلام الى كنت عايز اكتبه طار و اتبخر ... اه والله
احياناً بسأل نفسى ... هو الى انا بعمله ده صح ولا غلط
هل انا الى صح و الحكومة الى انا معارضها فى حاجات كتير و بايدها فى حاجات قليلة
هى الى غلط
و اذا كنت انا الى صح يبقى فيه معارضة ليه من كل جانب
لكل خطوة بتخذها فى هذا الطريق... ليه بيقولوا عليا مش عارف مصلحتى فين
لما بحاول اساعد ناس مزنوقين سواء الفلسطينيين او غيرهم
ليه بقولولى ان الجهاد على ارض فلسطين فرض عين وليس واجب
هما مستكثرين عليا شرف الشهادة و جزاء الشهادة ليـــــــــــــــــه؟
دى حاجة .
احنا بنقول للفلسطينيين احنا اسفين على الى بتعملوا حكومتنا فيكوا
و للعراقيين .. برده احنا اسفين لاننا مافيش بايدينا حاجة بس لو الحكومة حاربت احنا اول ناس هنحارب
بس نتأسف على ايه.... ولا ايه..... ولا ايه
نتأسف على المليون عراقى الى ماتوا و بيزيدوا
نتأسف على الى زيهم من الفلسطينيين
نتأسف على تخاذلنا .. ولا على خمولنا
نتأسف على الدعم المباشر لترسانة الاسلحة الصهيوأمريكية
نتأسف على دم اطفالنا الى ماتوا بأستهداف مباشر من فوهة البندقيات
ولا على الشهداء الى راحوا باستهداف ايضاً مباشر بصواريخ من الطائرات
..
وده ملف صوتى مسجل للعالقين فى مدينة العريش
حوار : أيمان بدوى
المصدر :اذاعة اسلام اون لاين
للتحميل:
..................
هديتنا لكم ايها الاخوة الفلسطينيون هى :
التخاذل... التقاعس ... و
.....؟؟؟؟؟؟
هتعرفوا الهدية النشر القادم بامر الله
و اعذرونى لو كنت بتأخر اليومين دول عليكوا بس و الله على عينى
ببقى راجع مكسر و مش قادر آآآآكل حتى
تحياتى
لكل اخوانى و اخواتى .
لكل من أثرى البلوجر بكلمة كانت هى الرائعة
لكل من دعم البلوجر بحرف كان هو المثالى و الممتاز
و الله انى احبكم جميعاً فى الله
فقط هو طلب واحد لى عندكم .... ادعولى بس
juba

Friday, January 4, 2008

مجزرة جديدة للقوات الاسرائيلية


معلش هنرجعكوا للدم تانى .. غصب عنى
بس بجد لا يحتمل التأخير
آآآآآآآآآآسف

ارجو متابعة خبر هذه المجزرة الدموية البشعة التى وقعت يوم الخميس
على يد قوات الاغتصاب و الاحتلال و القتل و التدمير و التشريد
و الله لا اعلم ما اقول ... نفسى الاقى فى يوم توصيف اقدر اوصف بيه مدى بشاعتهم
حسبنا الله و نعم اللوكيل
لنا الله ... لنا الله ... و الله لنا الله
...

شبكة فلسطين للاعلام و الدراسات

رابط الموضوع >>>



juba

Thursday, January 3, 2008

كاريكاتير: رامى عمران

دى شوية كاركاتيرات من أ / رامى عمران رسام الكاركتير
و كلهم جمال جداً بس فيه كدة كام واحد عجبنى جداً جداً
ياريت تعجبكوا انتوا كمان ... و الله بدعبس على اى اخبار حلوة بعد الخبر بتاع الحجاج بس طبعاً و كالعادة مافيش حلو خالص
و بصراحة انا عايز اقدم شكرى للرئيس / محمد حسنى مبارك على انه ضرب اسرائيل بالقفا ..
قفا ....قفا يعنى مشش اى كلام
لما فتح معبر رفح للحجاج .. انت يا ريس اخرتهم شوية و عذبتهم و لكن تشكر على اى حال
... و كمان لانه قال بالحرف الواحد فى كلمة موجهة لتسيبى ليفنى
ان تسيبى ليفنى بالتصريحات الموجهة الى مصر تجاه الحدود قد تجاوزت جميع الخطوط الحمراء
يااااااااااااااارب تبقى كدة عالطول يا ريسنا و تديهم على قفاهم و تسيبلنا احنا الشلاليت
و تفتح معبر رفح للابد .....شكراً يا ريسنا
و دى بقى الكاركاتيرات

طريق : خارطة الطريق



بوش بيمخمخ ازاى يحركنا


اعذار اسرائيلية بجحة


هههههههههههههههههه


يا عم روح اتشطر على الى .....











عجبانى حكاية الحديدة الى جاية دى

juba