palestin holocoust

palestin holocoust
Gaza# VS Israel# holocoust

Wednesday, January 28, 2009

هو أستعراض ولا أستظراف ولا عته




اكثر ما يمكن انه يضايقك فى المترو أنك تلاقى واحد قاعد بينظم المرور

والكرسى الى جنبه يفضى يروح منادى واحد من آخر الدنيا علشان يقعد

مع العلم أن فيه ناس واقفة قدام الكرسى ده .. ومع العلم برده أنه لا يعرفه ولا حاجة

يعنى غتاتة ورخامة ورزالة بس ..

والتانى تحس أنه وهو بيعدى بيلمع جزمته فى بنطلونك

وأرخم مافيهم بقى .. إلى يطلع ويتسمر على الباب .. ومايرعيش ان فيه ناس طالعة وراه

وتكتشف فيما بعد وانت نازل انه لسة متسمر على الباب و منزلش ولسة قدامه مشوار

أما الى بيستظرف بقى .. ده الى مشكلة او الى بيقول حاجة مش منطقية

زى مرة كان فيه واحد واقف على الباب .. بقوله بعد أذنك هو حضرتك نازل المحطة الجاية

راح يقولى .. اومال انا هقف على الباب من غير ما اكون نازل يعنى .. وبيقولها كدة بأستهجان

روحت قولتله .. مهو انت برده مش معلق ورقة على ظهرك مكتوب فيها انا نازل يا جماعة

راح سكت خااالص .. وأحسن علشان ساعتها كنت لسة جااى من البودى بيلدينج ومرهق

وفيه حاجة بقى انا مش عارف انتوا مؤيدين لى فيها ولا أيه رايكم

لا خلاف على ان القرآن هو من أروع ما يسمع فى العالم كله

لكن الحكاية وما فيها ان فيه ناااس بتطلع المترو و تروح فاتحة سماعة التليفون

الخارجية و تشغل قرآن وطبعاً بصوت عالى بدرجة أنه بيبقى الصوت مش واضح أساساً

ونفس الحكاية على الشباب الهااايف جداً إلى بيعمل نفس الحكاية بس بيشغل أغانى

الحكاية مش فى المادة الى شغالة

الحكاية فى الاسلوب ات نفسه .. غير حضارى .. وتحس أنه بمبدأ الإجبار

طب أفرض واحد مش مسلم ولا واحد مسلم بس مش بيستحمل الصوت العالى و قاعد جنبك

يا جماعة انا بحس ان الناس دى بتستعرض أكتر ماهى متواجد لديها نوايا اخرى
زى الشيخ بتاع الكاريكاتير
فيه اختراع أسمه الهيد فون .. لو عايز تسمع اسمع الى تسمعه بس لوحدك

اياً كان ... لكن يبقى فيه دى جى شغال جنبى .. وتلاقى بقى حفلة فى العربية

كل واحد مشغل حاجة ومعليها على الاخر كأنه سباق واستعراض

على اليمين قرآن وعلى الشمال هيفاء واجرى ...... وقدامك عالطوول .. شغالة مواقف مضحكة ونكت

يعنى من الآخر لو جالك تليفون .. لو رااااجل تعرف ترد عليه

دى جى .. بكل معنى الكلمة

مش عارف انتوا رأيكوا أيه فى الموضوع ده

آه .. وعلى فكرة .. دلوقتى بقى فيه غرامات على الحكاية دى

اى حد هيتقفش سواء مشغل قرآن او اغانى بصوت عالى ومسموع هيدفع غرامة

لأن ده بيعد أعتداء على حق الغير.. هاتلك هيد فون يا أخى

وإلى يغيظ اكتر انه بيبقى معاه هيدفون ومع ذلك بيشغل السماعة الخارجية

لاحول ولا قوة ألا بالله


NIDAAL

Sunday, January 25, 2009

اوبا ياما .. بقى ريس ازاى

من ساعة ما مسك اوبا ياما الرئاسة وانا عمال أسأل نفسى سؤال .. ومع انى متأكد ان الاجابة بسيطة ومش من المحال .. لكن للأسف لحد دلوقتى بفكر،ومش لاقى حل للسؤال.
هو ليه العرق الاسود، الافريقي نجح فى تسيد العالم .. برغم ما مر به من أضطهادات وعنصرية كانت زمان بتتم تحت سمع وبصر وتأييد الشرطة الامريكية و أنبهرت لما شوفت الناس دى استطاعت الوصول تحت ضغوط رهيبة و عنيفة .


وقولت لأنا هو احنا ليه يا أنا مش بنعرف نعمل زى الناس دى ونطالب بحقوقنا
ومش مجرد مطالبة وشعارين يترفعوا وخلاص ننسي ، لأ ، انا بتكلم على
مطالبة حقيقية وعن يقين بحقوق كثيرة جداً مهدرة للمواطن المصري
أنا قالتلى " علشان الناس دول تقفيل بره، يعنى بتوع بلادهم ، وعليهم ضمان دولى كمان، وما بيكسروش، وفى حالة انهم بيطالبوا بحق من حقوقهم بيبقوا عندهم أستعداد ينضربوا ويتسحلوا ويموتوا علشان ياخدوا حقوقهم

لكن أحنا فى مصر، بنطلع شايلين كام يافطة مكتوب عليها احنا عايزين ايه
وده صح مش غلط
لكننا بنفتقد لأهم عنصر وهو الروح، روح الانسان الشغوف بالحصول على حقه
روح الانسان الى طالع ومقتنع ان الى بيعملوا هيقدر يجيبله حقه المهدور "

ما براحة عليا يا أنا ، مهو برده الشعب غلبان والحكومة مستهبلة ومستغلة الحكاية دى

فى انها تطحنه وتسرقه اكتر، ولما تكون الحكومة فى مصر مازالت تتعامل بالمحسوبيات و الوسطاء
يبقى لازم تكون اكثر الدول تخلفاً هى الاكثر تقدماً وازدهارً نسبة إلي مصر
بس انا لسة مش عارف .. هو ازاى اوبا ياما وصل لأنه يبقى رئيس أمريكا، وينتخب من اغلبية امريكية
هل لأنه كان بيدى الواد عبده السالك كبشة فلوس ويقولوا روح اشتري ليا بيهم اصوات من الصيدلية
ولا لأنه كان مظبط مع صبحي صندوق علشان يزورله فى الاصوات
مرة واحدة .. لقيت أنا بتزعق فيا وتقولى

" انت فاكر نفسك فين، وبتتكلم عن مين ، لا تكونش افتكرت ان اوبا ياما ده فى مصر عندكم
ده انا قاعدة فى امريكا مراقبة كل خطوة .. مافيش تزوير ولا حد بيشترى اصوات ولا حناجر
هنا فيه شعب دفع ثمن حريته ، فاستحق ان ينولها .. شعب لما بيتظاهر بيبقى عنده استعداد يتسحل بس ياخد حقه وحكومته تعرف انه مش نايم .. عارف ليه .. لأنه مش شعب أناني مش بيصنع التغيير لنفسه
لكنه بيجاهد علشان يصنع افضل حياة لولاده واحفاده .. وعلشان كدة هو دلوقتى عايش وواخد حقوقه
اسمعها منى كلمة .. طوول ما أمين الشرطة بيسحب منك بطاقتك .. ويديك على قفاك و انت تقوله صباح الفل يا باشا
وطووول ما انت بتروح تدفع رشوة علشان تاخد دور غيرك وتخلص شغلك بدرى
وطوووول ما لسة فيه محسوبية وبتسرق دور غيرك فى التعيين
وطووول ما المصري ما بيفكرش غير فى نفسه وبس وماشى بمبدأ مادام بعيد عنى انا مالي
وطووول ما فيه ناس عايشة و متأكدة انها فوق القانون وهى كدة فعلاً
يبقى عمركم ما هتتقدموا خطوة واحدة .. واخركم لما تكونوا عايزيين تعلوا .. هترموا نفسكم فى النيل بحجة انكم عايزين تتسلقوا الكوبرى بتاع قصر النيل .. قال ايه علشان تعلوا .. وهتغرقوا قبل ما تعلوا

انا مش عارف حاجة فى اى حاجة .. كوبرى قصر النيل ايه وأنا ايه الى انا بكلمها دى
وسيادة الباشا الأمين .. روح اجرى يا ولاه هات علبة سجاير للباشا .... صباح الفل يا باشا
انا كان محكوم عليا بالاعدام .. ممكن اتقل عليك وتجيبلى فيش أبيض بس يكون بالالوان
مهو أصل سيادتك عارف بقى أن عمايلى السودا بتبان .. فى وقت الاستحمام

Tuesday, January 20, 2009

فيديوهين أخطر من بعض

فيديو أبراهيم عيسى عن رأيه فى القمم العربية
والى صنفها لثلاثة قمم .. من ضمنهم قمة البرود و التناحة
بس تحــــفة



وده فيديو للحاجة شهيرة وهى بتلعن فى الحكام العرب و بتهاجم شيخ الازهر
فيديو مش قادر اوصفه لأنه ما يتوصفش بجد
ولو حد عرف يوصفه يقولى

الفيديو نقلاً عن عشرينات
NIDAAL

Monday, January 19, 2009

مصر الشعب ... الحكومة تتحرق بغاز علشان السرعة والانجاز


مهما عملوا هتفضل فلسطين هى فلسطين و غزة هى العزة بمقاومتها

بعد الشر عليكى من التوهان يا بيضا كالعادة

ما بلاش ننشر الغسيل

استنكرت الشعوب العربية و أدانت موقف الحكومة المصرية واتهمتها بالخيانة والتواطؤ لصالح إسرائيل
وطالبت بقطع العلاقات مع إسرائيل وهناك من أتهم شعب مصر أيضاً بالموافقة على حصار الفلسطينيين بداخل القطاع
وتجويع الحكومة المصرية للفلسطينيين ورفض أغاثتهم وفي آخر المطاف يحرق العلم المصري بدون أي رادع
إحراق العلم المصري هو إحراق للشعب بأكمله ورفضنا جميعاً تلك الفعلة التي صدرت ربما نتيجة لبعض حماس الشباب الغير منظبط وربما يكون في الأمر أيادي خفية، تحث على فرقة الدول العربية وحمل شعوبها الضغائن والكراهية لبعضهم البعض.
أحسسنا جميعاً شباب وكبار وعجائز بالإهانة وأن مصر( الشعب) أصبحت كالفريسة الضخمة
والتي لم تجرؤ الضباع على الاقتراب منها طالما هي حية وقوية
ولكنهم استغلوا لحظة ضعف في الهجوم عليها وتوجيه الضربات لها من كل جانب
والسبب في ذلك، هو أن الحكومة المصرية فشلت إلى حد كبير في معالجة ألازمة
وكان هناك سوء إدارة سياسية واضح، ويجب أن نعترف بذلك.
ونكتشف يوم بعد الآخر أننا ندين أنفسنا بأيدينا
فقد صرح الرئيس مبارك من خلال لقاء صحفي في سياق حوار عن فتح المعبر وغلقه
أن على الجانب الآخر كاميرات مراقبة تراقب كل ما يدخل و يخرج
هنا أتوقف عند نقطتين،الأولي هي إننا نوضح للعالم أن المعبر تحت سيادة الكاميرات الإسرائيلية وليس تحت السيادة المصرية الفلسطينية الثانية أن دخول المساعدات الإغاثية لا يتطلب أذناً من أي كان و بالنسبة للكاميرات، الشعب لا يطلب سوى تسهيل دخول الإغاثة وأطقم الأطباء والمواد التموينية إلى القطاع "مبدئياً" ولم يطلب دخول سلاح ، وفى تصريحات أبو الغيط وزير الخارجية المصري، والتي ( تزيد البلة طين) حول زيارة نظيرته الإسرائيلية، بأن "الست" قد استدعاها السيد الرئيس محمد حسنى مبارك بقوله
" هاتولى الست دى"
عندما أستشعر من خلال المؤشرات على الساحة الإسرائيلية بأن إسرائيل "ناوية تعملها"
عايش أنت والدنيا خربااانة
............................................
المهم :
قال لها بصى يا ست انتي .. أياكى وضرب الفلسطينيين .. أياكى ودمائهم .. ولا نستبعد ذلك
"بس الظاهر أن الست كان سمعها تقيل حبتين"
ولكن عندما يكون رئيس الجمهورية العربية المصرية قد حذر ليفنى وبعدها بعدة ساعات ومن خلال المؤتمر الصحفي، تعلن أنها سوف تقوم بضرب القطاع وتبديل أحواله،فماذا يعنى ذلك، هل هي لم تحترم كلمة رئيس مصر ولم تحترم المحادثات التي أجرتها معه، أم إن مصر لم تعد كلمتها قاطعة وملزمة لجميع الأطراف كما في السابق !!
ومازلنا مع تصريحات "أبو الغيط" فهو يطلق تحذيرات نارية وبكل شجاعة في أي رد على بيان من حماس
ولكنه خلال المؤتمر الصحفي مع نظيرته كان يضع وجهه في الأرض أثناء إعلانها عن المذبحة وأتوقع انه لو كان قام بالرد عليها وقتها بنفس أسلوب وقوة رده على حماس لن أقول أنها سوف تتراجع ولكن على الأقل سوف تكون الضربات أقل وحشية، ولو كان هدد بقطع إمدادات الغاز عن إسرائيل لكان الوضع مختلف تماماً الآن.
والى الضباع أقول مصر قوية بشعبها ولن تكون أبداً فريسة لضباع أبرز سماتها الهجوم من الخلف
والى الشعوب العربية الغاضبة مثلنا انتم تهاجمون مصر وتطالبون بفتح المعبر
وبالفعل مصر تفتح المعبر لعبور المواد الأغاثية بصورة متقطعة وهناك تقصير واضح من الحكومة المصرية في بعض الأحيان ولكن لا ننسى أن هناك قصف متواصل على الشريط الحدودي، ووقتها ينسحب الجميع من المعبر تفادياً لشظايا هنا أو هناك فمن الطبيعي إغلاقه وتوقفه، ولا أبرر الموقف السلبي للحكومة المصرية للتعامل والتعاطي مع الأزمة والأحداث،فانه موقف مخزى بجميع الاحوال
"نسبة الى حجمها الريادى فى المنطقة"
ولكنها قدمت الكثير،"وذلك ليس بالخدمة ولكنه الواجب المفروض" فماذا قدمتم انتم يا من حرقتم علم مصر، ماذا فعلت الخليج بملايينها ولماذا لم تطالبوا حكامكم بقطع إمدادات البترول والغاز عن إسرائيل، ولماذا لم تطلبوا من قطر تسريح القاعدة الأمريكية العسكرية والمتواجدة بأراضيها والتي كانت من القواعد الأساسية في ضرب العراق، مثلما تطالبونا بالضغط علي الحكومة المصرية من اجل فتح المعبر بصورة مستمرة، فلماذا لم تضغطوا انتم على حكامكم لتبادرون بقطع العلاقات مع إسرائيل، وهو تصرف كان على الحكومة المصرية أن تتخذه،ولكن دون أملاءات خارجية، كرد فعل طبيعي على العدوان، ، فماذا قدمتم انتم ، بكل بساطة.. لاشيء ، فالدماء في مصر تسيل لأجل غزة، وسجون مصر قد أمتلئت لأجل غزة ،ولن يكون جزاء المصريون أن يحرق علمهم أو أن يكونوا فريسة لأهواء البعض، وأنا هنا ليس لأهاجم أحداً فكل مسئول عن فعلته، ولكني هنا كي ألوح للضباع بأن مصر لن تسقط أبداً ولن تنالوا منها ولن تكون فريسة، رغم الأخطاء القاتلة و المتكررة من جانب حكومتها، ولكنكم أبداً لن تنالوا منها .. ولن تقوون على مواجهة ما يواجهه 100 متظاهر فقط من ضرب وسحل وأعتقال لأجل غزة و ليس كثير عليها
مظاهراتكم المليونية أسهل بكثير من مظاهرة فى مصر تضم 100 فرد
وكما يقول صديقي فركيكو
"بلاش ننشر الغسيل لبعض، علشان ما عندناش كلور"
NIDAAL

Saturday, January 10, 2009

آثار الرعب الاسرائيلى من صواريخ المقاومة _صواريخ دى ولا ألعاب نارية دلوقتى

عندما تكون الصواريخ "العبثية" كما يقولون تتسبب فى هلع الاسرائيلين وخوفهم و تخويفهم من على بعد ما يزيد عن الـ 40 كم
فما بالنا عندما يقاتلون وجهاً لوجه مع المقاومة

جندى إسرائيلى يجرى هرباً بعد أنطلاق صافرات الانذار باحد الوحدات العسكرية،والتى أستهدفت منذ أيام



أهو الشرطة أهو ... على الارض زيه زي التانين
يا جدعاان دول اجبن من اننا نخاف منهم
لكنهم أمكر بمراحل عن العرب

يلا يا بت انتى وهية على الملجئ



من بعض مما عندكم ياحلوة



زى الكلاب بالظبط .. مرمين فى الشوارع خايفين
من صاروخ كانوا بيقولوا هما وشركائهم انه عبثى و ألعاب نارية
ها... العاب نارية يلا انت وهو .. ولا مش ألعاب نارية
صواريخ ولا ألعاب

ده انتوا هتشـــوفوا أيام سودا ... أصبروا بس
NIDAAL

مش عارف احط عنوان .. غزة _gaza kids

ماذا ننتظر بعد أن مات الأطفال و النساء
دمرت المساجد ثم المدارس التى تأوى مدنين
أعتدى على عدد كبير من الطواقم الطبية
أستشهد حتى الآن ما يزيد عن 830 شهيد ما يزيد عن الـ 300 أطفال
وما يقرب من الـ 250 امرأة
ماذا تنتظر امة محمد
ماذا ينتظر المسلمون
ماذا تنتظرون يا عرب

انا مش عارف مبارك خايف من أيه وعايز يجنب الشعب المصرى أيه ؟ ..
ده اذا كان حقيقى فعلاً انه خايف على الشعب وعايز يجنبه الحرب
دى مش حرب أختيارية يا ريس .. أو الى كنت ريس

انت الان تامرنى بالصمت و الرضوغ .. فلا طاعة لك فى غير طاعة أوامر الله
المهم
سواء عاجلاً ام آجلاً هنحارب يعنى هنحارب
يبقى نحاربهم للدفاع عن المظلوم أحسن ما نستنى هما الى ييجوا يهجموا علينا
نحاربهم للعمل بديننا ونموت وأحنا بندافع عن مسلمين
أحسن ما نستنى ونموت واحنا قاعدين على حمامات السباحة
................
ده فيديو للى ما شفش يشوف سواء فى مصر او العالم كله

مجازر ضد الأطفال فى غزة .. لا حول ولا قوة ألا بالله
وقال أيه .. مجلس الأمن اصدر قرار بوقف أطلاق النار و إسرائيل شغالة ونزل ضرب فى المدنين
مهو هو ده دور مجلس الامن يصدر قرارات ودور اسرائيل انها ما تنفذش ولا قرار
تخيلوا لو دلوقتى بلد زى الشيشان ولا الصومال ولا الفلسطينين هما الى بيضربوا فى إسرائيل
و مجلس اللا أمن اصدر القرار ده ودولة من دول ما نفذتش
كان هيعمل أيه ساعتها .. ده كان هيوقع عقوبات و يبعت قوة دولية تنفذ القرار بالعافية
و امريكا تطلع تحط انفها فى الموضوع كالعادة وتعمل قوة تحالف دولية و تدخل تحتل البلد
الى مش عايز ينفذ القرار بحجة انه مش ملتزم ويخترق القانون الدولى و ان حكومته مش ديمقراطية
و تعين هيا حكومة متصهينة على مزاجها بقى
والله يخرب بيوتكم يا حكام العرب
1000.000.000.000.000.000.000.000
مرة .. ويعذبكم فى الدنيا أكتر ما عذب شارون
بعذبكم اكتر ما عذب شارون بكل نقطة دم نزلت
و قال ايه .. بنحافظ على أمن بلدنا

" ألم تتعلموا أن تبيعوا العالم "
........................
الفيديو منقول من أخوان تيوب



و ده راى دكتور زغلول النجار فى الحكام العرب
جااااااااااااااااااامد جداً .. لازم تسمعووووووه
عن موقع
أو أدخل على الفيديوهات عالطوول

" ألم تتعلموا بعـــد .. كيف تبيــعون ذلك العالم "
" لأجل الكرامة و العزة "

" are you dont learn yet .. how to sell that world"

"for dignity and pride"

Thursday, January 8, 2009

بوست هااااام جداً لخوض الحرب الالكترونية

انا عارف ان ما فاتش 24 ساعة على التدوينة الى فاتت بتاعتى انا و ابن عمى شافيز بس فى نفس الوقت كان لازم اول ما شفت البوست ده أنقله لأهميته .. و أساليبه الناجحة جداً جداً فى خوض المعركة ضد الكيان الصهيونى الى فعلاً
عن نفسى بنق عليهم كل شوية على كمية النشاط الرهيب فى صفوف المدنين الصهاينة
الى لا بيكلوا ولا بيملوا .. مع أنهم على باطل وهما عارفين كدة كويس
بس بيحاربونا بكل وسيلة متاحة ليهم .. و احنا برده لازم نواجه ونوقف زحفهم الالكترونى
و الحاجات الى بينشروها الى بتورى العالم انهم هما الى مظلومين مش الفلسطينين
بس مازلت أعتقد و اؤمن بأننا عندنا احسن منهم مليون مرة
بس عايزين زقة صغنتوتة بس ...
بس مش فاهم حاجة ... ازاى أعمل تاج فى المدونة
NIDAAL
تدوينة منقولة عن مدونة _ بنت مصرية
معركة" هي الكلمة التي يستخدمها الإسرائيليون لوصف تحركاتهم اونلاين
أدون اليوم من أجل غزة، وأدعوكم أن تدونوا وتتحركوا اونلاين من اجل غزة
لننحي جانبا خلافاتنا.. إذا كنت تتفق معي أن هناك مأساة إنسانية في غزة
وأننا رغم عجزنا قد نملك شيئا نقدمه لضحايا غزة المسحوقين تحت نار اسرائيل وحكامنا معاً.. فلتقرأ السطور القادمة..
يجري الحديث هذه الأيام بين الإسرائيليين اونلاين عن "ادارة المعركة على الانترنت لكسب التعاطف الدولي"يتحركون بخطوات ويستخدمون ادوات نملكها نحن أيضا لحسن الحظ، فعلى الانترنت نملك جميعا الأسلحة ونشترك كلنا في الميدان.وللمشككين في أهمية التحرك على الانترنت، احيلكم لتدوينة كتبها اسرائيلي عن بحثه عن وسائل وكيفيات التحرك على الانترنت متعدد اللغات والثقافات لكسب المعركة. واحيلكم لمدونة اسرائيلية اخرى هي عبارة عن حملة اونلاين اسمها help us win ساعدونا على الانتصار، ويقصدون بالطبع دعوة المتعاطفين معهم للتعاون من خلال بعض الافكار والمقترحات التي تساعدهم على الانتصار في المعركة سواء الافتراضية او الطبيعية.والآن، كيف يمكننا كعرب وكمسلمين وكمسيحيين وكبني آدمين متعاطفين مع القضية الفلسطينية التحرك لمواجهة المعركة الاسرائيلية على الانترنت، ونشر المعلومات وتصحيحها والتعريف بالمأساة الإنسانية المتصاعدة في ارض غزة.. إليكم عدة خطوات:1- تابع الأحداث ولا تمل من المتابعة. المعرفة هامة.2- استغل ساحات التدوين المصغر لنشر اخبار المأساة والمقاومة والاحتلال، فاجعل حسابك على تويتر او جايكو او فيس بوك او غيرهم مصدر للاخبار. تأكد من كتابة تاج "#gaza" مع كل خبر لتسهيل عملية البحث. (نفس الطريقة يتبعها الاسرائيليون مع زيادة تاج "#israel" )3- انشر صور الحرب وفيديوهاتها وروابط المواقع التي تساند القضية، ابعثها لأصدقائك بالايميل او بتويتر او جايكو او على مدونتك.4- اتبع مستخدمين تويتر وجايكو من الاسرائيلين وعلق على مايرسلونه من اخبار ( نفس الطريقة يتبعها الاسرائيليون)5- هذه النقطة خاصة بمطوري الويب، حيث قام احد المطورين الاسرئيليين بتنفيذ تطبيق على فيس بوك تيح تحديث الستيتس الخاص بالمستخدم تلقائيا ليعد عدد قذائف وصورايخ كتائب القسام على الاسرائيليين! هل من الممكن ان يقوم مطور عربي بعمل تطبيق مشابه ليعد عدد ضحايا غزة بالمقارنة قتلى وجرحي اسرائيل؟ تطبيق يبرز محرقة غزة
الجديدة؟
---------------------------------
تحديث: التطبيق موجود على فيس بوك الآن - حيث يقوم بالتحديث التلقائي بعدد شهداء غزة ونسبة الأطفال والنساء فيهم ، رابط التطبيق: http://apps.facebook.com/supportgaza/-
--------------------------------
6- إليك أيضا تدوينة محمد بشير لنكسب حرب الإعلام الجديد، اقرأ مقترحاتها ونفذ ما يمكنك تنفيذه7- انشر اخبار غزة على خريطتها التفاعلية 8- على موقع ديليشوس، يقوم الاسرائيليون بتسجيل صفحات الويب الخاصة بموضوع الحرب من خلال تاجات: israel و gaza و helpuswin، ادعوكم لتسجيل الصفحات باستخدام نفس التاجات.. خاصة التاج helpuswin لنخترق معرفتهم بمعرفتنا.9- اخيرا، وفر ساعة على الأقل يوميا لهذا العمل، واترك الخناقات العربية جانبا ابوس ايدك، الصهاينة بيكسبوا الحرب اكتر من خناقاتنا وتشتتنا
-----------------------------------
تحديث:رابط اخر عن نفس الموضوع how to resist online (شكرا محمد بشير )
و شكراً بنت مصرية

حاولت اقنع فى شافيز ما يطردش الوا السفير _بس دماغه ناشفة

أسكتوووووووووووووووووا
مش " اوغو شافيز" طرد السفير الاسرائيلى النهاردة من فنزويلا
مع انه قبل ما يطرده ويرميله هدومه على عتبة الحدود بدقايق كنت بكلمه
و كشف لى على الى فى نيته والى مخبيه من ساعة ما الهولوكست الاسرائيلية بدأت
بس انا حاولت أقنع فيه و جبتهالو من جميع النواحى
وقولتله يا خويا يا شافيز بكرة الضرب هيقف ومالهاش لازمة حكاية الطرد دى
شافيز : لا يا رفيق نضال مش هينفع .. دول نازلين طحن فى الناس الغلابة و آخرها يضربوا مدرسة هما الى قايلين للمدنين اقعدوا فيها
أنا : طب بلاش دى .. انت الأقتصاد بتاعك مش ماسك نفسه و هما كدة ممكن يبهدلوك على الاخر ما أنت عارف مين الى متحكم فى الاقتصاد بتاع العالم
شافيز : لو شعب فنزويلا كله هيموت من الجوع انا برده هطرد سفير الندامة بتاعهم ده ..و غير كدة شاكله بينرفزنى وخلى بالك يا رفيق أنت مش مسلم ولا أيه وربنا وحده هو الى بيرزقكم
أنا : طبعاً و مين هيرزقنا غيره
شافيز : خلاص انا بعمل كدة علشان دول يهود وصهاينة عمرهم ما بيجوا بالذوق أبداً ولا بمفاوضات وربنا عالم انا بعمل كدة ليه
وانا كمان مش حامل هم اى حاجة .. ومش انتوا بتقولوا عندكم فى مصر .. ان ماحدش بينام من غير عشا
خلاص .. فنزويلا علشان عملت خير يبقى مش هتنام من غير عشا
انا : يا شافيز يا ابن عمى انا خايف عليك من أمريكا واسرائيل يتكاتروا عليك و يحطوا عليك بضمير و ما تحطش فى بالك ان ساعة الجد ممكن تلاقى حكومة عربية واحدة واقفة جنبك .. دول بيبيعوا يا حاج شافيز وقتى
لكن لو مستعد تديهم ملايين ممكن يبقى فيها كلام تانى
شافيز : أحنا بعون الله لا بتفرق معانا كترة ولا بتاع يا عم الامور ... احنا بنخلص عالطوووول
أنا : و الله انا خايف من نغمة الثقة دى أصل سمعتها قبل كدة من الله يرحمه صدام و ماشفتش حاجة
وسمعتها من الله ياخد بأيده لفوق حسنى مبارك وهو بيتكلم عن تحسين احوال المواطن و حسيت انى هتنغنغ او على الاقل خلاص بقى هبقى بنى آدم و فرحت اوى ... بس يا خسارة يا ريتنى ما فرحت
شافيز : ليه كدة خسارة ليه.. أيه الى حصل ؟
أنا : علشان انا كنت قبل ما يلقى الخطاب فى مستوى بين الحيوان والانسان ..ولكن بعد الخطاب بقيت أدنى من الحيوان
كأسلوب معيشة .. وغير الى بيتعذبوا فى اقسام الشرطة و حاجات تانية كتير مش عايز ادوش دماغك بيها انت راجل داخل على منعطف تاريخى
شافيز : لا متقلقش .. من ناحية الثقة اطمن .. احنا لا بناخد معونة ولا بتاع ولو بناخد مش عايزنها
أحنا مش زى حكام العرب .. مربوطين بسلسلة فلوس .. وكل الى يهمهم هما أزاى يأخدوا الفلوس من على كل السلسلة
لكنهم مش بياخدوا ألا الى عند بقهم بس ومش بيطولوا الباقى لأنهم مربوطين
و ما تقلقش .. أحنا جامدين اوى أوى أوى
أنا : طب ما تفكر تانى يا نجم .. أقولك .. هات الواد السفير ده ووجه له رسالة شديدة اللهجة زى ما الى عندنا بيعملوا أوأديلوا فوق دماغه لغاية ما يبانله صاحب
شافيز : انا مش عارف ليه انت مقتنع اننا زى العرب ..
أنا : يا عم بلا قرف .. تف من خشمك
شافيز : احنا يا أما نعمل حاجة كرد فعل على الفعل .. يا أما ما نعملش و ما نتكلمش خالص
اديكم اهو .. بقالكم من اول ما بدأت المجزرة وانتوا مش عارفين توقفوها .. خليكم .. أشربوها بقى
قال مجلس أمن قال .. أهو عجز عن حل المشكلة .. لما مجلس الامن يعجز عن حل المشكلة طب مين الى يحلها بقى
يا عم دى بقت كوسة و العالم بقى عبارة عن شوية تييييييت لا عارفين ينهوا ولا يأمروا
وكفاية كدة بقى علشان ما ارفعش سماعة التليفون و أولعها بلى فيها و اولع فى نفسى انا كمان
أنا : لا ياعم أستهدى بالله كدة وروق ... لما تولع فى نفسك اومال مين الى يطرد فى الاسرائيلين ويحرق دمهم
شافيز : هسيب المهمة للعرب بقى
انا : هاهاهاها .. نئبك جه على شونة ... طب شوفلك حد عدل تقدر تعتمد عليه
مش رايحلى على حكام بطرح و الطرح استعرت منهم من زمان
شافيز : انت يلاه ... أنت دوشتنى .. كان زمانى طردت السفير من بدرى .. سلام يا رفيق نضال
انا : ماااشى يا عمنا .. حقك ومين قدك بقى .. طردت السفير الاسرائيلى ولا منك بتاخد معونة كبيرة ولا منك مقيد بأتفاقيات ولا منك بتاع كاش ولا بتاع .
شافيز : يا رفيق أنا لو مكانكم انا كنت حاربت من زمان .. يعنى لما 60 واحد يموتوا على الحدود برصاص صهيونى
وانا قاعد اتفرج ابقى لا مؤاخذة بقى .. ولما الطيران الصهيونى يخترق مجالى الجوى الآف المرات وما اتكلمش ولا حتى بتحذير
يا عم روحوا روحوا ريحوا فى حتة ناشفة ولا العبوا فى الطين ... قال و بتقولوا علينا دول متخلفة
طب مين الى متخلف دلوقتى بقى
أنا : أحنا طبعاً ومش من دلوقتى ده من زمان اوى .. من ايام ما العثمانين قالوا على المطبعة بتاعت نابليون أنها رجس من عمل الشيطان
شافيز : طيب هروح انا أطرد السفير و ارجعلك
انا : آجى معاك اولع فيه
شافيز : لا .. خليه يغور ألهى لا يرجعه
أنا : خلاص .. قشطة يا برنس .. نكمل لما ترجع
شافيز : سلام أيها الرفيق
أنا "كنت باكل" : سلام يا نجم أبقى تعالى عالطووووول
و قولت لنفسى .. هو العار الى لزقته حكامنا لينا هيفضل معانا طول العمر كدة
حتى "شافيو" الى لا هو عربى ولا مسلم شايف اننا مالناش لازمة و طرد السفير الاسرائيلى
أومال ايه .. مهو مافيش حاجة تذله .. لكن عندنا .. مهما خدوا فى دماغهم بالجزمة برده ما بقدروش يقولوا آى ولا حتى يرفعوا عينهم فى عينين ماما امريكا و حفيدتها اسرائيل
NIDAAL

Monday, January 5, 2009

اخر الاخبار :وصورة لأسر جندى صهيونى


صورة منقولة عن مدونة " مصطبة شوكت" لعملية خطف وأسر جنديين صهيونين فى الاجتياح

و الصهاينة ينفووووووووون

متضامن


اخر الاخبار :
حماس تأسر جنديين صهيونين ،وترددت أنباء عن محاصرة أحدى الكتائب لسرية عسكرية صهيونية
بعد محاولة توغلها بداخل القطاع، وأكدت كتائب القسام على قتل و أصابة ما يزيد عن 60 جندى أسرائيلى
وقنص العديد من الجنود

و أصابة بعض الاليات و نجاحهم فى عطبها و أيقافها عن العمل و التحرك
.....
وفى شكل آخر من أشكال التضامن
بما أن الجكومة منعانا نعمل مظاهرات .. ومنعانا نعمل أى حاجة
خلاص .. مهو عمرنا ما هنروح نضرب فيهم يعنى
بس كشكل تضامنى .. قام شخص ما و أكيد فيه كتيييير غيره برفع العلم الفلسطينى على شرفة منزله
كنوع من انواع التضامن مع المقاومة بداخل غزة .

NIDAAL

Sunday, January 4, 2009

وبدء الاجتياح_هل تتكرر لبنان 2006


بدء العملية العسكرية الصهيونية لأجتياح قطاع غزة
وصرحت كتائب القسام فى وقت سابق بأنه وعند تنفيذ الصهاينة للأجتياح فلا يلومون ألا انفسهم


و الحمد لله .. الحمد لله ... الحمد لله
لم تمر ألا ساعات قليلة وسقط أكثر من 12 قتيل و 30 جريح فى الصفوف الصهيونية
وترددت انباء عن أسر الكتائب لمجموعة من الجنود الصهاينة
بحسب اخر البيانات الواردة من القطاع
و ترددت أنباء عن تفجير عبوتين ناسفتين فى دبابتين
الاولى تم تفجيرها و الثانبة جاءت لتنقذ من بها ففجرتها الكتائب
ويدور الان صراع بين كتائب سرايا القدس ونسور فلسطين ضد قوات المشاة الصهيونية
وأعلن متحدث بأسم القسام بأن الكتائب لم تستخدم الا 5% من قواتها لصد الاجتياح
بحسب ما نشر موقع أخوان اون لاين
وسنوافيكم بالتفاصيل حال توافرها.
الله أكبر ولله الحمد ... الله اكبر ولله الحمد ... الله اكبر ولله الحمد
NIDAAL

Friday, January 2, 2009

عااااجل: مصيبة يا مسلمين ..تدنيس الازهر الشريف_ الموت الموت الموت للنظام

تحديث :
مش عارف انتوا فاهمين البوست صح ولا لا
أيوة علشان ما حدش يقولى أنت بتحرض على قتل ولا بتاع
انا أقصد الموت لإسرائيل يعنى ابادتها و القضاء عليها
لكن موت النظام و مبارك و..و..و
أقصد أنتهائهم وأقالتهم و تواجد حكومة أكثر عدلاً
ولكن الى دماغه تروح لبعيد براحته بقى وكل واحد حر فى دماغه
انا لا أؤيد أى عنف .. مش حباً فى النظام و لكن لمصلحتنا كلنا
لأنه و المتعارف عليه ان لو اى حكومة أقيلت بالعنف و القوة فالنتيجة بتكون سلبية
و ما بتكونش عادلة و الحاجات المكلكعة دى
وفى حالة ثبوت عدم حدوث ذلك التدنيس .. هشيل البلوست فوراً
بس انا مصادرى موثوقة ومؤكدة
الموت لصهاينة مصر


الصور منقولة .. ومش عارف مين الى مصورها .. بس كلها ماعدا الجندى الحمساوى الى بينطق الشهادة، من احداث يوم الأربعاء
عاااااااااااااااااااااااااااااااجل :
دنست اليوم مجموعة من البلطجية و قوات مكافحة الشغب حرم الازهر الشريف بعد دخولهم إلى (المصلى) بالأحذية لأجهاض مظاهرة و الاعتداء على من فيها و اعتقال بعض منهم ، وترددت أنباء عن وجود اصابات خطرة نتيجة تعرض المتظاهرون " السلميون" للضرب المبرح ،دون التفرقة بين الشباب و الشيوخ
كما قامت أيضاً قوات الأمن بمنع المصلين من الصلاة بداخل جامع الفتح بميدان رمسيس،وأدى المصلون الصلاة بالشوارع الجانبية المجاورة للمسجد و عقب الصلاة قامت فرق الكارتيه بضرب المصلين ضرباً مبرحاً و ايضاً ترددت أنباء عن وقوع اصابات
واعتقال المئات منهم .
هنستنى أيه تانى بعد ما ولاد الجزمة .. الجزم بتوع الداخلية دنسوا المساجد
هنستنى لما يعملوها بارات ولا ايه يعنى
لازم نعمل حاجة ... نعرفهم ان لحد كدة واستوب .
انتوا بتضربونا فى المظاهرات و مش بنفتح بقنا علشان بنقول ممكن يكون فيه أحتمال. ولو بسيط يكون فيه أبعاد ما
ليهم وجهة نظر فيها ومش عايزينها تحصل
ولنفترض مع انه مش ده الصحيح... ولكن لما توصل لغاية انهم يدنسوا المساجد
يبقى علينا وعلى أعدائنا الى هو النظام كله اعدائنا ..
احنا مسلمين يا أمة محمد والله .......... مسلمين وسوف نظل مسلمين
و مش انا الى هقول ده كافر علشان عمل كدة ولا بتاع ...
بس ده مالوش غير جزاء واحد بس
زمان ومنذ عدة ساعات كنا بنهتف و نقوووول
الموت .. الموت ... الموت لأسرائيل
دلوقتى بقى انا ههتف وهقول
الموت .. الموت ... الموت للنظام
وبقى يعتبروها تحريض او غيره
احنا مسلمين .. ونعرف أزاى نحافظ على مساجدنا كويس
الأمن كان علشان يحرس المنشآت والناس ... لكن دلوقتى بيدنس فى المنشآت و بيقتل فى الناس
أذاً هو ليس منا ولا نحن منه
الموت ... الموت ... الموت للنظام
الموت .. الموت .. الموت لحسنى مبارك
الموت ... الموت .. الموت لأمن الدولة
الموت ...الموت ..الموت لكل خائن و عميل
الموت .. الموت .. الموت لإسرائيل
أغضبى يا أمة محمد .. ماذا بعد مساجد الله
أغضبوووووووووووا ولنحافظ على مساجدنا
أغضبوا مش علشان نفسكم .. علشان الأمانة الى ربنا مشيلهلكوا فى رقابكم
أغضبوووووووووووا و اخرجووووووووووا
"سلمياً"
الله أكبر ..الله أكبر..الله أكبر
على كل ظالم
قادمـــــــــــــــــــــــــــون
NIDAAL