أول موضوع يتنشر ليا فى جريدة البديل
وصفحة اولى كمان .. و لله الحمد ...بينافس على المركز الاول فى الموضوعات ألاكثر قراءة على موقع البديل الالكترونى
ووصل عدد القراء الى 2111 قارئ و دلوقتى حالاً 2141 ... دعواتكم بقى
وطبعاً الى هيقرا هيعرف ان ده مش اسلوبى خالص لان زى ما انتم عارفين الديسك مان أكل الموضوع
تخيلوا ان الحتة الصغنتوتة الى انتم شايفنها دى أختصار لصفحتين فلوسكاب
اه و الله .. بس الحمد لله انه نزل و نزل صفحة اولى كمان الف حمد وشكر ليك يارب
21 comments:
مبرووووووووووك يارفيق
الف مبروك يا نضال
:)
مبرروووك عقبال رئاسه التحرير
احمد عبد الفتاح
الله يبارك فيك يا ريسنا
مهندس مصرى
الله يبارك فيك يا هندسة و عقبال كدة ما نشوفك صاحب أكبر شركة مقاولات يارب
وكبير مهندسين أكبر أكبر الشركات
ماجنوليا
عن نفسى ما بتمنى رئاسة التحرير نهائياً أنا بحب انزل الشارع أكثر ما اقعد على مكتب
وده مش انتقاص من المنصب ده ولكن انا ميولى اكتر للشارع
و الله يبارك فيكى
ألف مبروك يا نضال
كل سنة و انت طيب
أسير حبيبتك
الله يبارك فيك و كل سنة و انت بصحة و خير و سعادة
السلام عليكم
مبروووووووك ياصاحبي وعقبال ماتبقي حاجة كبيرة اوي واقول لعيال لو ربنا رزقنا بعيال اني كنت اعرف نضال
ههههههههه
بس نصحيتي لك حاول تقرأ كتير اوي عشان تبقي كاتب ناجح وتكمل مشوارك ياصاحبي
ولي تعليق علي الموضوع اللي فات
وربنا يكرمك ياجميل
والسلام
الفاتح اليعقوبى
وعليكم السلام يا جميل
يا عم ان شاء الله انت تبقى احسن منى و من اى حد وأولادك يفتخروا بيك أنت و يارب ما تحتاج أبداً انك تقول أنا كنت أعرف .. ثم ليه كنت ... أنت ناوى تنهى علاقة الصداقة و الاخوية بدرى بدرى ولا أيه ههههههههههههههه
أنا برده استغربت أنك ما علقتش على الموضوع الى فات .. بس انا متوقع الموضوعية منك
و الله يبارك فيك يارب
يا نضـــــال
ألف مليون مبروك
وعقبال ما أشوفك رئيس تحرير جرنان كبير
لأ وايه
الجرنان بتاعك كمان
والله مش بعيدة
انت راجل طموح
ربنا يوفقك يارب
ااقولك ايه يا نضال الف الف مبروك
ربنا يوفقك وخطواتك تكمل على خير وطريقك يكون كله توفيق ان شاء الله
انا هسيبك واروح موقع الجريده اليى سبتهولى
متتخيلش فرحانه ليك ازاى يا نضال
تصدق كنت هكتب يا عبدالرحمن
يظهر اى ولد شباب بتخيله ابن انا اتجننت ولا ايه
مع انك اكبر منى فى السن بكتير...
تريلييون مبروك يا نضال وهرجع تانى بس بعد جولتى فى موقع الجريده..
مصرى
الله يبارك فيك
وانا بجد عمرى ما تمنيت رئاسة تحرير من الاساس لانى مش بحب أقعد فى مكتب وزى ما قولت فى تعليق سابق انا ميولى انزل الشارع و حتى لو ربنا فتح عليا وبقى ليا الجورنال بتاعى الى همشيه بسياستى انا برده هنزل زى زى اصغر صحفى الشارع واجرى ورا الخبر .. دى طبيعتى كدة
أم عبد الرحمن
يااااااااه تريليوون مبروك حتة واحدة
هشيلهم أزاى دول لوحدى
الله يبارك فيكى ويكرمك فى عبد الرحمن ويجعله ويجعلك من حفظة القرآن و أيانا
و أنا متخيل جداً لان دى حاجة مش بتتشاف أبداً قد ما هية بتتحس ..يعنى ماما بتجهز أختى الى هتتجوز أن شاء الله فكل ما تجيب حاجة وتقولى عليها وتوريهانى أقولها مبروك تقولى مالك مش فرحان ليه مع انى ببقى من جواية طاير من الفرح بس انا من النوع الى مش بعرف أعبر عن فرحتى خالص .. خييييبة بعيد عنك
وبرده لما حد بيهدينى هدية مش بعرف أشكره كما يجب . يعنى هية شكراً وبس
مع انى من جواية ببقى نفسى أشيله شيل من على الارض ...
وحضرتك بتقولى أنى أكبر منك سناً !!!!!
أزااااااااااااااااى
ممكن تدخلى على البروفايل بتاعى هتلاقى مكتوب تاريخ الميلاد
16 / 12 / 1985
و فيها أيه لما ابقى زى ابنك ربنا يحميه ويخليهولك يارب
وعلى فكرة انا ماما من الشرقية برده أحسن نااااااااااااس
مع ان السوبر ماركت الى تحتينا شرقاوى و معقدنى فى حياتى ههههههههههههههه
مستنى عودتك
ماشاء الله جميييييييل
طول عمرى بقول عليك صحفى نص لبـــ قصدى صحفى جامد
ههههههههه
والله يا نضال انا متنبئ لك ان شاء الله بمستقبل جميل وربنا يكرمك
احمد
انا رجعت اهه بس عودة المنتقم
وعوده كده ناويه فيها على خناق..
ههههههههه بقه انا اكبر منك فى السن هههههههه
يا خيبه يا خيبه واضح انك فعلا يا محمد خيبه ومستقبل فى الجواز منعدم...
بقه فيه واحد يقول لواحده حتى لو جدته انتى اكبر منى فى السن
انتا لازملك كورس معاملت ستات
بس مقبوله منك اعمل ايه ابنى بقه ههههههههه
وبعدين يا محمد ما انا عارفه انى عجوزه بس بستعبط شويه
ولاا هما بيعلو ضرايب على الاستعباط فى البلد دى
تعالا بقه للجد ايه الاسلوب الرائع ده ده اليى اسمه السهل المتنع..
وبعدين انتا حللة بالفيلم بطريقه شيقه وسهله وجذابه وممتعه
لدرجة انك شوقتنى انى اشوفه
انتا موهبه قيمه جدا ويا رب تلاقى اليى يحافظ عليها
واوعى تستسلم لاى ضغط او يأس استمر لانك بالصدق والموهبه دى اكيد اكيد لازم ان شاء الله هتوصل لهدفك...
اهنيك بالعيد بقه اليى هو عندنا عيدين...
عيد سعيد عليك وعلى والدتك
وعلى اختك واصدقائك ورئيس التحرير اليى نشرلك الموضوع وعلى كل اليى يحبك وتحبهم...
ربنا يسعدك ويوفقك ويهنيك
ان شاء الله يا نضال....ومحمد كمان...
مبرووووووووووووووووووووك
إنت عارف ان انا من أكتر الناس اللي تفرجلك يا جوبا بجد فرحتلك أوي
الف مليون مبروك
وكل سنه وانت طيب
عيد سعيد
ماشاء الله عليك
ربنا يباركلك ويعزك ويرفع قدرك
وكل عام وانت بخير وعيد مبارك عليك
Post a Comment