تااااااااااااااااااااااج

السلام عليكم جميعاً

مشكورة اختى / عاشقة الفردوس

على تمريرك هذا التاج لى ولو انه فيه شوية اسئلة صعبة

مش كسؤال و لكن كمعنى السؤال المركون ورا فى الجانب الخفى

..............

لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

قبل ان انظر لغيرى سوف انظر لنفسى و ارى هل انا من الكمال قد بلغت لانظر لغيرى

بس برده هتبقى نظرة قرف و هاخد عنهم فكرة انهم سلبيين جداً و مبقاش عايز اعرف واحد مصرى و بما انى هبقى متفهم ان فيه كدة و كدة من الناس فسوف اعيب فقط على من استطاع ان يفعل شيئاً و لم يفعل

أو لوكنت أوروبي أو غير مسلم بردو إيه نظرتك للعرب والمسلمين ؟

فى عز تقاعس المسلمين عن نصرة اخواتهم

فى العراق او فلسطين او فى افغانستان و الشيشان من قبل

فسوف تكون نظرة احتقار و سوف انظر لهم على اساس انهم ضعفاء و لن يستطيعوا فعل شىء حتى ان هاجمتهم بداخل بيوتهم

لوقالولك إنت بقيت رئيس جمهورية هتعمل إيه؟

فيه حاجة بفكر فيها من زمان

و دى اتعملت فعلاً بس مش عارف ليه لم تعمم

بس هعملها بقى كرئيس فهتبقى متغيرة شوية ... هدى كل خمسة افراد خبرتهم فى مجال واحد مبلغ من المال

لاستثماره فى ما يجيدون عمله ... و يعملوا مشروع و ينجحوا و طبعاً هتكون هناك رقابة عليهم

يعنى هنغنغكوا من الاخر كدة ... هههههههه

و بعدين هعد جيش مصرى قوى و اعده اعداد اسلامى و عقائدى من اول و جديد

و هطلع بيه على فلسطين و العراق و افعانستان

احررهم و ابيد الامريكان و الصهاينة و بعدين اخلى كل دولة مسلمة تبعت حصة غذاء للصومال وما شابها من الدول الاسلامية

و بعدين ... وبعدين..وبعدين...يووووووو ده فيه حاجات كتير

لو كان ينفع ترجع طفل تاني وتخليك طفل علطول هترجع؟ وليه؟

و الله نفسى و مش نفسى

نفسى لانى عايز ما اسمع مشاكل عن اى شىء و ابقى عايش حياتى كدة ما فيهاش مشاكل

ومش نفسى لانى نفسى يبقالى دور فى تحرير فلسطين و نفسى ابقى فرد قادر على افادة مجتمعه و قضايا الاسلام

لو هرجع طفل لغاية ما المهدى ييجى موااااااااااااافق طبعاً

لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟

اهه... سؤال مالوش اجابة

عن نفسى هصارحه بس مش هروح اقوله انت هتموت يلا جهز نفسك علشان تموت

لا طبعاً ... هجيبهاله بطريقة لطيفة واحدة واحدة و اقوله ان كل شى بيد الله

و ياسلام لو عارف قصص لناس كانت المفروض تموت و بقدرة ربنا عاشت هتبقى باعثة للامل بداخله

و لكن طبعاً هقوله على القصص دى بعد يوم او يومين من مصارحته كى يستطيع تقبلها

لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

انقذ أمتك

لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟

دى نقطة ما بتعجبنيش فى ناس كتير

هو ده امر الله و قدر الله و ماشاء فعل... ربنا عايز كدة

طبعاً تصرفى انى هواسى زوجتى و اكون رحيم بيها لان هيكون فيها الى مكفيها

و كفاية عليها الالم الى هيعتصرها فى كل لحظة تحس بالتقصير

لو طلعت القمر هتكتب إيه عليه؟

لا شىء الا الشهادة

اشهد ان لا اله الا الله و ان محمد رسول الله

لوكنا في عصر إزدهار الأندلس كنت تتخيل نفسك إزاي؟

بصوا بقى انتوا ممكن تضحكوا عليا او تسخروا منى يعنى

بس انا هتخيل بقى بما انى بتخيل

بتخيل نفسى قائد على جيش المسلمين حامل للراية بحارب و بفتح بلاد و بنشر الاسلام

و اكتر حاجة هكون بتمناها زى ما انا بتمناها دلوقتى

هى الشهادة فى سبيل الله و انا فى ميدان المعركة حامل لسلاحى اسقط به من روؤس اعداء الله و الدين ما لايحصى

لو مررت التاج ده لحد وما جاوبش عليه أعمل فيه إيه؟

كل واحد وله ظروف ودى حرية شخصية ... ممكن الوقت مش مساعده يعنى اى حاجة زى كدة

او ممكن يكون التاج مش عاجبه او مش لاقيه ليه اجابات عنده ... براحته

لو هتسافر في أي مكان في الدنيا تعيش فيه هتروح فين ؟

فلسطين كل ما اتمناه

لو مررت التاج تمرره لمين؟

مدونة احمد الصباغ : خالو

مدونة : ارسم بالرصاص : هايدى

مدونة : عصفور المدينة

مدونة : مصرى للنهاية : شمس

مدونة هموم وطن : مى

مدونة : الفاتح اليعقوبى و الجعفرى

ولنفسى مرة تانية .. انا طماع و فيه حاجات كتير بالنسبة لنقطة الرئيس دى عايز اقولها

يااااااااااااااهووووووو ... مش عصير ..... ده انا فرحان علشان جاوبت

هههههههههههههههه

دمتم جميعاً بالف خير وسلام و مودة

juba