شوبير هيرو _ وحادثة الالترس المفترى عليهم

تحديث :
الحفلة اتلغت
.........................

الحراااامى ميــن ... شووووووووووبيـــر
أنا ماليش دعوة .. هما الى بيقولوا كدة فى الفيديو بس انا متضامن .. لول

الالتراس الاهلاوى
الالتراس الزملكاوى ( وايت نايتس ) كما هو معروف
وروابط أخرى
النهاردة انا هتكلم على الالتراس الاهلاوى خاصة لأنه هو صاحب المشكلة .. وبعيداً عن أنى أهلاوى ومعجب بثبات جمهور الزمالك
وراء فريقه برغم تكرار الاحداث السيئة على ساحة النادى، وبرغم ان الفريق قام بخذل مشجعينه ( المحترمين ) على مدار سنوات مضت

نبتدى الاول نعرف مين هما الالتراس ( Ultras)
هما مجموعة من مشجعى كرة القدم نشئت تلك المجموعة فى أنجلترا كالرابطة و أطلقت على نفسها ام الالتراس وبدءوا فى أتخاذ أسلوب تشجيعى مميز ككتابة اسم النادى بالأجساد على مدرجات الاستاد بطريقة منظمة و رائعة .
ذلك عوضاً عن الشوو الأساسي فى نشاطهم وهو ما يسمى ( الدخلة ) بفتح الدال
وذلك الشوو يعرض عند دخول اللاعبين الى أرض الملعب فيقوم الالتراس بأضاءة ( الشماريخ ) وهى أشياء مثل نار الاشارة وكلنا ينشوفها طبعاً ، وعلى فكرة هى غير مضرة بالمرة ألا فى حالة لو اترمت على أرضية الملعب لأنها لو لسة ساخنة ممكن تحرق مكان ما اترمت يعنى حتة بتاع 50 سم .. وده نادراً لما بيحصل
ومع تلك الاضاءات والاشكال التى يصنعها الالتراس بالشماريخ .. هناك يافطة او قطعة قماش كبيرة جداً يتراوح طولها مابين 40 إلى 70 متر وأما ان تدور على المدرجات بجميع زوايا الملعب لتعود إلى نقطة انطلاقها اما أن تفردفى وضع رأسى من أول المدرجات لأخرها لتصنع لوحة عظيمة .. وأصبح الالتراس فى دول عديدة .. فى كل مكان وراء فريقهم ويكلفون تلك العروض مبالغ باهظة

الكلام ده كله كان مجرد دخلة تعريفية عن الالتراس علشان تعرفوا انا بتكلم عن ايه بالظبط
الالتراس الاهلاوي .. تعرضوا منذ فترة قريبة لأعتقال بعضهم من بيوتهم بعدما قام احمد شوبير، وبأوامر عليا بالهجوم على الالتراس والتدخل فيما لا يعنيه، بجد لا يعنيه ولا يمت له بصلة.. وقام بعرض فيديو يصور مجموعة لا تزيد عن 15 شخص ينتمون للالتراس الاهلاوى و الترجى التونسي وهم يشربون الخمر !!!!
هنمسك نقطة نقطة بقى
اولاً الفيديو الذى تم عرضه لا يوجد به اى شئ يدل على انهم اعضاء من الالتراس ولا يرتدون تى شيرتات الالتراس حتى .. و الصورة غير واضحة .. مهو انا ممكن اجيب اى حد واصور واقول انهم ألتراس
ولنفترض .. الكلام ده ماكانش جوة الملعب .. يبقى مش تخصصك ولا شانك خالص أنك تتكلم فيه
لأنك معلق رياضى مش أكثر .. ومش من حقك التحريض ضد الالتراس يا شوبير
الحاجة الأهم .. أنه قال أن الفيديو ده كان بعد ماتش الترجى التونسى و زى ما هتشوفوا فى الفيديو
أن الألتراس تأسس عام 2007 بتاريخ بعد تاريخ آخر لقاء و الترجى التونسى
وبعدين بيتكلم فى حكاية انهم بيصرفوا مصاريف ضخمة على تلك العروض
!!!!!!!!!!!!!!!!!!!!!!!!!!!!!!!!!!!!!!
وأنت مالك .. ما يصرفوا ولا يعملوا الى هما عايزينه .. مش من فلوسهم ولا هما بيجوا ياخدوا منك الميزانية
فعلاً حاجة لا تعنيه ولا تعنى لا الداخلية ولا الخارجية ولا اى بتنجان

وقد وقع شوبير فى خطأ فاضح كما سترون فى الفيديو عندما قال :
أنا أزعم أنى أعرف بعضهم
و الزعم على حسب درايتى باللغة الضعيفة .. لا تفيد التأكيد على الخبر او التاكد من وضوحه
او عندما نقوم بنسب كلام غريب شوية لشخص .. ونقول ويزعم فلان وجود كنز تحت بيتى
وكدة يعنى .. ودى غلطة وانت بتناقش حاجة ادت إلي إعتقال البعض بسببك
انا عن نفسى شايف أن الحل فى أن الألتراس يدافعوا عن نفسهم وعن كيانهم
بالتهديد بعدم حضور المباريات .. الى هتيجى بنتيجة سلبية على النادى .. لأنهم بيكونوا بأعداد كبيرة جداً
وطبعاً مش هيبقى فلوس للنادى .. و الاستاد نفسه هيتضرر من الحكاية دى
انا عارف انها مش خطوة مجدية اوى علشان احنا مش فى اوروبا
بس دى وسيلة الاعتراض الى عندنا
أو ممكن نحضر برده ونحمل لافتات ونكون بأجسادنا شعارات مناهضة لتعسفات الأمن ضدنا
وأيضاً ضد شوبير .. المأجور .. والغير مسئول
والى بجد خد التليفزيون وبرنامجه لحسابه وللرد على مرتضى منصور
وده احب ما على قناة الحياة ولكنها أكبر غلطة يقع فيها إعلامي
وعلى فكرة انا واحد من الألتراس
تعالوا بقى اقبضوا عليا

ده الفيديو جااامد جداً جداً .. أقرى الى تحت عقبال ما يحمل



بصراحة انا مش عارف مين الى له مصلحة فى التحريض ضدهم
بس ليه شوبير يعمل كدة وهو مش معاه دليل قوى وخاصة أن بضعة افراد لن يكونوا هم لسان حال الألتراس
وحتى الفيديو لا يوجد به دليل أدانة واضح
وليه الداخلية بقى تروح تعتقلهم من البيوت
هما بيعملوا برده زينا نحن القلة المندسة وبيكدروا السلم العام ولا أيه ؟؟؟
تصرف طائش من جهاز طائش زى الداخلية .. جهاز راح يوزع شيكولاتة على المواطنين فى الشارع سعياً وراء تحسين صورة
رجل الشرطة الى بقى دلوقتى .. نازى الشرطة
وحجز أمن الدولة بقى هولولولولوكوست الشرطة
ما تحترموا نفسكم بقى .. الله
وعلى فكرة .. بعدها بكام يوم تم القبض على عدد من الوايت نايتس لنفس السبب ومن البيوت
ده بدل ما نقدم لهم رعاية .. او على الاقل ما نوقفهمش
لأنهم هيستمروا وهيستمروا ومش هيتوقفوا
دووووووووووول شباااااااااااااااااااااااااب
والشباب صعب ان حد مهما كان يوقفه عن حاجة بيحبها
ده مش كلام اشعار .. ده بجد .. وهتشوفوا ..
لأن الامن بغبائه بيتصرف بغباء كالعادة تحت قيادة العادلى
وقال ايه ....... حتى فى التشجيع عايزين يقمعونا

أحـــــــــــــــــــم

JUBA RETURNED