palestin holocoust

palestin holocoust
Gaza# VS Israel# holocoust

Thursday, July 3, 2008

منطقة أبو رجيلة _ و الحياة المأسوية _وطمع الحكومة

منطقة أبو رجيلة المهددة بالهدم بدون أيجاد مأوى للاهالى الى الان

تردد صدى صرخات الاستغاثة التى أطلقتها خمسة ألآف اسرة مصرية معدمة تعيش تحت خط الفقر بجوار خط قطار السويس بمنطقة
ابو رجيلة الواقعة بالقرب من شارع جسر السويس فى ارجاء واسعة تطلب من كل

المنظمات الحقوقية و الانسانية التدخل لوقف هدم منازلهم بعد ان فوجئوا بقوات من

الشرطة العسكرية يصاحبها عدد 2 لودر يستعدون للشروع بهدم منازلهم وذلك فى يوم 15 / 6 / 2008


فتجمع سكان هذه البيوت المتواضعة التى لا يزيد وصفها عن كونها عشش لا تصلح لاى

حياة آدمية وتكاتف الجميع لمنع هذه المهزلة من الحدوث وعندما رأت قيادات الشرطة

العسكرية انه لا سبيل لهدم المنازل بعد أن وقف جميع قاطنى هذه المنازل وقفة الرجل الواحد

أعطوهم مهلة للاخلاء حتى يوم 30 / 6 / 2008 مما يعنى أننا على وشك تخريج دفعة جديدة من أطفال وسكان الشوارع .

ومن الجدير بالذكر أن سكان هذه البيوت التى تتكون من دور واحد على الارض كانوا

وبعد ان فشلوا فى تدبير سكن مناسب لظروفهم المادية فأتجهوا الى شراء هذه الاراضى

من ملاكها الظاهرين فى السبعينيات وتحملوا الوضع القاسى وخاصة العيش بدون اى خدمات او مرافق تذكر أذ كانت منطقة زراعية مهجورة لا يجرؤ احد على دخولها



من اجل فقط مكان يأون أليه فى الليل ليستريحوا من عناء يوم طويل شاق او لتحتضن

جدرانه اطفالهم فى مأمن من ما يخفى عنهم الشارع هؤلاء البسطاء مهددون الان وفى

لحظة أن يكونوا بلا مأوى نهائياً ونشهد كارثة أنسانية جديدة .


اما عن الاجراءات التى اتخذها هؤلاء البسطاء فهى انهم قاموا بأبلاغ المركز المصرى لحقوق السكن الذى قام بدوره بأيفاد محاموه مع الاهالى الى مكتب النائب العام و التقدم

ببلاغ رقم 11374 عرائض النائب العام مطالبين فيه حماية منازلهم من الهدم و تمكينهم من أرضهم وجارى التحقيق من جهة النيابة فى الوقت الحالى



كما تقدم النائب محمود عامر فى مجلس الشعب بسؤال عاجل لكل من رئيس الوزراء ,

وزير الداخلية , وزير النقل , محافظ القاهرة , ووزير التنمية المحلية , لأعطائهم حق

رسمى لحيازتها , وتسائل الاهالى ومحاميو المركز عن وعود برنامج الرئيس مبارك الانتخابى الذى وعد بتقنين اوضاع العشوائيات و العمل على حياة أفضل للمواطن

المصرى . ويناشدون عبر الوسائل المتاحة لهم كصفحات الانترنت و المراكز الحقوقية و صفحات الجرائد جميع الجهات المعنية بأعادة النظر فى عملية الهدم لانهم ببساطة

وعلى" حسب وصف بعضهم " سيصبحون كلاب شوارع مشردين ومهانين فى وطنهم.


ومن الجدير بالذكر ايضاً ان المركز المصرى لحقوق السكن قد أعد أنذاراً سلمه لكل من

وزارة النقل و محافظة القاهرة يوم الاحد اى قبل انتهاء المهلة المحددة بيوم واحد , كما أقامت نقابة الصحفيين فى نفس اليوم لقاء لأهالى هذه المنطقة وتحدث الاهالى عن

معاناتهم و أعربوا عن قلقهم البالغ أزاء قرارات الازالة هذه . وخوفهم من التشرد و
تشريد ابنائهم فى الشوارع كما افادوا بانهم فوجئوا بقرار الازالة الصادر ضدهم و حاولت

قيادات الشرطة العسكرية اقناع كبار رجال هذه المنطقة بتقديم شكوى الى قيادة الشرطة العسكرية و بالفعل ذهبوا معهم ثم فوجئوا بأعتقالهم و حجز تسعة اشخاص لمدة يومين

بالحى العاشر بداخل الوحدة" س 28 " شرطة عسكرية على حسب اقوالهم , وعن ما تم بالدخل أفاد احد الذين كانوا محتجزين انه و عندما تكلم معهم القيادى اثناء التحقيق فى

المحاضر الملفقة ضدهم بأتهامهم بقيامهم باعمال شغب و مقاومة سلطات قال لهم القيادى هذا ان الجيش مثل القطار من يقف امامه يفرمه تحته و هذا ايضاً حسبما افاد احد الشهود .


كما أرسل المجلس القومى لحقوق الانسان بعثة لتقصى الحقائق الى منطقة ابو رجيلة للوقوف على حالة الاهالى هناك و رصد الوضع الحالى

و فوجئ الاهالى يوم الاحد ليلاً بمهندسين بترول يقولون لهم ان هذه الارض هى ملك الوزارة و تمر تحتها انابيب و يجب ان يخلو ستة امتار من جانبى المواسير وكان

بصحبتهم مندوبون عن السكك الحديد ينذروهم بانهم يجب ان يخلوا خمسة عشر مترا من عل جانبى قضيب القطار .


اتسائل الى اين سوف يذهب هؤلاء الاهالى باطفالهم الذين بالكاد يعيشون فى عشش لا تقيهم شر البرد ولا حر الصيف ولا تؤمنهم من الشارع ؟

لماذا لم نوفر لهم بديل الى الان ؟

افادت م / هبة التميمى مسئولة بجمعية احنا ولادك يا مصر ان الجمعية تدرس و بشكل جدى توفير المساكن لهؤلاء البشر و لكن يجب عليهم ايضاً الالتزام بالانتقال اليها فى حال ان توفرت لهم .

وأيضاً أين الحكم الصادر من المحكمة بالازالة لضمان سلاسة الاجراءات ومدى مصداقيتها و قانونيتها؟
أسئلة رفض المسئولون الاجابة عنها بحجة انها مازالت تدرس
مازالت تدرس و هناك اناس ينتظرون ان تهدم بيوتهم فوق رؤوسهم بين اللحظة و الاخرى

اى حياة هذه التى تكمن فى وسط منبع الامراض والحشرات و القمامة
أين حكومة هذه الدولة المنكوبة .. لن اكون مبالغ ان قلت أنها حكومة فاسدة و النظام بأكمله قد فسد ولا بد من أستئصاله وتغيره..
.......................
بعض من شباب 6 ابريل يقفون مع الاهالى وذهبوا الى هناك كى يساندوهم


تحية الى هؤلاء الشباب الى بجد كل واحد فيهم حر مش عبد

Nidaal

8 comments:

مصــــري said...

نضــــــــــال

تحية كبيرة علي المجهود الرائع

أما بالنسبة للبوست
قفل نفسي تماما وخاصة إنه جاء بعد أخبار أخري لا تسر ولا تبسط حد.

عموماً زي ما أنت قلت
هنستقبل دفعة جديدة من أطفال الشوراع

ثم تتساءل الحكومة من أين يأتي الأرهابيين والمتطرفين؟؟!!

تحياتي
أسامة

GiGi world said...

يارب مشكلتهم تتحل وبجد اجدع شباب فى مصر هما شباب 6 ابريل

NIDAAL .R said...

مصرى
ألف شكر و انا ما عملتش غير الواجب و انا متأكد انك لو كنت فاضى ما كنتش هتتردد لحظة فى أغاثة الناس دى و الوقوف فى وجه البلدوزرات.. من اجل الغلابة دول
ومعلش ان البوست قفل نفسك بس مافيش حاجة عادت تسر ولا تفرح ..اتخنقنا والله

تحياتى
نضال

NIDAAL .R said...

جيجى

عارفة المشكلة ان مشكلتهم لا منها محلولة ولا منها معقدة .. واحنا عارفين ان ممكن البلدوزرات تيجى فى اى وقت و البيوت الضعيفة جداً دى مش هتاخد ساعتين زمن على بعضهم .. بس احنا مظبطين تليفونات وكدة علشان لو فيه اى حاجة .

وعارفة ليه اجدع شباب ؟
لانهم مش بتوع اقوال و بس .. دول بينفذوا بالفعل وبينزلوا فى ارض الواقع و البوست الجاى هتشوفى هما نزلوا ارض الواقع ازاى ..!!!!!
تحياتى
نضال

Unknown said...

نضال انا وصلت

بص يا سيدى بقى الموضوع ده زى موضوع قلعة الكبش فى 2007 بالظبط
بس فى قلعة الكبش جابوا الامن المركزى وعملوا نصباية على الاهالى ركبوهم العربيات وفهموهم انهم هيودوهم مساكن جديدة بنوها مخصوص ليهم لكن اللى حصل انهم خدوهم الساعة 5 الفجر يفسحوهم فى الصحرا وسابوهم فى الصحرا فى عز البرد ومشيوا وطبعا عقبال ماخدوهم يفسحوهم والاهالى رجعوا كانت العشش اتزالت كلها السؤال بقى يكون ايه مصير ابورجيلة هيكون زى مصير قلعة الكبش ولا ايه النظام

اى خدمة ياريس

بنت الصالحين said...

ان الجيش مثل القطار من يقف امامه يفرمه تحته و هذا ايضاً حسبما افاد احد الشهود


ايه ده؟!!!!!!!!!!!!!!!!!!!!!

انا عايزة افهم ايه ده

هواحنا فين بالظبط




وبعدين ايه اللي قالو الاستاذ هيثم الدهشان ده

احنا فين هنا؟؟؟؟؟؟؟؟؟؟؟؟؟؟؟؟؟

NIDAAL .R said...

هيثم الدهشان
ازيك الاول يا ابو دهشان
بص يا حج احنا فى دولة بلطجة و ديكتاتورية و عدم مراعاة لاى حقوق
احنا مش عارفين نعيش علشان احنا مش بلطجية .. أحنا مش حرامية .. ولا يمكن علشان احنا اتربينا على اننا ما نبصش لحاجة مش من حقنا

NIDAAL .R said...

عاشقة الفردوس

هههههههههه ... لا املك غير الضحك لانهم لسة ماخدوش بالهم انى املكه
مستغربة ليه .. ده عادى خالص انه يقولهم الكلمة دى .. يعنى لو عارضتم الازالة او اى قرار هتموتوا من الاخر كدة و على فكرة انا علشان اتاكد من الكلمة دى قبل ما انشرها سألت تمانية من التسعة الى كانوا معتقلين و كلهم قالوا نفس الكلمة
اما عن كلام هيثم فده صحيح تماماً وده فعلاً الى حصل فى قلعة الكبش بيفسحوهم شوية
شوفتى الحكومة عندنا حلوة ازاى
مش زى عندكوا سايباكوا قاعدين فى البيوت ما بتفسحكوش
ههههههههههههههههههههههههه
والله لا املك غيرها ولم اعد اهتم .. مهى خربت ... خربت