المحتجزين فى العريش الى اين ؟

موضوع الناس المحتجزيين فى الترحيلات فى قسم العريش فى ناس كثير قوى ما تعرف عنه شىء ناس بتمرض و ناس بتعفن (سورى) بس ما فيش تعبير غير ده و ناس بتضرب عن الطعام و حاجات كثير تانية و ما فى حدا عارف عن الموضوع شىء و المشكلة انهم مش حرامية ولا قتلة ولا سرقوا 2 مليون و هربوا و اتقبض عليهم وبينفذوا حكم لا .. ده كل تهمتهم انهم فلسطينيين ممكن تضحك معايا شوية...معلش تعالى على نفسك واضحك فى الوقت الى اليهودى بيتعامل على ارض مصر احسن معاملة ...لا وايه كمان ده بتبقى فى عربيات من الشرطة ماشية ورا الاتوبيس الى فيه الفوج الاسرائيلى او الامريكى يحتجز الفلسطينى فى مصر الى هية ارضه اساساً و حقوقه فيها مساوية لحقوقنا بتهمة ان وطنه فلسطين وان هو فلسطينى و دى صور تؤكد ان فيه ناس فى سجن الترحيلات بقسم ثانى العريش .. كتبوا ورق واستلمناه منهم بطريقة ما يوضحون موقفهم بانهم يوجد ثمانية اشخاص منهم مضربين عن الطعام واذا ماتوا يحملون مسؤلية موتهم كاملة للمسؤلين عن احتجازهم بدون اى مبرر او تهمة واضحة و طبعاً الصور بالنسبة لهم كانت صعبة...لان التليفون او الكاميرات ممنوع بداخل القسم لكن مش هقدر اوعدكم بالصور...من داخل القسم لكنى سأحاول و الله الموفق و كان هذا فى سياق لما قامت به مجموعة النشطاء(نشطاء النت) المتابعيين الوحيدون لهذه المأساة الى ما فى حدا عارف عنها شى و العملية ماشية من تحت لتحت و ممكن يتسلموا لاسرائيل و ما نعرف عنهم شى و هذه بعض الصور من الاقرارات من داخل زنزانة قسم ثانى العريش بخط يد المحتجزيين...... نقطة اخيرة مهمة ..اننا تلقينا تهديد بانه لو تم نشر اى شىء عن الموضوع فسوف يوزع هؤلاء المحتجزين فى معسكرات الامن الى هكلمكوا عليهم كمان شوية

هذا هو الاقرار بالاضراب المفتوح عن الطعام لحين الافراج عنهم

وهذا نداء مباشر الى قناة الجزيرة لنشر مأساتهم
نداء اخر الى الجزيرة و صلاح العلاقمى و هانى الجبور
كشف باسماء المحتجزين فى قسم ثانى العريش

و باذن الله هنتابع اول باول و لن يضيع حق فلسطينى واحد او يغرق وسط فيضان العنصرية و الظلم و الجبروت