أحتراق حزب الغد و أعتقال ما يزيد عن 22 ناشطاً و 6 اصابات

أشتعلت النيران اليوم بمقر حزب الغد بعدما قام مجموعة من انصار "موسى" بمهاجمة مقر الحزب الكائن بميدان طلعت حرب بزجاجات المولوتوف المشتعلة و الاعتداء على جميلة اسماعيل و أنصارها و قالت جميلة أسماعيل أن الخسائر تقدر بما يزيد عن المليون و نصف كما أحترق "جروبى" الكائن تحت مقر الحزب و قامت قوات الامن بأعتقال ما يزيد عن الـ22 شخصاً من شباب 6 أبريل و شباب حزب الغد

أندلعت النيران فى الحزب بعدما أقتحم أنصار " موسى" مقر الحزب وبعد دخولهم شوهدت ألسنة اللهب تخرج من نوافذ الحزب

"معلش بقى لفوا دماغكم وانتوا بتتفرجوا سجلت وضع الكاميراغلط "

و من الغريب أن ميدان طلعت حرب فى ألايام الغير متوترة يعج بقوات ألامن بينما اليوم خاصة بدا و كأن قوات ألامن فى أجازة ولم يكن لهم أى نشاط فى منع البلطجية من أقتحام الحزب و كان _بحسب شهادة شهود الواقعة _ يقوم البلطجية بقطع خراطيم المياه الخاصة بقوات الاطفاء ويعتدون عليهم عند رفضهم وكل ذلك تحت نظر ألامن .
و أعذرونى لغاية كدة علشان الواحد على اخره من الحكومة دى و الى بتعمله .
وخلوا بالكم
شباب من 6 أبريل محتجزيين بدون أى تهمة لا نظموا مظاهرة ولا أى بتنجانات خالص
ومعاهم 14 من الغد
يارب يا مسهل .. و أنتظروا بيان شباب 6 ابريل على المدونة

NIDAAL

نهى رشدى _أظهرت أنانية الشعب المصرى

أثارت فى الفترة الاخيرة المحامية "نجلاء ألامام" عدة نقاط مثيرة ضد موكلتها "نهى رشدى"صاحبة أول قضية تحرش
جنسى فى مصر من الممكن عند أثباتها بألادلة أن تغير مسار القضية "المتفبركة"حسبما قالت "نجلاء"محامية "نهى" فقد صرحت نجلاء بأن قضية نهى متفبركة وهناك أحداث أثبتت ولم تقع وصرحت أيضاً بأنها تستند الى عدة مستندات تدين نهى وتعرضها للمحاكمة و السجن و الغرامة بينما قامت "نهى"بنفى تصريحات تلك المحامية على الفضائيات وفى الصحف .
ده كله مش جديد .. والجميع يعلم ذلك ولكن الجديد هو أكتشاف الجديد من خلال تلك القضية وعدة تساؤولات
فقد أثبتت تلك القضية و تضامن الفتيات العارم مع نهى فوضوية ألانانية المفرطة التى يتمتع بها الشعب المصرى
فعلى صفحات الفيس بوك تشتعل حرب ساخنة جداً ضد المعاديين لنهى وضد كل من يفكر فى ان يتخذ موقفاً معادياً من نهى رشدى
بعدما صرحت المحامية بأن نهى تحمل الجنسية الاسرائيلية و نفت نهى قائلة انها من عرب 48 , الحرب التى أشتعلت على صفحات الفيس بوك لم نجدها تشتعل حينما دنس اليهود المسجد الاقصى المبارك و لم نجدها تشتعل حينما أحتلت القوات الامريكية العراق و لم نجدها تشتعل حينما كان الصرب يذبحون فى المسلمون بالشيشان ولم نرى لها شرارة حينما قامت مصر بأغلاق معبر رفح لأحكام الحصار على الفلسطينين و أن أفترضتنا كما يقول البعض انه شأن خارجى لا يجب التدخل فيه وهذا خطأ .. (نخلينا فى الداخلى) عندما قام التليفزيون الصهيونى بعرض فيلم "روح شاكيد" الذى يعترف فيه كبار القادة و منهم "بن أليعازر" و "ليبرمان" بقتل الاسرى المصريون و الاستمتاع بذلك ووصفهم لمشهد الدبابات وهى تدهس أجساد الاسرى بأنه لا يوجد أروع من ذلك الاحساس لم يثور أى شخص و أن ثار يثور بداخله
يوم ولا أتنين وبعدين يهدى و الى راح راح حتى الصحف المستقلة بتهتم بالبروبجندا بتاعت الحدث وبعد كدة بتنام و بتنسى او بتتناسى
البنات ما فكروش يثوروا ألا لما الموضوع كان خاص بهم مع أن اكيد فى عيلة كل واحد فينا شهيد و الشباب ( المعظم) مش بيقرا جرائد ولا متابع مواقع أخبارية .
عرفتوا أن الشعب المصرى عدا القليل جداً فيه بيتمتع بالانانية المفرطة
وبقولها تانى للمرة الى مش الاولى " مبروك لوسائل الاعلام الصهيونية سواء خاضعة لأسرائيل او للأنظمة العربية التى يسيطر عليها الصهاينة كلياً .. مبروك لنجاحكم فى تغييب عقول الشباب و الكبار حتى فلم يعد أحد يهتم لا لفلسطين ولا للعراق ولا لأى كائن كان
ماشيين بمثل " انا عايش ..يبقى الكل فى داهية " ومالهومش دعوة بالدنيا
......
بالنسبة لرأيى فى القضية
لو طلعت أسرائيلية _أسرائيلية .. يعنى مش من عرب 48 يبقى تغور فى داهية ومالهاش حقوق عندنا
لما يعوضونا عن ألاسرى بتوعنا الاول عن طريق أعدام المسؤولين ولما يخرجوا من فلسطين ساعتها ممكن يبقى فيه كلام لكن غير كدة مالهاش حقوق عندنا
و المسألة شكلها تجارة .. مرة فى فرنسا أتهمت ظابط فرنسى بالتحرش بيها و حصلت على تعويض وجاية هنا تتهم سائق
يا أما تجارة يا أما مرض شهرة .. و أعتقد انه مادام ان التحرش حصل فى فرنسا وبعدين فى مصر يبقى أحتمال كبير يكون العيب منها هيا مش من الرجالة .. و برده يعنى أحنا مش مصنوعين من حديد مهو لما أشوف واحدة حلوة ولابسة مش لابسة يبقى ماعنديش دم لو ما أتحرشتش بيها ..او مبقاش بنى آدم أساساً .. و الى عايز يقول دى حرية شخصية تلبس زى ما هي عايزة ..اوك ..ده يوم المنى
هى حرة تلبس زى ما هى عايزة و انا حر أعاكس و اتحرش زى ما انا عايز .. وكل واحد أدرى بحريييته بقى
الحرية ليها حدود وفيه حاجات مافيهاش حرية ولكن فيها أصول وقواعد يجب أتباعها سواء حبيت ولا لا
وبس
Nidaal

عااااااااااااااااااااااااااااجل

أعتقال ما يزيد عن الخمسين ناشط لاجهاض القافلة
........................

اعتقال ما يزيد عن الخمسين ناشط قبيل أنطلاق قافلة غزة بأيام وذلك لاجهاض القافلة بينما نجح بعض من النشطاء فى الاختباء بداخل اماكن مجهولة وذلك تجنباً للاعتقال الذى بدأته مباحث أمن الدولة منذ خمسة أيام .. وترددت انباء غير مؤكدة عن ألغاء القافلة مقابل أطلاق سراح المعتقلين بدون ادنى ذنب

قافلة غزة الكبرى أقتربت _ 2 / 11

قافلة سابقة منعت عن بوابات الاسماعيلية

أعلن الدكتور مجدى حسن نائب الشعب عن أستمرار تدشين القوافل المصرية المتجهة

الى غزة سعياً وراء فك الحصار عن أخواننا فى القطاع كما أعلن عن انطلاق قافلة جديدة فى الثانى من نوفمبر المقبل
ودعا "حسن"الى مشاركة كل من لازالوا يشعروا بأن هناك أخ لهم يحتاج الى الغوث
وتأتى تلك القافلة بعد منع قافلتين سابقتين من الوصول الى رفح المصرية و منع الثالثة من التحرك من امام نقابة الصحفيين .. الامر الذى أثار غضب المتضامنين

فهل سوف نستجيب هذه المرة لاغاثة أخواننا وفك سجنهم
هل نستطيع تلك المرة ان نقول للحكومة المصرية انها لن تمنعنا من حرية التجوال فى اراضينا حتى اخر شبر منها ..
اراضينا التى يدخلها اليهودى بدون حتى سؤاله عن هويته بينما نحن أصحاب الارض "بنتفتش و بيكشفوا على البطاقات وبيطلع عنينا علشان ندخل حتة زى شرم الشيخ مثلاً اما بالنسبة لطابا فالامر مختلف فالمنطقة دى مابنعرفش ندخلها أساساً لا ببطاقات ولا حتى ببسبووور .
أتمنى ان نحتشد جميعاً فى يوم الثانى من نوفمبر المقبل بنية تحرير الفلسطينيون

الحكومة المرة الاولى سابت القافلة تروح لغاية منطقة بلوظة ورجعوهم وده لان كان عددهم صغير فسابوهم يجتازوا كل تلك المسافة اما القافلة الثانية فالامن رجعها من عند بوابات الاسماعيلية لان عددهم كان ما يقارب الخمسمائة فرد ... فى القافلة الثالثة العدد ده واكثر شوية كان مشارك فالامن ماخلهمش يتحركوا من مكانهم .. هاا شايفين ايه؟.
ياريت كل الى يقدر يشارك يشارك ومش علشان فلسطين بس لا .. ده علشان ارضنا الى مش عارفين ندخلها أساساً و اليهود محتلينها اينعم مش بالسلاح ولكن بالاوامر و بالاجساد العارية

NIDAAL

كلنا أبراهيم عيسى _ويأما تكون صحفى حر يا أما تكون عبد

نسيت اقولكم صح ان ابراهيم عيسى صدر له عفو رئاسى امبارح الصبح .. وطبعاً من الواضح جداً السيناريو الرئاسى القذر للتلاعب بمشاعر المواطن الى مالهوش فى اى حاجة .. لانه لما يسمع خبر العفو هيقول .. شوف الريس الطيب الى قلبه كبير عفا عن الى غلط فيه "كما هو مروج أعلامياً " وبيقولوا الريس وحش .. بتوع المعارضة الى مودينا فى داهية دول ربنا يتوب علينا منهم .. القلة المندسة دول
ده الى هيتقال فى حال علم المواطن البسيط .... والريس فعلاً عرف يلعبها صح وغفل ابراهيم عيسى عن التطلع للامام و توقع السيناريو

تلك هى المقالة التى حوكم بسببها الصحفى أبراهيم عيسى و حكم عليه بالحبس شهرين و لانها الحقيقة فسوف أعيد نشرها وهناك الكثير غيرى ممن أعادوا نشرها و مهما حدث سنظل ضد تقييد حرية أبداء الاراء و سنظل دوماً بأمر الله ملتزمون بالمبادىء الصحفية النزيهة وليس كما يريدونها " صحافة متفصلة "على مقاس مصالحهم

0.0.0.0.0.0.0.0.0.0.0.

عاشقة الفردوس _ كل عام وانتى بالف خير و ممكن أعرف سبب الانقطاع الطوووويل أوى ده .. و الله انتى وناس تانين بتعطونى دفعة للامام وبتنورونى بزيارتكم دى ..ربنا يبارك فيكى وفيهم كلهم .. بس انا ليا شرط بقى ان كل الى يدخل يدعيلى ..هههههههه

...............................................

الالهه لا تمرض

الرئيس فى مصر اله والآلهة لا تمرض لهذا السبب يخفى الرئيس مبارك والمحيطون به والمنافقون له أمر مرضه يتركون البلد نهشا للشائعات ونهبا للأقاويل و لا ينطقون بل يضللون الناس عن معرفة الحالة الصحية للرئيس ومبدئيا فالريس نفسه ليس مريضا مرضا خطيرا لكنه مرض سنه فضلا على أن الرئيس حتى لو أصيب بالأنفلونزا يجب أن يعرف الشعب والمشكلة أن الغرباء يعرفون البيت الأبيض لديه تفصيل شبه يومية تل أبيب تعرف وتتابع دوائر غريبة كثيرة تعرف حقائق حول مرض الرئيس أو سفره للعلاج ، بل أوروبا تستقبله للعلاج بأجهزة مخابراتها و دوائر منها ، إذن السر فقط على المصريين ، و لولا أن الرئيس ترنح مغشيا عليه أمام شاشات التليفزيون فى خطبة له منذ أعوام ، ما كان لأحد أن يعرف حالة صحة الرئيس ، و لولا انه سافر للعلاج طويلا فى ألمانيا ما قال احد عن مرضه شيئا ، فالحاصل أن دولة مبارك تريد أن تقدم الرئيس باعتباره شخصا مقدسا لا يخطئ و لا يراجعه احد و لا ينافسه شخص ، و هذه الصفات تعنى قطعا انه لا يمكن أن يمرض ، بل و لا يفكر أحد أنه يمكن أن يموت مثلما يموت البشر !!ءلكن الأمر يتجاوز فكرة مرض الرئيس إلى حاضر و مستقبل البلد ، فالمؤكد أن عائلة الرئيس و السيدة سوزان مبارك تحديدا كما يعلم الكافة حدانا و فى الخارج تضغط بقوة منذ فترة كى يتنحى الرئيس عن الحكم و ينقل الرئاسة على عينه و فى حياته إلى جمال مبارك ، و الرئيس هو الشخص الوحيد فى العائلة الذى يقاوم هذه الخطوة سواء لتمسكه بالبقاء فى السلطة دون الخروج عنها إلا بقرار قدرى ، أو قلقا من استفزاز الشعب المصرى و جنرالات لهم أولوية كبرى لدى مبارك ، بل و يخشى الرئيس على حياة نجله متى صمم على نقل السلطة إليه ،لكن مع ظروف مرض الرئيس و داخل بيت تحكمه عواطف الأبوة النبيلة و مشاعر الوفاء لزوجة هى رفيقة عمر و شريكة كفاح قد يضعف قلب الأب ، و يتغلب على عقل الرئيس ، و هو ما يعنى أن مستقبل مصر مرهون فعلا بقرارات عاطفية يتخذها رئيس فى لحظة مرض ، ثم إن مرض الرئيس يعنى غيابا مؤقتا عن الإمساك بكل الخيوط ، الأمر الذى يوفر فرصة لجهات و أسماء من قصر الرئاسة أو من خارجه كى تمد يدها لتفعل ما تريد ،بل لعل حملات القبض على الإخوان و الاستنفار الأمنى الخشن ضد الصحف الخاصة و التعجيل بانتخابات الحزب الوطنى و دفع أسماء موالية لجمال مبارك و أحمد عز ضد رجال صفوت الشريف و كمال الشاذلى كلها خطوات يلعب بها النجل لصالح الضغط على أعصاب أطراف داخل الدولة كى ينقل وجوده فى الرئاسة إلى شأن مفروغ منه ، بل لعل شائعات صحة و مرض الرئيس و هذا التدافع المتتالى لها سببه رغبة النجل فى فرض أمر واقع ليقع على رءوس الجميع دون أن يتصور أحدهم أن بامكانه أن يرفضه ، فما بالك بأن يرده ،يبقى أن الرئيس مبارك - حسب مصادر طبية - مريض فعلا بقصور فى الدورة الدموية مما يقلل نسبة و كمية وصول الدم إلى أوعية المخ الدموية فى لحظات تسفر عن إغماءات طبيعية تستغرق بين ثوان و دقائق ، و هو ما يفسر ( إن صح ) الشائعة ( إن صحت ) التى تتحدث عن رؤية الرئيس و هو يترنح أو يهتز ذات مرة أثناء قيامه بزيارة لمؤسسة رسمية ،و سأترك لك حرية الاتصال بطبيبك الخاص أو بطبيب قريبك أو جارك لتعرف بنفسك آثار قصور الدورة الدموية على رجل فى سن الرئيس ، و ما ينتج عن ذلك من أمور ، لكن المؤكد أن هذا المرض ليس من الأمراض العضال ، و يمكن أن يحيا به المرء سنوات طويلة ، لكن السؤال ألا يؤثر هذا على بلد و دولة !!ءألا يستدعى هذا من الرئيس أن يرتاح . جمال مبارك رأيه كده ، أن يرتاح الرئيس و يترك له الرئاسة .. أما دوائر أخرى فى البلد فهى متوترة جدا و تخشى الصمت، و لكنها تخاف التحرك ، و أجهزة أخرى تريد من الجميع أن يخرس و يسكت و يلم نفسه ، و هى تلم بعضنا بالسجن أو التهديد .. و أخشى ما أخشاه أن يتحول مرض الرئيس إلى فرصة كبيرة تمرض مصر أكثر مما هى فيه من مرض ، يتقاعد عن الحركة و يصيبها كما نرى بقرح فراش تشوهها و تشيلها

............................

كلنا أبراهيم عيسى .. وفيه وقفة أحتجاجية بكرة الساعة 12.00 عند نقابة الصحفيين ضد حبس الصحفيين ياريت كلنا نحضرها سواء صحفيين او ناس عاديين لان الصحفى بيتحبس علشان بيجيب حقوق المواطن وبينشر أسرار سرقات ونهب و أختلاس لكبار رجال الدولة أذن هى دائرة مغلقة يجب أتباعها وذلك ان كان هناك نصف وعى .. وبالفعل أن كانت الظروف الاقتصادية و قمع الحريات الموجودة فى مصر حالياً فى أى دولة أخرى لكانت كفيلة بقيام عدة ثورات وليست ثورة واحدة .. بس للاسف "يلا نفسى" مسيطرة على الشعب المصرى

NIDAAL

أخيراً أتحقق الحلم _أول مواضيعى فى جريدة البديل

أول موضوع يتنشر ليا فى جريدة البديل

وصفحة اولى كمان .. و لله الحمد ...بينافس على المركز الاول فى الموضوعات ألاكثر قراءة على موقع البديل الالكترونى

ووصل عدد القراء الى 2111 قارئ و دلوقتى حالاً 2141 ... دعواتكم بقى

http://www.elbadeel.net/index.php?option=com_content&task=view&id=32021&Itemid=138

وطبعاً الى هيقرا هيعرف ان ده مش اسلوبى خالص لان زى ما انتم عارفين الديسك مان أكل الموضوع

تخيلوا ان الحتة الصغنتوتة الى انتم شايفنها دى أختصار لصفحتين فلوسكاب

اه و الله .. بس الحمد لله انه نزل و نزل صفحة اولى كمان الف حمد وشكر ليك يارب

أنا بكره حماااااااااااااااس

أنا بكره حماس

حماس بسياستها الدموية التى ظهرت مؤخراً و مبدأ الافتراء التى أتخذته منهجاً لها أصبحت الان عارية تماماً من أى

تأييد كانت قد كسبته أثناء معركتها مع فتح و أن كنا نؤمن بشرعية حماس كحكومة منتخبة و أقرارنا بحقها المغتصب من قبل حركة فتح

ولكنها وللاسف كما قال أحد الرجال الاسرائيليون " حماس لا تحتاج لأن يشوهها احد لأنها تقوم بذلك العمل على أكمل وجه " هكذا قال ذاك

فبالتالى أنفض من حولها جميع مؤيديها من الخارج او الداخل .

و بالفعل لقد أساءت حماس أستغلال قوتها المتمثلة بأنصارها و أستخدمتها فى قتل الفلسطينين أنفسهم بدلاً من الخروج لقتال الصهاينة

فقد قامت حماس فى اليومين الماضيين بقتل 12 فرد من أسرة واحدة تسمى "دغمش" فى نهار رمضان

بدعوى انهم بلطجية و تجار مخدرات و بالرغم من أفادة أحد شهود العيان أن هناك من كان بمقدورهم القبض عليه و حبسه و معاقبته و تركهم لمصاب يصارع الموت حتى قضى عليه عمداً ومثبت بالفيديوهات الى مش هعرضها لانها بشعة بكل ما تحتويه الكلمة من معنى

ولكنهم فضلوا ان تخترق رصاصاتهم واحدة تلو الاخرى أجساد أخوانهم .. تلك هى حماس التى ندعمها

تلك هى حماس .. من أساءت للقضية الفلسطينية ككل

تلك هى حماس .. من أفتعلت عدة أخطاء فجعلت العالم كله يقف ضدها بعد ان كان منقسم بين مؤيد ومعارض

تلك هى حماس .. التى كرهتها

فى بداية الامر وعند وقوع أى حادث تسببت به حماس كنت أحدث نفسى قائلاً .. " فترة و هتعدى ..و أى حاجة فى الاول بتبقى كدة " وكنت بقول كدة مش لانى مؤيد لحماس ( انا لا متحيز لا لحماس ولا لفتح ) و لكن كنت حاسس فعلاً انهم أتسرقوا و اتخدعوا فى الانتخابات

بالرغم من أنى غير مؤيد لدخول حماس بالعملية السياسية اساساً لانها حركة مقاومة مش حركة سياسية

يعنى من الاخر ما بيفهاموش فى السياسة ودى حقيقة ولكن وبعد تكرار الاخطاء و المذابح أصبح لدى يقين بأنهم متعطشون لدماء الفلسطينيون أكثر من الصهاينة و يفكرون بطريقة أكثر غباء من بوش ذات نفسه و بعد الحادث الاخير أصبحت كارهاً لحماس

ولكل من يقول كلمة حماس ..

حماس .. دمرت كل ما أنشأته خلال الرحلة النضالية الطويلة لكبار المقاومين و المناضلين

حماس .. أهدرت دم الشهداء

حماس .. قتلت القضية الفلسطينية بكل معانيها النضالية و الانسانية و الحقوقية

فهل ذلك هو تنفيذاً للسيناريو الذى قام بوضعه جهاز الموساد الاسرائيلى وتم نشره فى عام 2001 بعنوان
"ماذا لو أختفى عرفات"
الذى جاء فيه و بأختصار شديد
" أنه وعند موت عرفات سوف يحدث أنقسام داخلى ينتج عنه صراعات داخلية مسلحة و أنقسام وعدم توحد بين الفلسطينين مما من شأنه أضعاف الدعم و المساندة العالمية للقضية الفلسطينية و بالتالى تصبح فلسطين وحيدة "

ذلك ما جاء فى التقرير الموسادى وذلك أيضاً ما نلاحظه اليوم من ضعف الدعم للقضية من العرب أنفسهم قبل الغربيين وكنت قد كتبت من قبل عن تلك القضية

فحماس .. تريد دعم و مساندة ...لمن يا حماس .. ندعم سفك الدماء أم ألافتراء على العباد أم الظلم الذى أستشرى فى جسدك

ولن يذهب ألا عندما تتطهر الحركة من قوادها قبل عناصرها الفاشلين فى أدراة كل شىء ..كل شىء

سواء الامور السياسية او الاجتماعية الداخلية ... الى آخره

وحقاً حقاً ... أنا بكره حماس و يجب أن تتراجع عن العملية السياسية كلها

على الاقل فتح ما كانتش بتقتل الفلسطينين .. كان فيها ظلم أيوة و أختلاس كتير بس ما كنتش بتسفك دماء ولا بتفترى على حد

أذلك هو أسلامكم يا حماس ... أن كان كذلك فلكم أسلامكم و ليا أسلامى
أذلك ما يقوله دينكم .. أذاً فديننا غير دينكم يا سفاحى فلسطين
أياديكم ملوثة بدماء فلسطين .. يا كارهى فلسطين يا عناصر حماس

تخيلوا بقى لما ييجى واحد من الى بقعد أتجادل معاهم , اقولهم لازم ندعم فلسطين ويقولولى مصر أولى .. أقولهم ايه بقى لما أقابلهم ويقولولى مصر أولى .. ولا يقولوا انت هتدعم الناس الى بيموتوا فى بعض هتدعمهم علشان يموتوا فى بعض ولا هتدعم مين

طبعاً وبدون تردد هحط وشى فى الارض ومش هقدر أرد عليهم ولا أرفع عينى فيهم

لقد قتلتينى يا حمااااااااااااااااااااااااااااااااااااااس

وماليش نفس أوقع كمان .. أها

قافلة غزة المصرية و أحداث المنع

انطلقت أول أمس القافلة الشعبية المصرية لفك الحصار عن غزة من القاهرة وتحديداً من امام نقابة الصحفيين الساعة السابعة صباحاً متوجهة الى غزة و تضم أكثر من 200 مائتى ناشط على رأسهم د\ كريمة الحفناوى عن حركة كفاية و د / يحيى القزاز و د / مجدى قرقر و أ / مجدى حسين أمين عام حزب العمل كما قامت أجهزة ألامن بمنع عدة وفود من دمياط و الغربية والاسكندرية من قبل ان تتحرك و أجهاض أى عملية أنطلاق أخرى للوفود و تم منع القافلة التى أنطلقت من امام نقابة الصحفيين من أستكمال رحلتها وذلك ببوابة الرسوم الخاصة بطريق مصر الاسماعيلية الصحراوى الواقعة بالكيلو 54 تقريباً , وقامت الاجهزة الامنية بسحب رخص سائقى الاوتوبيسات بدون أبداء اسباب و بدون أن يرتكبون أى مخالفات وتهديدهم بالحبس عند التحرك خطوة واحدة للامام فنزل أفراد القافلة من الشباب و الكبار و الفتيات و قاموا بمحاولة الضغط على الامن بالنوم على الاسفلت بعرض الطريق مما أدى الى توقف الحالة المرورية تماماً ولكن ألامن كما نعرفه جيداً قام بتجاهل كل ذلك و قابل ذلك بوجه كله مشاعر باردة مستفزة ولوجود حالات حرجة وعربات أسعاف بالطريق قام الناشطون بفتح الطريق أمام السيارات و قضى الناشطون نهارهم ما بين الوقفات الاحتجاجية و محاولة أسترجاع الرخص والمحاولة الاكبر هى أخراج السائقين من خوفهم بعد توجيه ظباط أمن الدولة تهديدات لهم بحبسهم اذ ما تحركوا خطوة واحدة للامام ولكن كل المحاولات بائت بالفشل و أنطلقت قافلة اخرى من القاهرة وتحديداً من أمام نقابة الاطباء وتضم 250 ناشطاً من بينهم 10 قضاة و 15 من نواب مجلس الشعب و على رأس تلك القافلة المستشار / محمود الخضيرى نائب رئيس محكمة النقض و رئيس تلك القافلة وبينما جاء على راس نواب الشعب النائب/ مجدى حسن و سعد عبود ومحمد البلتاجى و أكرم الشاعر


أول ألاحداث مشادات مع الامن لاسترجاع رخص القيادة

جانب من النشطاء يقفون بعرض الطريق رافعين الاعلام الفلسطينية و المصرية

وقد وصلت القافلة الى بوابات الاسماعيلية مكان احتجاز الاوتوبيسات الاخرى وقت أذآن المغرب و أنضمت القافلتين الى بعضهما البعض و قاموا بعمل تظاهرات بدون غلق الطريق وقام أحد ظباط أمن الدولة بخطف أحد الموبايلات من زميلة بحركة شباب 6 أبريل بعدما قامت بتصويره وهو يتعامل بالقوة مع أحد المتظاهرين الناشطين فقام بخطف الموبايل ولكن تمت أستعادة الموبايل مرة أخرى وبدون أن يمسح ذلك الفيديو " وانا عن نفسى لسة من يومين أمن الدولة سارقين الكاميرا بتاعتى ..عارفين ليه ؟ لانهم مش أكثر من شلة حرامية وبلطجية ووالله جهاز أمن الدولة هو الحاجة الاساسية الى هتسقط الدولة وهو الخطر الحقيقى على مصر .. حسبى الله ونعم الوكيل فى الى خد الكاميرا " حياتى و شغلى وكل حاجة منهم لله الظلمة "
وحتى الساعة الثانية صباح اليوم الثانى أستكملت القوافل تظاهراتها و قد قرر بعض الناشطين فى القافلة الاولى الذهاب الى رفح فرادا عن طريق الميكروباصات و عربات البيجو المتجهة الى العريش وقد نجح البعض منهم بالفعل و عاد البعض الاخر

ممكن بقى أقول رأيى فى الليلة دى
0.0.0.0.0.0.0.0.0.0.0.0.0
الرحلة كشفت عن حاجات كتير حلوة اوى و لكن دايماً حاجتنا الحلوة دائماً لازم يعكر صفوها اى حاجة
الى عكر الصفو المرة دى هو عدم وجود قيادة بمعنى الكلمة مع أحترامى لقافلة الصباح بكل القيادات المتواجدون بها ولكن بالفعل لم يكن هناك اى قيادة فشوية و تلاقى حد بيقول أقفل الطريق ويادوب نقفل الطريق نلاقى الى بيقول أفتح الطريق و كانت هناك انقسامات فى الاراء فشوية بيقولوا احنا مش هنقفل الطريق لكن هنوزع بيانات على العربيات الى معدية و شوية تانين يقولوا لا .. احنا نقفل 10 دقايق و نفتح 10 دقايق " ده تهريج طبعأً " و شوية يقولوا أحنا نقفل الطريق نهائياً لغاية ما يجيبوا الرخص المسحوبة علشان نمشى و شوية يقولوا أحنا نتظاهر و أحنا ماشيين على الطريق بأتجاه مدينة الاسماعيلية و الاوتوبيس يمشى ورانا ببطء كان فيه بجد ما لا يقل عن حوالى 25 رأى و الغريبة بقى الى فى الموضوع أن ولا رأى منهم أتفقوا عليه ونفذوه مجتمعين .. الى حصل أن كل واحد او مجموعة عمل الى هو عايزه .
بالنسبة ليا بقى انا مؤيد لانهوا رأيى :
انا مؤيد لغلق الطريق و أيقافه تماماً لمدة ساعة ...أتنين ..عشرة >> لغاية ما تيجى الرخص و يسمح لنا بالمرور لان دى حكومة مش بتحس أبداً ألا بالقوة و أحنا و الله أقوياء بس عايزيين فكر شوية متقدم و أعلى من كدة
يعنى لو أنا قائد لمجموعة ما .. و أحنا فى موقف زى ده وفى صيام و الجو حار جداً و فى وسط الصحراء وبقالنا اكثر من 5 ساعات فى الشمس و الهتاف , عمرى ما هقترح ان المجموعة تمشى حتى لو كيلو واحد لانها ببساطة هتموت منى .. يعنى هتمشى و الاوتوبيس ماشى ورانا و هيطلعوا يريحوا ..فأنا واثق ان الى هيطلع مش هينزل تانى .. فده قرار عمر ما قائد ياخده ألا فى حالات الاضطرار و الاجبار بس ومع العلم ان القافلة التانية لسة هتيجى و مستنينها يعنى فيه مجهود لسة هيبذل تانى أروح انا أموت الى معايا .. الورق الى بلعب بيه أضعف قوته الى هى مصدر قوتى !!!! أستحاااااااالة
كان فيه فوضى تنظيمية جامدة جداً و ماحدش من الاخر لاقى كبير يمشى وراه
و أنا زهقت بقى

NIDAAL

مهــــــيــس _ تخاريف ما بعد الافطار

كنت قاعد مع نفسى كدة فى البلكونة ساعة الفجر فمش عارف ليه فكرت مصر بعد 200 سنة هتكون أزاى هل هتكون زى ما هية مافيش حاجة هتتغير ألا مجرد شوية مناصب و كراسى جديدة بتتلمع وهل وانا قاعد كدة بعد 200 سنة على الانترنت من خلال الديال - آب "خط التليفون " و برده عمال بشتم فيه علشان بطىء جداً و كل شوية يفصل وساعات باخده على قد عقله و أسايسه وبعدين أدخل على الفيس بوك مافيش رسائل جديدة مهمة أخرج وادخل على الايميل بتاع الياهو وبرده مالقيش الا رسالة واحدة مهمة أدخل على البلوجر ملاقيش فيه كومنتات جديدة و اكون برده لسة بعمل أيميلات على الهوتميل و انساهم كلهم ولسة برده مخنوق لان معظم الاماكن الى بروح أشتغل فيها سياستها بتتعارض مع مبادئى سواء فى الصحافة او الاعمال الى أشتغلتها قبل ما ادخل الصحافة بجد , فهل هيفضل الحال كما هو عليه .. مش عارف بس بعد 200 سنة ممكن نشوف

هيقى فيه حاجة كدة زى توارد للخواطر بينا وبين الاجهزة فكل جهاز لن نضطر لتشغيله من خلال الكهرباء و الضغط على زر ما ولكن بمجرد تفكيرك فى تشغيله هيشتغل لوحده و بيشحن نفسه من خلال الطاقة الشمسية و مش بيشتغل و بس ..لا.. ده بيقوم بمهمته كمان من غير تدخل منك زى المكنسة و المكواة و الكمبيوتر الى هيوفر عليك تكتب العنوان الالكترونى وهيقرأ افكارك و يفتح الموقع الى فى دماغك و من غير أسلاك متوصلة بعقلك ولا حاجة

أيه التخلف ده ... انت لسة عايش فى زمن السلك و الفيشة ..أصحى يا عمنا و فوق أحنا فى زمن " الواير-لس " و البتاعة الى انت بتقول عليها الى اسمها الاسلاك دى انقرضت من زمان زى ما قريت فى كتاب للتاريخ انها كانت موجودة من قبل الحرب العالمية و لغاية ما بعد عهد رئيس كدة كان مستبد شوية -تين - تتات كان حكم مصر فترة وكانت من اوحش الفترات على الشعب المصرى سواء غنى ولا فقير ماحدش سلم منه و الشعب كان نايم وكله خايف وبيتكلم فى سره بس احنا دلوقتى بقى مافيش عندنا الحكاية دى و مبرمجين الرئيس بتاعنا بلغة السى ++ .. و الفيجوال بيسك على العدل و الحرية و برمجناه كمان على انه مايتقبلش ظغوط من اى حد و تخيل انه مش بياخد مرتب ده حتى بيشحن نفسه مش من الطاقة الشمسية بقى ..لا .. احنا الجداد يلالاه .. ده هو مكتبه فى ميدان عام كل ما حد يكون ماشى يروح ضاربه على قفاه يقوم يشحن عالطووووول وينوررر .. ده احنا حتى عاملين اعلان فى التليفزيون بيقول " كل ما تضرب أكتر فرصة رئيسك فى الشحن تكتر "و الناس عارفة انها لازم تعمل كدة علشان ده واجب وطنى مش زى عندكم قعدوا تشتموا فيه و تعارضوه و فضل برده قاعد على قلبكم أكثر من 28 سنة .. مع انى كنت بسمع عن بنت أسمها خيخة بتنظم حملات كتير للتبرع بالدم زى ما قال المؤرخ فى كتابه الى مافيش منه فى السوق دلوقتى .. بقولك ايه يا عم فكك منى و من السياسة اه ..ما توديناش فى داهية .. داهية ايه "نوض" ..!!! نوض مين ياه ؟ انت .. انت نوض مش اسمك نضال يبقى دلعك نوض .. ولاه انت شكلك من أقارب سوووز .. يااااض .. الولد المدون الى كان ايام زمان ده وكان عامل نفسه عجوز وبيقولك قال أيه .. انا عجوز وعندى 30 سنة وهو أساساً شكله ما يتعداش العشرين سنة .. وبيجرى وبيتنطط كمان المهم أسيبك انا بقى علشان يادوب ألحق اخر مترو .. طب سلام ..سلام

تزلت المحطة وأول ما فكرت اقطع تذكرة لقيت ماكينة جنبى بتقول " أتفضل " وراحت مطلعالى تذكرة طبعاً انا فرحت لانى مادفعتش فلوس و قولت أهو من الضرايب الى دفعناها زمان وروحت أركب المترو وياريتنى ما ركبت لاقيت نفسى محاصر من جرس أنذار وعساكر آليين قولت الله هو فيه ايه ولا تكونش عربية السيدات وانا مش واخد بالى المهم جرجرونى على الارض على طريقة " مادونا" فى اغنية

" die another day "

و أتعملى محضر كل الى خدوه فيه العنوان و الاسم ولا طلبوا غرامة ولا بتاع و سألتهم هو انتوا بتعملوا محضر ليه أساساً .. أتفاجئت انى علشان ركبت من باب النزول مش من باب الصعود و انا أقول الناس عمالة بتبصلى بصة مش مظبوطة .. فركبت المترو تانى بس من ابواب الصعود بقى شوفت الموظفين عمالين بيعملوا بأيديهم حركة زى كانك بتقلب فى الجورنال بالظبط بس مافيش حاجة فى أيديهم فقولت اقرب يمكن أعرف فأكتشفت انها الجريدة العادية خالص عبارة عن شاشة شفافة جداً و رفيعة جداً جداً امامهم و بيتعرض فيها اخر الاخبار على هيئة صفحات جريدة و بعد ما يخلصوا يروحوا مطبقين الشاشة دى الى هية الجريدة يعنى و يروحوا نازلين وحظى كان كويس جداً لدرجة انى لقيت كرسى فاضى و فيه شوية شباب واقفين ماقعدوش فقولت اقعد انا فلما جيت أنزل لاقيت واحد فيهم بيقولى محتاج أى مساعدة .. انت ايه الى بتشتكى منه رجلك فيها حاجة ولا ايه !!! انت بتفووول عليا ليه يا عم انا سليم وعشرة على عشرة قالى انت مش كنت قاعد على الكرسى ده فقولتله ايوة قالى طب مهو ده بتاع الحالات الخاصة بس و الناس العجوزة قولت فى نفسى كدة ... أااه شكل الصفارة بتاعت الانذار هتضرب تااانى ولسة ما كملتش الكلمة لاقيت الصفارة ضربت و المترو وقف وفتح الابواب بعد ماكان دخل المحطة طبعاً فجريت وجريت وجريت لاقيت نفسى فى سوق الجمعة و البياعين بينادوا ويقولوا " قرب و أشترى قبل البورصة ما تفترى " فقولت فى نفسى حتى البورصة البياعين دخلوها فى كلامهم .. هو التخلف هيفضل ورانا ورانا . وواحد تانى بيقولك

" ايوةة .. ايوةة .. قشطة يا مان ربنا يعمر بيت البورصة"

و لكن فى نفس الوقت بياع جنبه بيقول

" ابوووس أيدك أرفعى السعر ده انا لسة بستفتح .. الله يخرب بيت البورصة "

و بصيت على الفاكهة عاملة كام فوجدت ان لوحات الاسعار مش زى ما انا عارفها ورقية ..لالا .. دى الكترونية و بتتغير كل 8 دقايق لانها متصلة بالبورصة عن طريق القمر الصناعى ولما حاجة سعرها بيزيد بتزيد معاه وهكذا .. وأكتشفت ان انا الى متخلف ومتأخر عن البياعين دول لما شوفت البياع الى بيقول

" يا ناس يا لوكال يا شعبيين سيبكم من الخضرية

التانين " و

come baby come ..come baby come .

كما قال " هيثم دبوووور" الحائز على جائزة أفضل ممثل فى المئوية الالكترونية

ولما روحت البيت لاقيت فاتورة ماعرفتش أجيب أخرها و بعد ما كنت فرحان اوى انى مادفعتش الغرامة فى المترو و انى ما دفعتش حق التذكرة لقيت فاتورة جاية بكل ده مع صورة المحضر و صورتى وانا بقطع التذكرة ... يلا أدينا أخيراً وصلنا للفيزا حلم العمر .. بس انا نفسى فى موتوسيكل ريــس بقى .. ده يجى على الفيزا برده يا باشا ؟

NIDAAL

عاااااااااااجل_ القران ملحن و مرتل على اليوتيوب

تحديث

اليو آر أل صحيح بس كان فيه مسافة بين الدوت و الكوم
حاولوا تانى ولو فيه اى مشكلة يبقى امامك حل من دول
يا أما تكتب اليو آر أل بنفسك فى البراوسر

يا أما تعمل بحث فى اليوتيوب بكلمة
" القران ملحن ومرتل "
أختارلك حل من السبعة دول

http://www.youtube.com/watch?v=oiO1JGg-Uzs

............

عاااااااااااجل :

رسالة وصلتنى على الايميل الخاص بى و ارجو التفاعل معها و القيام بما يتوجب على ..

مش هقول كل مسلم

كل واحد شايف انه ضد اهانة اى دين بغض النظر عن هل هو من اتباعه ولا لا

كل واحد شايف انه ضد العنصرية فى جميع اشكالها و أتجاهاتها

كل واحد بيقول اننا شعب واحد سواء مسيحى او مسلم .. مسلم او مسيحى

الرسالة محتواها _ ان فيه مقطع فيديو على اليوتيوب للقران ملحن ومرتل

و يقوم بعض الاشخاص بغنائه على نغمات العود وذلك من المفترض ان يثير حفيظة المسلمين و المسيحين

لاننا شعب واحد على ارض واحدة و كما يوجد مغرض يهيننى اليوم فسوف يتواجد فى اليوم التالى فى دارك

و أطالب كل من يقرأ ذلك البوست بالدخول على اليوتيوب و يقوم بطلب ألغائه

عن طريق الاتى _ كما جاء فى نص الرسالة على الايميل الخاص بى :

اختر Flag

ثم تجد جمله وهي

- Select a Reason -

وعند الضغط عليها سوف تجد مجموعه من الخيارات اختر الخيار التالي:

Hateful or abusive *******s

سوف يظهر لك خيارين اختر الخيار التالي::

Promotes hatred or violence

بعد ذلك سوف يظهر لك الكلام التالي ::

Per our Community Guidelines, we don't permit hate speech (speech which attacks or demeans a protected group based on race or ethnic origin, religion, disability, gender, age, veteran status, and sexual orientation/ gender identity). Please indicate the group attacked. --- age color disability ethnic origin gender identity national origin race religion sex sexual orientation veteran status Please also provide any additional information which you think could help us verify the issue as quickly as possible.

ويعني بأن الموقع يحظر أي إسائة من أي نوع كان وذكر منها الإسائه للدين وعليك باختيار كلمة

religion

ومن ثم تقوم بالضغط على المربع المكتوب فيه ::
Flag this Video

اما عن الفيديو بقى .تحديث اليو آر أل صحيح بس كان فيه مسافة بين الدوت و الكوم

حاولوا تانى ولو فيه اى مشكلة يبقى امامك حل من دول

يا أما تكتب اليو آر أل بنفسك فى البراوسر يا أما تعمل بحث فى اليوتيوب بكلمة

" القران ملحن ومرتل "

أختارلك حل من السبعة دول
http://www.youtube.com/watch?v=oiO1JGg-Uzs

. فالرابط أهو و أتمنى الايجابية و التوحد مرة واحدة

والا هيكون التدوين ولا ليه اى لازمة وتقعدوا فى بيوتكم احسن و تبيعوا الكمبيوتر الى عندكم ده

http://www.youtube. com/watch? v=oiO1JGg- Uzs

NIDAAL