شباب6 ابريل:مش خايفين من الاعتقال

من فضلك شارك فى التصويت الى على أيدك الشمال
وحاسب البلاعة المفتوحة
....

شباب6 ابريل:مش خايفين من الاعتقال

محمد جمال الدين – ولاد البلد – عشرينات -4/4/2009

قبل يومين من 6ابريل، اليوم المعهود الذي أعلنه المصريون يوما للإضراب العام، للعام الثاني على التوالي، قامت قوات الأمن بدورها- لتلحق البلاء قبل وقوعه- وذلك بالقبض على مجموعة من شباب 6 ابريل ، حيث قامت باعتقال ما يزيد عن 15 من أعضاء الحركة، صباح اليوم السبت 4 ابريل ، وذلك بعد الإعلان عن اعتصامهم أمام مجمع محاكم كفر الشيخ . جاء اعتصام الشباب في إطار الإحتجاج على اعتقال أمنية طه، وسارة رزق، الأعضاء بالحركة، ظهر الأربعاء الماضي من داخل الحرم الجامعي بجامعة كفر الشيخ، على خلفية توزيعهما لبيانات داعية للإضراب المقبل، وقد قامت نيابة كفر الشيخ اليوم، بتجديد حبسهما 15 يوماً على ذمة التحقيق..

متوقعين ومش خايفين

وحول ما يحدث من اجراءت أمنية قال أحمد ماهر، مؤسس حركة شباب 6 أبريل : " من الطبيعي جداً أن يتخذ الأمن ذلك الإجراء التصعيدي ضد الحركة، بهدف منع الإضراب، كنا متوقعين لذلك التصعيد منذ اليوم الأول للدعوة". وحول تأثير ذلك علي سير أحداث فاعليات يوم 6 أبريل، أفاد ماهرً " بالتأكيد، سوف يؤثر ذلك بصورة أو بأخرى، ولكن لن يصل إلي حد إلغاء الفاعليات المنتظرة والمعلنة ، سوف نستطيع سد الفراغ الذي خلفه المعتقلون، في حالة لم يتم الإفراج عنهم خلال الساعات القادمة" و أضاف ماهر:" نجاح الإضراب العام، أو فشله لا يتوقف على الحركة فقط أو حزب الغد الذي أعلن مشاركته بكل طاقته وإمكانياته وقوته ، بل يقع العامل الأكبر في نجاحه على المواطن العادي، وبالتالي لن يكون هناك فرق سواء اعتقلوا جميع الداعيين للإضراب أو تركوهم". وأنهى ماهر حديثه مؤكدا أن دعوة الحركة للإضراب وصلت الشارع المصري الذي يستطيع إنجاحه أو رفضه، مشيرا إلى أن الأمن لم يتعلم من الإضراب الماضي، وواصفا الإضراب القادم بالأقوى.

الخط الأحمر

وأفاد عبد الرحمن فارس، أحد شباب الحركة، قائلاً " إذا كان الأمن يعتقد بأنه بتلك التصرفات سوف يثنينا عن فكرة الإضراب العام، فهو مخطئ فنحن نؤمن بما نفعله، ونراهن على الشعب المصري، ونؤمن أيضاً بأن الشعب لن يترك أبنائه في المعتقلات و السجون، في حالة أن ألقى الأمن القبض على جميع أعضاء الحركة ". ومن جانب آخر، ترددت أنباء عن نقل والدة سارة رزق-التي القي القبض عليها الأربعاء الماضي- و أختها إلي أحد المستشفيات بعد إصابتهما بانهيار عصبي، عقب سماعهما قرار التجديد بــ 15 يوماً . وهددت الحركة في بيان لها بعنوان ( وصلتنا رسالة أمن الدولة ، وردنا سيكون في 6 أبريل)، بتصعيد الوضع، إلي أبعد ما قد يتخيل الجهاز الأمني، واصفين اعتقال الفتيات بــ"الخط الأحمر".

أسماء المعتقلين

أما عن هوية بعض الذين تم اعتقالهم اليوم وفقا لبيان أصدرته حركة شباب6 ابريل فهم : 1-دعاء محمد
2-سارة احمد
3-مدحت شاكر
4-شمس الفخاخري
5-محمد عواد
6-نور الدين حمدي
7-احمد النديم
8-محمد السباعي
9- عمرو عنين
10-احمد الغيطي
11-محمد البرهامي
12-محمد حماسة
13-على سالم
14 - 15 بنتين لم يتأكد من اسمائهما بعد
16- المعتصم بالله محمد
17- علياء جلال

ومازال العدد فى زيادة مستمرة حتى الآن
كما تم ألقاء القبض على ما يقرب من 26 شخصاً كانوا فى محيط مجمع محاكم كفر الشيخ

WWW.20at.COM
WWW.MASR.20at.COM

أنـــــــيمــــــيـا

مش هطوول عليكوا
بس النهاردة نزل فى موقع عشرينات
موضوع بعنوان وشك أصفر ليه؟
وبرغم أني مش بحب نوعية المواضيع دى او مش بيبقي عندى شغف لقراءتها
لكن فى نفس الوقت انا لسة ناقصنى كتير كأسلوب كتابة واختيار عنوان مناسب
حيث أننى فااااااشل فى حكاية المقدمة أيضاً .. وبحـــاول أتحزم .. أحم أحم
قصدى أتحسن عن طريق المتابعة المستمرة للى بيهمنى و الى مش بيهمنى
ووقع فى أيدى الموضوع ده يا ريس

الموضوع بصراحة عجبنى أوي أوي ..بس على قد ما عجبنى
على قد ما حتة " عليك بالسبانخ" خلتنى أفكر فى حاجات كتير
وهى :

هو ليه زمااااان قبل ما يبقى فيه طب والحاجات دى
ماكنش فيه أنيميا منتشرة بالصورة المخيفة المنتشرة بيها دلوقتى ؟
الناس زمااااان كان صحتها كويسة مع ان الطب كان فى أأأموووت عصوره !!!

وبالنسبة للسبانخ دى بقى
زمان كانت ماما بتقولى كل سبانخ .. السبانخ فيها حديد
علشان تكبر .. و المستر مايقولكش .. أنت أصغنن واحد فى الفصل

وفعلاً سبانخ زماان كان فيها حديد .. ومش بس السبانخ
كل الأكل كان مغذى وصحى
لكن أعتقد أن دلوقتى يبقى مش صح الى بيقولك كل سبانخ او اكل صحى
لأنها ببساطة أصبحت سبانخ منزوعة الحديد
و الأكل بقى منزوع الصحة

فكدة كدة الناس بتعمل ريجيم طبيعى
ومش عارف أقول أيه
غير انى نفسى أعمل زيي
بــــــــــــــــا بــــــــــــــــــــــــاي
ويعود زمن السبانخ ام حديد .

المتروباص .. عبارة عن باسكت للفرفزة

حوارات ومواقف المتروباص

الناس المصريين دى عليها أفتكاسات غريبة أوي
وناس تانية خنيقة وباردة فى نفس الوقت
امبارح وأنا فى المترو .. واحد خنيق جداً وبارد راح مشغل الحتة الصينى بتاعته
الى كل الى فيها صووت ولا كأنه فرحان بيها .. ومشغل اغنية شعبى

ووسع للدي جــي الى أشتغل يا ريس

ففى راجل كبير قاله احنا مصدعين .. وطى البتاع ده الواد عمل انه بيوطيه راح طفاه

واحد طلع بقى
تقولشى بروفيسور بيتكلم وقال .. " الصين أساساً عاملة العدد دى علشان تبوظ شبابنا "

راح ملاحقه فى الكلام واحد تانى كبير برده زيه وقاله
" وهو أحنا شبابنا مستنى الصين .. مهو بايظ لوحده .. ده يروح يديهم كورسات "

هههههههههههههههههههههههههههههههههههههههههههه

وبعد ما الناس اتكلمت ووابل الانتقادات الغير مباشرة راح الانسان البارد ده مشغله تانى طبعاً الكلام كله صح .. وأشك فى حتة الصين دى بس الواد بقى من الاول ليه ما يحترمش نفسه .. ويبقى محترم كدة علشان مايبقاش اراجوز المترو ..
فى نفس المترو برده

واحد ومراته وأطفالهم الاتنين قاعدين فى الكنبة .. أزاي بقــــي
أبنه جنبه وبعدين مراته وبعدين أبنهم التانى !!!!!!!!!!!!!!!!!!!!!!
يعنى يخرب بيت البروووود و الناس الى معندهاش دم

مع ان فيه رجالة سنهم كبير واقفين المهم ان لما جت واحدة وقفت راحت مقومة أبنها وقالتلها أقعدى
ليـه العنصرية دى طيب

وبعدين الى قعدت دى بعد كام محطة جت نازلة .. معنى كدة ان فيه مكان فضي
راحت تأرجحت شوية فى الوسع وراحت مقعدة ابنها تانى مكانه

والى انا أستنتجته ان البيه بيخاف عليها من التحرش
فعلشان كدة موصيها انها ترزع الواد جنبها كمنصة لصواريخ الدفاع الجوي
مع ان المفروض أنه هو قاعد فى اخر الكنبة .. فيبدل معاها وتيجى
هى فى اخر الكنبة علشان تبقى مافيش حد جنبها ألا جوزها ويقعد هو الناحية التانية .
علشان الى عايز يقعد يقعد بقى .. راجل ولا ست

ويحسسوك انه حق مكتسب ولو راجل ... اتكلم بقى
بس الغلط مش عليهم الغلط على الدغوفاااات الى واقفييين ومخروسين وماحدش فتح بوؤؤؤه
....
برده أمبارح بعد مانزلت من المترو

الناس بتعدي من على القضيب علشان مكسلة تطلع السلم
وشايفين ان المترو الى الناحية التانية بيقفل أبوابه وهيمشى مش يستنوا بقى لأ
كله بيجري علشان يلحق يعدى ومايستناش المترو لما يعدي.. وتخيلوا
والله كان المترو خلاص ماشى وبرده واحد بيعدى وهو بيجري من قدام المترو وهو ماشى وطبعاً السواق راح مدى سرينة قوية وطويلة اوي لفتت نظر كل الى على المحطة كأنه داس واحد مثلاً

وأضحكوا بقى جااااااااااااااااامد اوي
أمين شرطة واقف على اول المحطة .. شاف المنظر وسمع السرينة
راح متفرفز فرفزة جامدة جداً.. وقال انا لازم اعمل حاجة راح مزعق للشخص الى كان بيجري قدام المترو وقاله

أنت حماااار .... أنت مش شايف المترو طالع
وبس كدة ... شوفتوا البااااشا بيقضى واجبه أزاى
علشان المغرضين والقلل المندسة ما يتكلموش كتير على رجالة الحكومة
باااااااشا وربنا يا جدعااان .... باااااااشا

يخرب بيت العتهه .. والبرووود
التناحة والرزالة والجمود

يارب افتح فى الارض أخدود
يبلع الى وارثين انعدام الدم من الجدود

فيديو _ معاينة النيابة وعيساوي لمكان الحادث ( بدون مونتاج) فضيــــــحة

فيديو يوضح تلفيق قضية مقتل هبة ونادين لمحمود عيساوي

والفيديو ده نقلاً عن المصري اليوم
والى اتصور بدون مونتاج ساعة معاينة النيابة لمكان وقوع الجريمة و ساعة تمثيلها
وبعدين أتمنتج و ظهر زى ما شفناه كلنا فى التليفزيون
عارفين الظابط الى بيتكلم فى الفيديو ده فكرنى بأيه
فكرنى بمحمد صبحى فى مسرحية تخاريف
وهو بيقول

أتكلم ... أتكلم يا أبن الشعب .. أتكلم
ولما جه يتكلم وأول ما لاقاه هيخبط
قاله
شكرررررررررررراً سيدى المواطن
..
حاجة بقت أحم خالص

..
لأ وقال ايه بيقوله الكلام الى انت قولتهولنا هناك فى المحضر قوله هنا
يعنى ده حتى العبيط هيفهم ان الكلام ده انتوا محفظنهولوه بدليل أنه مش فاكر
هو جه أزاى ولا فاكر هو نصل السكينة كان صغير ولا كبير

شوفوا بس الفيديو شوفوا

الحكم على ممدوح إسماعيل بـ7 سنوات

أخيراً

قضت محكمة الغردقة ظهر اليوم برئاسة المستشار خالد بدر الدين، بحبس ممدوح إسماعيل 7 سنوات غيابيا، وذلك لضلوعه في غرق العبارة الخاصة به (السلام 98) وذلك في عام 2006، وتسببت تلك الحادثة في غرق ما يزيد عن 1000 شخص ومئات من المصابين والناجين.

حول الحكم قال أسعد عبد اللطيف، محامى أهالي الضحايا، لــ ( ولاد البلد )، أن الحكم هو انتصار للقضاء المصري وتأكيداً على استقلاله، وأن الحكم بمثابة طاقة نور فتحت على مصراعيها لتزيل بنورها ظلم الباطل وتنصر للمسكين، وأضاف أن المعركة سوف تستمر لإعلاء كلمة الحق وأن النضال مازال قائما من أجل استرداد الحقوق.

وحول إن كان ذلك الحكم نهائي أم يجوز الاستئناف فيه، قال: "يجوز الاستئناف على الحكم والطعن فيه للمتضرر كونه حكما غيابي".

وأوضح قائلاً: "كان من المفترض أن يأتي اليوم ممدوح إسماعيل لقاعة المحكمة، ولكنه أناب محامين للحضور عنه، وصدر الحكم لتوافر الأدلة" .

"إيناس"، شقيقة أحد الضحايا، قالت: "الحمد لله على كل شيء، الحكم يعتبر إلى حد ما مرضي لنا، وخاصة عند مقارنته بالحكم السابق بالبراءة فذلك أفضل كثيراً، ذلك غير إحساسنا بأنه مازال هناك لسان عادل في ذلك الوطن".

وعن توقعاتها بتنفيذ ذلك الحكم من قبل السلطات التنفيذية قالت: "لا أستطيع التحديد الآن، لأنه مازال هناك فرصة للاستئناف، فنتمنى أن تكون أمام نفس الدائرة فبالتالي سوف نخرج بنفس الحكم، ولا نملك غير الدعاء".

يذكر أن محكمة جنح سفاجا، كانت قد قضت ببراءة ممدوح إسماعيل، من التهم الموجهة إليه، وذلك في يوليو الماضي، مما أثار موجة من السخط الشعبي على تبرئته وتقدم النائب العام بطلب إعادة محاكمته ثانية

NIDAAL

الخبر هنا فى الموقع عشرينات برده
www.masr.20at.com

منافقة الصحراء_ بتستفزينى ليه من الأول

طبعاً انتوا عارفين انى من ساعة ما دخلت عالم التدوين
وأنا لا أستخدم صفحات المدونات فى تصفية حسابات شخصية مع أى كائن كان
وبصفيها على طريقتى بعيداً عن صفحات المدونة
ولكن لما توصل لغاية أن فيه بنى آدم يتجرا ويشتم أمى
ده تبقى ليلة أهله سوداء ..
بس برده انا هفضل فاكر أنى متربى كويس جداً وعارف الأصول كويس حتى لو تعارضت مع الحاجة الى بتمناها
وبرده انا لسة فاكر انى مش متربى فى الشارع ولا ان انا بيئة
وبدعى انى مش كدة .
يعنى من الآخر .. الحاجات دى كلها ليها ناسها والحمد لله انا مش واحد منهم ولله الفضل .

انتوا عمركم شوفتونى بشتم حد .. او قليت ادبى على حد سواء فى مدونتى او خارجها

الحكاية وما فيها .

أن قطة الصحراء انا ماسك نفسى عنها من زمن فات .. وقولت دى عدت مرحلة الحوار ولو حتى ماعدتش انا غير مؤهل

وتجنبت الخوض معاها فى اى حديث حتى انى ماعلقتش عندها قبل كد

و ولا دخلت عندها ألا مرة واحدة

لكنى دخلت عندها .. من كام يوم ولاقيت البوست الأول .. قناة الحافظ تستعين بمنقبات

و البوست التانى كان عن مظاهرات يوم الطالب العالمى
وعمالة نابحة حسها وبتقول بصوا الأخوان بيخربوا والاخوان بيدمروا وكدة

دخلت رديت عليها وده فى البوست بتاع قناة الحافظ وقولتلها
فيما معناه ...
أن المظاهرة دى انا كنت بغطيها و الى كان مشترك فيها مش أخوان بس
لكن كان فيه أشتراكيين ثوريين و شيوعين و مجموعة من الغد

و الجبهة وحركة كفاية و 6 ابريل و ناس مستقلين
ردت عليا بأستهجان وأستهزاء واضح وقالت ..
انى لو ماكنتش بسمع أخلى حد يسمع الفيديو ويكتبهولى يمكن افهم
وده انا اعتبرته انه غلط فيا
( وكل له حسابه لوحده ) ولا ايه؟

رديت على كلامها فى كومنت و قولتلها فى وسط واخر الكومنت انها مايغرهاش شكلى
وانى قليل الادب عند الحاجة
وقولتلها نتكلم باحترام متبادل احسن بعيداً عن اى شىء يخص الدين
..
وعينك ماتشوف ألا النور
رصيت لى رصة شتايم وقباحة و سفالة و بذائة محترمة
ما اتوقعهاش من الى بتسرح الأطفال الشحاتين

روحت بعتلها .. رصة معلومات عنها و عن مدى نفاقها
وبصراحة شتمت كام شتيمة بس يعتبروا فرافيرى اوى
الى هما .. زبالة ووقحة وحقيرة ومعفنة وسافلة و عاهرة
( انا بوصف يا جماعة الى حصل _ لكن مش بشتم ) ومش عايز اشتم و أياك أياك أياك حد منكم يتعرضلها فى مدونتى باى لفظ خارج
روحوا مدونتها اعملوا الى تعملوه بس عندى ماحدش يشتم حد

رديت برصة تانية ومانشرتش الكومنت
المهم بقى : انى عامل الكلام ده كله وبعد فراغ صبرى علشان اوريلكم انها منافقة و مناقضة لنفسها ولكلامها فى حقيقتها وواقعها

ومش هقول غير حاجة واحدة من مئات الحاجات الى عارفها عنها
الى هتبين انها منافقة

قطة الصحراء _ أزاى أنتى محجبة وفى نفس الوقت بتكتبى وبتشتمى الحجاب ؟

قطة الصحراء _ هل لما بتفضلى لابسة الحجاب و لما بتيجى القاهرة بتخلعيه من على راسك .. مش ده يعتبر كدب ونفاق و تبقى انتى كدة بوشين ؟

اهلك مش عارفين حكاية انك بتشتمى فى النقاب و الحجاب _ وألا كان ممن هو محجب ومنقب فى اهلك هم الاولى بانك تنصحيهم وتقدمى لهم التوعية من وجهة نظرك !!

واذا دخلتى .. أذا .. ما تحاوليش تنكرى لأنى عارفهم واذا حبيتى أقولك مين المنقب باسمه ومين المحجب باسمه

وبرده ما تحاوليش تنكرى أرتدائك للحجاب .. لأنى معايا صورة ليكى وانتى محجبة
وجاتنى صور ليكى من يومين وانتى فى بلدكم ومحجبة .

قشطة .. .. قشطة

اما بقى عن شتيمتك لأمى .. فدى بقى حكاية تانية خالص
هتعرفي عقابها وخلال ايام ان شاء الله
وانتى عارفة ان الكلام الى انا قولته ده كمعلومات عنك
مايجيش سطرين فى كمية المعلومات الى بعتها ليكى ومانشرتيهاش
وحذرتك قبلها انك اوعى تغلطى معايا

وانى مش بتاع كلام وبتاع فعل بس
وخلى بالك .. المعلومات دى مش هى العقاب
العقاب الحقيقى جاى فى السكة
وأنا برده علشان عارف الأصول كويس جداً
مش هنشر معلومات من شأنها فضيحتك
وانتى عارفة ايه بالظبط الى يفضح فيها

العقاب جاااااااااااااااااااااااااااااااااااى
وقولتلك اوعى تغلطى معايا
لـتـنــــــــــد مــــــــــــي
وهتندمي

........................

رجاء خاص لأى حد هيعلق من الناس المحترمين
ماحدش يغلط باى لفظ لو سمحت .. سواء عليا او عليها
هتتكلموا باحترام _وطبعاً انا عارف انكم محترمين خلقة_ فى أطار الموضوع اوكى
ال شايف انه مش هيقدر يمسك نفسه ما يعلقش
وألا هضطر لحذف الكومنت

وربنا يهدى الجميع

أوعوا تنسوا أصلكم .. ولا نفتح الهيستوري بووك

أوعوا تنسوا نفسكوا فى يوم من الأيام
يا زملكاوية ... ويا أسماعلاوية
هههههههههههههههههههههههههههههه
الكلام موجهه للبنت المشمشية وأنصارها من الأسمعلاوية
( حتة مانجة معاكى وحياة أبوكى ) .. هو انتوا علشان غلبتوا ماتش وبمجهودكم خلاص .. عديتوا قناة السويس ولا حررتوا مصر من الأنجليز
ده هو ماتش .. وهاتشوفوا ان الأهلى لما بيبقى ليه تار عند حد بياخده أزاى
أضعاف أضعاف
والأيام جاية .
اى حد زملكاوى أو أسمعلاوي .. طبعاً مستثنى من الكلمتين الى فوق دول
عدا .. البنت أم أسم طوووويل وآآآآبى الفيكونة ..و مواطن مصري

بشمهندسنا المصرى .. على دماغى من فوق
جزرة الزمل .. برغم الشماتة الى انتى شبعتى شماتة عند البنت الشرانية مش حلوة بس خفية
بس يلا .. انتى من ضمن المستثنين

والناس التانية الى أحتمال يطلعوا من الأعداء ... برده على دماغى من فوق
و البنت الشرانية و آآآبى كولومبوس و مواطن مصري .. على دماغى من فوق
بس للتذكرة بس .. خليكوا فاكرين

هههههههههههههههههههههههههههههههههههههههههههه

نكدت عليكوا شوية .. شوفوا بقى الفيديو ده وتقسيمة الواحد وتلاتين الأهلاوية على الزملكاوية فى الملعب
و الزملكاوية بيجروا ورا الكورة زى .. زى البطة الحيرانة




ونهاية كل واحد بيشجع الزمالك ( بدون أستثناء ) أهاا



أى خدمة
وماحدش ينسى اصله
واخدالى بالك انتى يا شرانية
وانتوا الى أبتدوا
قابلوا بقى
ههههههههههههههههههههههههه

وتعصب بتعصب بقى
مش قادر اوصفلكم قد ايه انا فرحان
علشان انتوا هتفرقعوا وانتوا بتشوفوا الفيديو ده
هههههههههههههههه
هووووووهيهيهيهيهيهيهي
هووووووووووووووووووووووو
حد يمسكنى يا جماعة .. ما ينفعش كدة احنا بنصور

ألا وعمرو اديب بيقول
أنا بسأل نفسى أنا عملت ايه فى حياتى
وليه النعمة دى لأ
بقعد أفكر فى نفسى كتير
هل فى حاجة فى حياتى عملتها غلط ؟
هل وانا صغير غشيت فى امتحان الثانوية العامة ؟
هل امى ما كنتش راضية عنى ؟

هههههههههههههههههههههههههههههههههههههههه
تحــــــفـــــة ... تحـــــفــــــــة
يلا هدية ليكوا علشان ترجعلكوا الذاكرة.
وتعرفوا انتوا مين .. واحنا مين

JUBA

قشــطة .. طـب وبعـديـن ؟

قولتوا لى بقى ان كان فيه تفجير امبارح فى الحسين مش ده المكان الى بيروحوه شوية سياح ومعظم الى لاجئين هناك مصريين ما بين عمال ومتسولين و زائرين الجبان بقى الى عمل كدة .. استفاد ايه ؟ لو بيعمل كدة علشان بينتقم من امن الدولة علشان سحلوه مرة يبقى انسان جبان و بيخاف من انه يواجه المشاكل لأنه لجأ لتفريغ العنف الى اتوجه له فى ناس ابرياء و هرب من الجانى الحقيقى فهو انسان متخلف وجبان وزى ما كلنا عارفين .. الاعمال التخريبية دى مش من الاسلام في شئ بالعكس الاسلام قال انك ملزم بحماية من يدخل إلي أرضك آمناً مطمئناً وللأسف .. احنا مش عارفين نحمى نفسنا علشان نحمى الى يدخل لنا وده مش مبرر علشان تمديد العمل بقانون الطوارئ ولكن الناس الى بتعمل التفجيرات دى معظمها مخها مغسول وصدورها مغلولة من الجهاز الامنى نظراً لما تعرضوا له من تعذيب فى الماضى ( مثلاً) ..فلازم طريقة الامن تتغير علشان عقول متخلفة ومغيبة كتير تتغير ومش بتمديد او ألغاء الطوارئ .. لكن بالاحتواء والرعاية انا اكيد مازلت اعى اننا مش فى حضانة ..

برده مش كل حاجة عنف عنف سواء من المواطن او من الشرطة بس اعتقد ان نتاج العنف هى التفجيرات دى ومش عارف فيه حد فاهم ولا لأ .. بس أهو برضه قشطة هو استفاد ايه بقى الشطوور الى عمل كدة
واحنا اسفين كشعب مصري على ذلك التصرف الجنونى والطائش يا زوار مصر

we're sorry as Egyptian ppl .... about that fuckin stupid and irresponsible and subversive act

Dear Visitors .. sorry cuz we cant protect you

JUBA

مترو الانفاق يصرح : لو ما أحترمتوش نفسيكوا هنتحر

فى أزهى عصور الأهمال و التواطؤ والفساد
يعيش جهاز مترو الأنفاق منكشح الخطين
صورت لكم فيديو اينعم صغير ولكن فيه تجاوزات لا تليق ابداً سواء بأنسان او كونها تصدر من أنسان
الركاب يمرون من بوابة حديد جانبية مخصصة فى الاصل للمعاقين
ولكن نظراً لعطل الماكينات و منذ شهور
وبقولها وانا متأكد لأنى بشوفها بصفة مستمرة
فيضطر حارس الأمن على الماكينات ( البايظة ) اصلاً .. بفتح البوابة الجانبية وذلك لما تشهده تلك المحطة من كثافة عددية
وده لا يليق أبداً كأسلوب لمعاملة أنسان وليس حيوان
و يكون البرميل هو وسيلة التخلص من التذكرة
ده غير من يعبر القضبان من الركاب كسلً منهم صعود السلم
ولا رقيب

أحد أفراد صيانة الماكينات، عندما سألته لماذا لم يقم بدوره في صيانتها، رد قائلا:ً "لقد انتهى العمر الافتراضي لتلك الماكينات اساساً، وسبق وأن قمنا بتقديم العديد من التقارير تفيد بعدم جدوى الصيانة، وخاصة أن قطع الغيار المستخدمة، هى مجرد قطع مستهلكة قبلاً وليست بالجديدة، فنجدها بعد يومين أو ثلاثة وقد اتلفت تماماً "
بالأضافة إلي شعور بعض حراس الأمن بالمترو بأنهم مجرد ديكور لأستكمال الواجهة وليس أكثر من ذلك

اتضح لنا أننا أتينا للقيام بدور البديل للماكينات، وتحصيل التذاكر من الركاب، وليس لمراقبة حركة الدخول والخروج"، هكذا تقول "شيماء" حارسة أمن أخرى، وأضافت: "نحن هنا كقطعة لأستكمال الديكور، فلا نمارس دورنا فعلياً فى مراقبة ما يحدث، ولكن دورنا فقط يقتصر على مراقبة الماكينات".وتستذكر موقف كانت شاهدة عليه، واصفة إياه بأنه أسوأ أنواع الإهمال في العمل، تسرده قائلة: "ذات مرة كان أمين شرطة المحطة واقفاً، وبالرغم من ذلك كان المواطنون يعبرون السكة (القضبان) برغم رؤيتهم له، ولكن وفى المقابل هو لا يكترث بأى حال من الأحوال ولم يتكلم أو يطبق القانون على اى منهم".



JUBA

موقف إنساني للرئيس مبارك

تحديث : علشان خاطر المتعبة دايماً
البنت أم اسم طويل
الى هى
البنت الفحلقية أحم أحم قصدى المشمشية حلوة بس شقية
خربت البلوج بتاعها و الحمد لله .. ولكن الكارثة أنها عملت واحد جديد بنفس الاسم
مين عمل أيه فى حياته البيضاء دى !!
و اليو آر أل الجديد بتاعها .. على حسب أقوالها فى المحضر
http://o0mshmsh0o.blogspot.com/
و أغلق المحضر فى تاريخه
33/5/2095
.. وده تنويه للحاضرين الى هيعلموا الغايبين علشان البنت متبقاش فى عتاد المفقودين ..
وشكراً
كملوا بقى موضوعى أنا

جاء تحت عنوان " ‏ موقف إنساني للرئيس مبارك" فى الصفحة الأولي لجريدة الأهرام

فى بالى كدة قولت ده أكيد فتح معبر رفح علشان أخواتنا الى هناك

وبعدين قولت .. لا .. ده ممكن يكون نزل فى طوابير العيش علشان يشترى رغيفين ولا حاجة

قولت برده لا .. هو مش هيتأنسن للدرجة دى

المهم انا مسبتش وقت كبير لمخى يقعد يخمن و يتهيأله حاجات غريبة

قريت محتوى الخبر

مفاده

انه وهو فى زيارته للبحرين .. تعثر أحد المصورون المرافقين له ووقع على الارض واصيب بجرح قطعى فوق حاجبه

" أسم الله عليك يا حبيبى .. قوم "

فبادر الرئيس على الفور وأتجه أليه ليطمئن علي صحته

و كمان ايه بقى

طلب من مرافقيه معالجته والاطمئنان عليه حتي استقل الطائرة عائدا إلي القاهرة

أولاً وقبل كل شىء .. انا مش بقول ان ده محصلش او مش بقول انها مش أنسانية

الى حد ما

ولكن موقف لا يستحق أن ينشر اساساً .. أومال هو رئيس ازاى

مهو ده تصرف طبيعى لأى حاكم تجاه احد رعاياه والى هو مسئول عنهم

ولا .. نسرح واحد راكب حمار وماسك طبلة زى زمان ويمشى يطبل وينادى ويقول

ياااا أهل مصر الكرام .. لقد قام الرئيس الهمام .. فارس الفرسان

بالأطمئنان .. على احد المرافقين له من أبناء مصر الشجعااان

وندعوكم لحضور الوليمة .. التى ستكون عليها القيمة

بمناسبة ذلك الموقف ابن اللذينا

لا وايه .. الخبر جاى صفحة أولى .. يعنى حاجة قرف اكتر ما هى جريدة منافقة وغير معتدلة

لا دى كمان غبية

على كدة بقى .. كل شاب يقوم من مكانه علشان يقعد ست كبيرة يعمل له بوستر بقى و يمشى بيه

وكل واحد يتبرع بصدقة .. يتنشرله الموقف ده فى الصفحة الاولى

مهى كلها أنسانية

JUBA