كفاية بقى .. بلطجة علنى

ده فيديو لاحداث فى فترة سابقة فى جامعة الفيوم _ اول السنة دى تقريباً ويوضح

محاولة افراد امن الدولة أعتقال عدد من الطلاب من

داخل الحرم الجامعى .. الذى دنسه جهاز أمن الدولة

و المحاولة عبارة عن محاولة سحبهم الى خارج الحرم الجامعى و اعتقالهم بالقوة

وهنلاحظ الميكروباص واقف فى اول الكليب على باب الجامعة لاعتقال من يخرج من

الطلاب او هيئة التدريس .

لا مزيد من الممارسات البلطجية فى حقنا نحن هذا الشعب , الذى لم يعرف يوماً ثروة له

الا الكرامة , لماذا يفضل السكوت و الموت تحت عجلات نظام غاشم لا يعرف الا القمع و

الحصار لا يرى ألا ما يراه حكامه , اذاً سوف تسرق منه الكرامة او انها بالفعل جارى

سرقتها .. الكرامة يا بنى آآآدمين .. ده لو لسة الناس الى ساكتين فاكريين انهم بنى آآدمين .



و من ناحية اخرى صورة لمصاب فى احداث المحلة يوم 6 ابريل , مش هعلق على
الصورة بس هسأل سؤال واحد !!

هو العسكرى الى ضرب النار او ضرب بالشومة جاله قلب ازاى يضرب اخوه , ليه مش

كل العساكر ولو حتى نصفهم يعملوا زى أجدع عسكرى سمعت عنه و مش هنساه .. كان

فيه مظاهرة فى التحرير و المظاهرة فيها بنات و ستات فأصدر اللواء أمر مباشر

للعسكرى الغلبان بضرب فتاة فكانت الاجابة المذهلة .. انا مش جاى من بلدنا علشان أمد

أيدى على حرمة _ بالنص كدة .. طبعاً اللواء اتنرفز لانه مش متعود على كدة وقاله
بعصبية .. بتقول اييييييييه؟ ...... : زى ما سمعت ... لسة بيرفع ايده عليه راح اجدع

عسكرى ده ماسك ايده وراح مديله بالهراوة ( العصايا ) على دماغه راح التانى واقع فى الارض .... الناس بتوع الظاهرة شافوا الموقف ذهلوااا و قعدوا يهتفوا له


لا لامن الدولة بداخل الجامعات المصرية .. كما حدث فى جامعة الفيوم كلية الهندسة ايضاً فى حادثة اعتقال طالبين من داخل الحرم
الى كان حرم زمان . تخيلوا دخلوا اعتقلوهم من جوة الجامعة ...جوة الجامعة !!!
حسبنا الله و نعم الوكيل , حسبنا الله و نعم الوكيل
Nidaal

نضال المتوج .. هاا

البوست عبارة عن 3 تاجات بس فى السريع على غير العادة البوست ده طويل نسبياً
تاج الاحلام مرر من خلال هيثم الدهشان صاحب مدونة همسات العشق
وتاج الواجب الى انا مش فاهمه وتاج الشباب من عاشقة الفردوس
توكلنا على الله :
...........................
تاج الاحلام




أذكر أحلاما تخص ماضيك كنت هتتخلى عن إيه فيها و هتتمسك بإيه لحد دلوقتى
كنت بحلم واتمنى انى ابقى كبير . دى مش الاغنية .
كنت بحلم انى أركب الطائرة او السفينة
حلمت انى أبقى ملتزم التزام كامل
فى نفس الوقت حلمت بأنى أغنى
حلمت بانى اكون صحفى غير عادى
فيه احلام كتير اوى يا جدعان / ت
ايه الى كنت اكيد هستغنى عنه
أستغنى عن انى ابقى كبير و أفضل صغير
واكثر ما هتمسك بيه
هو الالتزام و الصحافة و الطائرة و السفينة

أذكر احلاما تخص مستقبلك وما تتمناه منه
بحاول قدر الامكان تجنب المستقبل ولكن لا محالة فانه قادم قادم
والحلم هو انى اكون صحفى مش كبير ولكن يميزنى شىء فى عملى
مش بحب اكون عادى طبيعتى كدة
وبحلم بانى استطيع فى يوم من الايام ان أحجج والديا ( أمى و ابى) وأحج بعدهم

أذكر شخصين على الأقل متواجدين فى حياتك كنت تتمنى وجودهم من قبلهم

يخرب بيت الزهايمر هههههههههههه
مش رد موقف ولكنه الحقيقة بجد هيثم الدهشان شخصية جميلة اوى واصيلة جداً
زى الصباغ برغم اختلافنا بعض الاحيان القليلة فى بعض النقاط وده طبيعى جداً
نيجى لسوووووز حبيبى الى علمنى وبدون ما يقصد اشوف الفيلم ازاى واستمتع بيه
الفاتحين الجعفرى و اليعقوبى الى اكثر ما اعجبنى فيهم أخلاقهم الرفيعة جداً جداً وفكرهم العالى
جولدا الى بنحب بعض اوى برغم انه قرب على الصهيونية ههههههههههههه
........
عاشقة الفردوس الى بتأثر فيا اوى بكلامها ربنا يخليهالنا يارب وما يحرمنا منها
آآآآبى الاخت الى انا شايف انها اخت صغيرة برغم انها اكبر سناً
ياسمين ( ارض الاحزان ) الى لما بكون عايز اعمل دماغ حزن بدخل عندها بس حزن على خفيف كدة
ميرا الى بيبقى نفسى اقولها انتى عارفة انا بفكر فى ايه يا بتاعت عقل الرجل انتى هههه
وكل الناس الى بقعد معاهم وأعرفهم وده مش ترتيب اولويات ولا بتاع .
كلوا زى بعضه وكل واحد ياخد زى أخوه
أعتقد انه كفاية كدة .. ولا أكمل >>

أذكر شخصين على الأقل غير متواجدين فى حياتك و تتمنى وجودهم مستقبلا فى حياتك وحياة اولادك

اهااا .... بص بقى فكرة الارتباط و الجواز و شريك العمر و الحاجات دى انا مش بفكر فيهم نهائى حالياً
ولا اعتقد انى هفكر فيهم من الاساس .. مش فقد امل ولكن الحرية افضل يا عم ههههههههه
نتكلم جد : أتمنى أن أعود أنا بتاع زمان . لان انا مش متواجد فى حياتى حالياً . يعنى اتمنى انى ارجع نضال او محمد بتاع زمان
( فى المستقبل ) مش بتاع دلوقتى
لان تقييمى لنفسى انى زمان كنت افضل بكثير . وبحاول اتحسن فى كل حاجة
.................................................
نيجى لتاج الواجب الى مش فاهمه عن جد

أذكر اسم من طلب منك حل هذا الواجب

عاشقة الفردوس

أذكر القوانين المتعلقة بهذا الواجب

مش لما اعرف الواجب ابقى اعرف قوانينه
ههههههههه

تحدث عن ستة أسرار قد لا يكتشفها من يقابلك للمرة الأولى.
والله بما ان مافيش اسرار فى حياتى فيبقى هخليها ست اشياء

1_ عصبى جداً برغم انى فى نفس الوقت هادى اوى

2_ هغشها من عاشقة الفردوس :
عندى 3 اخوات بنات وانا ولد وحيد وواحدة فيهم اكبر منى
حاصلة على بكالوريوس تربية - وواحدة أصغر منى بسنة الا 16 يوم بكالوريوس دراسات تعاونية ( تجارة)
والصغنتوتة خالص سنة اولى كلية أثار جامعة القاهرة
3_ بسمع اكثر من ما بتكلم
4_ مش بعرف أكره حد ولو حتى كنا متخانقين
5_ بعشق فيلم الكارتون ( lion king)
6_نفسى ابقى صحفى مختلف او مميز بشىء معين وبصراحة عايز منكم انكم تدعولى اوى اوى

حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
بصراحة انا عندى زهايمر جاااامد اوى فعلشان ماانساش حد
التاج ده لكل الى هيعلق .. وما بعتقد انهم هيجيبوا ستة يعنى
ههههههههههههههههه
......................................
تاج الشباب ... مانظرتك للبنات ذات الملابس المخالفة للإسلام؟

بدعيلهم ولنفسى من قبلهم بالهداية ومش بالضرورة تكون البنت الى لابسة قصير مثلاً وحشة او ما شابه
بالعكس انت لو دورت هتلاقيها انها تملك قلب طاهر بس ما كانتش عارفة الطريق الصحيح

هل تحكم على اي بنت بمجرد النظر الي لبسها ؟ وماهو معنى الاحتشام عندك ؟
لا طبعاً ما بخدش النظر كحكم لان فيه الى اتربوا على كدة فمش بيحسوا انهم بيعملوا حاجة غلط
وفى رأيى ان البنات دى مظلومة و محتاجة لتوعية صحيحة . صحيحة . صحيحة .
معنى الاحتشام : انها تكون ذات اخلاق حميدة قبل ان ترتدى ملابس محترمة
بمعنى انى مش محتاج لمزيد ممن يشوهون صورة الاسلام تحت اى ستار كان (الحجاب)
بسبب ضياع اخلاقهم
اتمنى انها تكون واصلة .

هل لحشمة الملابس دور في احترام الفتاة ام انها قناع زائف لدى بعض البنات؟

قناع زائف ما نقدرش ننكر لكتيييييير من الفتيات الى اتصادف وقابلت بعض منهم كتييييير
ولكن برده فيه كتير من خيرة البنات الى محتشمين بملابسهم... وباخلاقهم و تصرفاتهم قبل ملابسهم

مامدى تاثير اصدقائك على طباعك وشخصيتك؟

مش كبير او منعدم

أترى ان الغزو الفكرى أحد الاسباب التى ادت الى هذا الوضع؟
هو عامل من عوامل كتير بس فى رأى الشخصى ان كل واحد فيه عقل يقدر يحكم على الحاجة هل هى مفيدة ولا ضارة هتناسبنى ولا لا
لكن الى ملاحظه دلوقتى اننا بناخد اى حاجة فى اى حاجة بناطيل مقطعة على هاف باديهات واعتقد انها حتى مش هاف كمان
ده حتى البنطلون الساقط الى طلع فى الغرب للشواذ علشان يعلموا نفسيهم بيه ويعرفوا بعضهم .. بعض الشباب المصرين فرحانيين اوى بيه ومش عايز اكمل ...

هل تدخل اسرتك في انتقاء ملابسك يضايقك ويقلل من شأنك ويسلبك حريتك الشخصية؟
بالعكس انا مش بحب الراى الفردى, بحب المشاركة ولو انى فى احيان كتيرة فى الاخر بجيب الى انا عايزه برده هههههههههههههه
حتى لو قالولى عليه وحش , وبحب جداً أنزل اشترى مع والدتى وبصراحة مش بحب انى انزل مع والدى نهائى
وساعات بنزل لوحدى .!

وفى النهاية أعزائى القارئين أشكركم بالنيابة عن فريق عمل البرنامج و اتمنى ان تكون التاجات قد ساهمت فى تحديد بعض من السمات الشخصية للكاتب
و التاجات تمرر لكل من يعلق .. شكراً
والصورة دى هدية منى ليكم لاقيتها على الانترنت وعجبتنى

NIDAAL

لا لتصدير الغاز المصرى لاسرائيل

جزء فيديو قصير من الوقفة الاحتجاجية أمام مجلس الدولة لالغاء عملية تصدير الغاز المصرى لاسرائيل يوم 24 / 6 / 2008
قام بها شباب و فتيات مصر وكان على رأسهم مجموعة من شباب 6 ابريل وكان السفير / أبراهيم يسرى هو صاحب الدعوى المقامة ضد عملية تصدير الغاز المصرى لاسرائيل وخاصة وان على حسب التقارير الواردة ان المخزون المصرى من الغاز الطبيعى يكفى فقط لــ 16 سنة بينما ينص العقد الموقع على ألتزام مصر بتصدير الغاز الى أسرائيل لمدة 20 سنة فمن أين سوف تأتى الحكومة المصرية بمخزون اربع سنوات و اين حصة الفرد المصرى من الغاز .. ولكم ان تعرفوا انه توجد مناطق كثيرة جداً و مأهولة جداً لم يتم مد خطوط الغاز الطبيعى اليها

على الجانب الاخر : وعلى حسب اقوال بعض بل كل من شاركوا فى هذه الوقفة الاحتجاجية تسائلوا عن كيف يمكن ان نضحى بدماء شهدائنا الذين دفعوا ارواحهم ثمناً لحرية مصر و تطهير اراضيها ولاجل ان يحيا الشعب المصرى حياة كريمة غير ذليل لاحد ... واكدوا انهم لن يصمتوا ابداً عن فضح ممارسات الحكومة و الفساد المستشرى بداخل كل الجهات .. وانهم سوف يفعلون كل شىء وسوف يقفون بجوار السفير / ابراهيم يسرى فى دعواه
......
رأى الشخصى طبعاً عارفينه فميش داعى انى اقعد اعيد و أزيد فيه
......
ينظم شباب 6 أبريل مؤتمر بنقابة الصحفيين السبت القادم
28 / 6 / 2008 الساعة السادسة مساءً بالدور 4
لعرض مطالبهم .
ارجو من كل واحد انه يتعب شوية و ييجى على نفسه و ييجى
Nidaal

احداث أثناء جاسة ابراهيم عيسى

بما أن الامن منع جميع الصحفيين و المحطات التلفزيونية من دخول قاعة المحاكمة لتصوير جلسة استئناف ابراهيم عيسى
مع أن الجلسة علنية
فقررت انى اشوف الدنيا بره هيبقى فيها ايه علشان ما اجيش و أيدى فارغة
وده ابراهيم عيسى بعد ما خرج من القاعة ... وتابعوا انتوا الصور و الفيديوهات وفيه فيديوهات و صور تانى كتير
بس بصراحة مش هقدر ارفعهم دلوقتى ..وطبعاً مش محتاج انى اعرف بقضية ابراهيم عيسى لانها معروفة للكل و الجلسة أتاجلت بناء على طلب دفاع عيسى الى يوم 6 / 7 / 2008
و اسيبكم بقى









الفيديوهات
دول شباب 6 أبريل فى المحكمة مع عيسى

وده راجل كان جوة الجلسة و اتضايق من الكلام الى بيدور فى المحاكمة
.. المهم ان الامن طلعه و الراجل قال:

شباب 6 أبريل يكتبون اللوحات لابراهيم عيسى

انا أتأخرت ولازم أنزل
وأذا جت الفرصة انى ارفع باقى الصور و الفيديوهات بامر الله سوف يكون

كحك

الشهور الى فاتت دى سمعت حاجات غريبة اوى سواء مجرد أراء كانت او محاولة فرض رأى

بصراحة مش عارف اسمى الى انا سمعته و شوفته ده ايه غير انه مبرر على ارض

الواقع لنجاح "الالة الاعلامية الصهيونية " و بجدارة فى بث و زرع ما تريده بداخل

الكثير من الشباب مش المصريين فقط ولكن العرب عامً
دردشة بينى وبين معرفة جديدة على الكافى .. جت سيرة فلسطين و كانك جبت مش

سكينة .لا..سااااااطور كبييييير اوى و غرسته فى قلب واحد فيهم

وقال انا مش معترف بمساعدة الفلسطينيين و ان مصر فيها الى محتاج المساعدة و

اعتبر ان دخول الفلسطينيين الاخير و هدمهم للسور اقتحااام ..

قولتله طب مهو شوية للمحتاج المصرى و شوية للفلسطينى .. و انت لو معاك رغيف ده محتاج و ده محتاج يبقى تقسمه

قالى : كلب مصرى أحسن من 100 فلسطينى
لم يقتنع . و طبعاً دى حرية شخصية .ما اقدرش امسها
والى بياكل على درسه بينفع نفسه
..
موقف تانى :
ان فيه بنى أدم مسلم بيكذب ويشكك فى احد الاحاديث النبوية

ويجادل ويقول ازاى يعنى لو حصل كذا يبقى كذا .. انا مش واثق فى الى نقل الكلام
حرااااام الى احنا وصلنا ليه ده

و يقولك احنا مش عرب .. احنا فراعنة ..نفسى اقول كلمة بس مش هتنفع طبعاً هنا

هنا يتضح النجاح الباهر الذى حققته الالة الاعلامية الصهيونية المسيطرة على 92 % من الاعلام العالمى تقريباً

نجاحها فى تغييب الشباب و زرع الانانية بداخلهم و تثبيت مبدأ .. خليك فى نفسك

فاكريين لما التتار احتلوا الكثير من البلدان كانوا بيدخلوها ازاى

علشان يضمنوا عدم اتحاد دولتين مع بعض لانهم مؤمنين جداً ان الاتحاد قوة و هيتغلبوا لو الدولتين اتحدوا
يروحوا يبعتوا مبعوث من عندهم للدولة الى جنب الى العين عليها و يقولوا خليك فى حالك يا نجم احسنلك ..

انت ما سمعتش عن التتار ولا ايه ..دول ..ودول...ودول .. خليك بعيد علشان متزعلش يا أموور

وطبعاً لانهم كانوا عاملين دعاية مرعبة للتتار فى العالم كله و كانوا بيستخدموا الدعاية فى نشر و طبع صورة مرعبة عن التتار فى أذهان الناس

فكان كل واحد يفضل انه يخليه فى حاله " دول التتار يا عم " و بعد كدة يدخلوا عليه و

يموتوه طب ما انت كدة كدة ميت و كل دولة مش بتتعلم من الى قبلها .. علشان هنفضل طول عمرنا نتعلم وعمرنا ما هنعلم

نفس الحكاية بتتبعها الالة الاعلامية الصهيونية حالياً مع العرب ..

يخلوا واحد ينكر عروبته و ينظر الى الجذور *
* ي
خلوا واحد لا يعترف بوجوب مساعدة الفلسطينيين
* ي
خلوه ناس تقول ان المقاومين هم ارهابيون انتحاريون

تخيلوووووا
* و يقولك الاطفال الاسرائيلين و الصواريخ الى بتقع على المدارس الصهيونية و الى بيموتوا

يعنى انتوا حرق قلبكوا قوى الاطفال الاسرائيلية و مش حارق قلبكوا اطفال فلسطين

بصراحة انا قولت لهم كلمة واحدة بس لانى كنت قرفان منهم جداً
" العين بالعين و السن بالسن و البادى أظلم "

لانى لا أعتقد فى الشفقة بالحرب انت موت أبنى يبقى انا هموت ابنك
راح واحد يقولى ايه و ده نفس الشخص الى مشكك فى الحديث " :

بس ربنا ما قلش الطفل بالطفل و الشيخ بالشيخ

طبعاً كنت هرد عليه بس ده واحد تخطى مرحلة الحوار و الفهم .. ده واحد مخه وقف لحد كم التعليمات الصهيونية الغير مباشرة الى
أتحقنت فى عقله

و نفس الشخص يقولى ايه " ايه الرابط الى يخلينى اساعد الفلسطينين .. رديت عليه

قولتله يا عم مش هقولك العروبة علشان انت بتنكر عروبتنا .. مش هقولك الانسانية ..

هقولك الرابط الاقوى الى حث على الانسانية .. الاسلام

طلعت واحدة من جنبى " انتوا أيييييه !!! بطلوا بقى النظرة دى ( قصدها تقول رجعية

يعنى ) ليه ما تقولش الانسانية ليه نبص للواحد على اساس دينه .. أدى واحدة تالتة

داخلة فى الحوار من النص مش عارفة حاجة و بتدعى الثقافة و المعرفة و دخلت كمان فى تفسير القرآن

آه و الله .... " ان احسنكم عند الله اتقاكم " الاستاذة الدكتورة بتعلق عليها قائلة :

ربنا ما قالش أسلمكم ولا مسيحكم ولا يهودكم ... بطلوا بقى النظرة دى و طبقوا القرآن صح

قولتلها و الى هينفذ تعاليم القرآن هو من سيكون الاتقى الى بتتكلمى عليه و القرآن ذات

نفسه الى حثنا على الانسانية و هو الى دعانا الى ان نساعد الكافر به اذا استغاث بنا حتى

يسمع كلام الله .. فأنا بدل ما أجبلك فرع من فروع الشجرة جبتلك الجذر كله

المهم انه فيه ناس تخطت من زمن مرحلة امكانية الحوار

و التانى يقولك انا بشكك فى الحديث " ايما امرأة استعطرت فمرت بقوم فشموا ريحها

فهى زانية " .. ويقولك ما هى احكام الزنى ده من ضمن شروط انك تمسك واحدة بتزنى

انك تجيب مش فاكر بصراحة قال أد ايه فانا رديت عليه بقولى :
.(كحك)

هو انا اقولها أثبتى كما كنتى لغاية ما اروح اجيب شهود و آآجى

يقولك انا ما أضمنش مين الى نقل الحديث و أتنقل صح ولا لا ده فارق العمر 200 سنة

و حاجات كدة يعنى
المهم مش هخوض فى الموضوع ده كتير لانى هتعمق ولو تعمقت مش هعرف انا بكتب ايه .
بـــس

بجد مبروك للالة الاعلامية الصهيونية النشيطة و المتحركة و المسيطرة فى ظل غياب و

أسترخاء الوسائل الاعلامية العربية
المتخاذلة احياناً _ المضللة فى بعض الاحيان _ العاجزة كل الاحيان _وفى كل الاحوال هايفة أيضاً

يا جماعة لما تقف مع بنت امريكية لم تتجاوز الـ 12 عاماً و تلاقيها بتكلمك فى تركيبات
كيميائية مش فاكر مين الى كان قالى عليها

يبقى نعترف بفشل التعليم عندنا الى بقى تحت الارض ... انا بقيت بتكسف و انا بقول انا مصرى
على الفيس بوك قريت حاجة عجبتنى أوى
لم لم أكن مصرياً يبقى قشطة
و هى كدة فعلاً قشطة أوى

Nidaal

الى الجحيم فليذهبون

تعاطفاً مع غزة

رغم أنف أى حاقد

ولتذهب جميع الاصوات الى الجحيم

أصوات تعتقد انها تصلح و تبنى وتنتج

وهى غارقة فى وهم جعلته الصهيونية طريقاً لهم

ألى الجحيم فلتذهبون

وسوف أظل مسانداً

أنتظروا البوست القادم
" هاااااااااااااااااااام " جداً

Nidaal

neutral Vision

Why we always accept to lost our blood
Why we keep silence about Palestine people
why Insist on harboring terrorism between us
In all its forms
In Iraq from the U.S.
American people from Osama bin Laden
In Palestine from Israel
Somalia, from the international community
Lets walk around that subject to see it from multiple vision
Without minimum bias to any party of them
This like a dramatic story as I guess
There's Israeli keep gun in he's hand and missiles at the planes
And here's Palestinian killed by gun and missiles .. blood at every where ohhh . who back there .. this Mrs Egypt and always hesitant
Sometime open " rafah" gate to help Palestinian to paying every thing they may need before back to a big cage
Sometimes stopped about help them and let them face the dead
There's something Else _ Egypt government has Export Gas to Israel
and Surprise – Israeli can get our Gas with low price
low price more than me .me.. "owner of Gas" that’s Am'I
i.ll think !!! I'm dont looking for same blood
i.ll looking for my

Purpose ::: ok
why my Government keep low price to the thing
that going to isreal ؟؟؟

and Come up to me to say

"The whole world prices rose ... It is not within our grasp to do something"

I think we must rethinking about the subject
I have completely knowledge about pressures of high political
On our Government head
But that doesn't mean help Israel to kill our brothers – sisters – mothers – and father
Else shouldn't allow to Israel to use our Gas and cut the power for a long –terms maybe up to many day's
We " Arab people " love peace as all heaven books say's
But Israel can not keep any plan safe
Can not put the kid's blood sight behind

Because they loving it .. become part of life to them
Israel Government still drop the Bombs still pumping the weapons
Through them orifices just for keep one constant thing
Urges keep on sea of blood – sea of tears- and sea of fears over increase
I know there's some people over there don’t agree about Israel from inside
Israel but them voice is so weak and low like whispers to them Government … like all organized all over the world
Follow–up me at the next vision

NIDAAL

انا لما كان واقف معايا

بحاول ادور على دخلة جاامدة بس مش لاقى او مش جاية فى دماغى مع انها كانت فى دماغى من ساعتين بس
بس اخوكم بقى الزهايمر عنده عالى اوى .. انا شاكك ان انا بيروح من ورايا يتعاطى مخدرات او يشم كللاه و يصحى تانى يوم
مش فاكر اى حاجة .. و ده مين الى بيروح يتعاطى .. انا لما اكون واقف معايا بيسهينى
طبعاً انتوا توهتوا مع انا بس معلش خليكوا مع معايا ده منحرف شوية و عاقل برده !!!!!!
البوست ده من زمان و انا نفسى اكتبه بس كنت مستنى ادعمه ... ايوة ادعمه بالصورز , علشان الجمع بس
لما بخلص الكلية بروح راكب لغاية التحرير ميكروباص و بعدين انزل اتمشى لغاية الكوبرى الى عند بولاق ابو العلا
و بعدين اركب ميكروباص تانى لغاية ساقية عبد المنعم الصاوى
و كنت فى كل مرة بشوف مناظر مش هقول اكتر من انها ما تنفعش تكون فى بلد اسلامية و حكومة بلد اسلامية
ندخل فى المفيد و انه فى تمام الساعة ... يعنى كان وقت ما بعد العصر كدة على الساعة عشرة الفجر بالظبط
ماشى على الكورنيش من كوبرى قصر النيل الى كوبرى ابو العلا و شوية مناظر بقى ايه ما اقولكوش بقى
حاجة كدة بسم الله ما شاء الله تفتح النفس .. مواضع ايادى الى حد ما فى وضع الطوارىء
اقتراب حاد جداً برغم وجود لافتة تحذيرية مكتوب عليها ممنوع الاقتراب او التليين
و على ما اتذكر انى شوفت مرة واحد بيبوس واحدة كدة فى الشارع و فى وضع ايه .. كان نفسى تشوفوه و اهى نظرة اولى
ههههههههههههههههههههههههههههههههههه
المهم انى جت فى دماغى فكرة هايلة جداً و مربحة جداً جداً
و هى :
تيسيراً على الشباب الواقعة و الى مش لاقيا تتجوز و شبابنا الكووول الى مش لاقين شغلانة غير انهم يكتروا و اللهم لا حسد فى الجيرل فريند
خلاص يا ولاد قدمنا طلب للحكومة انهم ينشئوا كباين بامتداد الخط الشرقى و الشمالى و الجنوبى و الغربى للكورنيش
ومستنين الرد و الموافقة الاكيدة
.طبعاً انا كنت فكرت باننا نجيب سراير كمان لكن الحكومة كانت هتعارض علشان المنظر العام امام السياح
و علشان عارف ان حالة الشباب كحط خالص هخلى يوم الجمعة مجاناً بس بالحجز لانه لو مافيش حجز هلاقى مصر كلها عايزة كبينة
و باقى ايام الاسبوع الساعة باتنين جنيه بس علشان الدنيا غليت وبقت صعبة
و طبعاً كنت هحط فى كل كبينة تكييف .. بس لاحظت ان الى جوة هيبقى متكيف وحده



واحد فى الصف الى بره المدرج خالص عند البوفيه يقولى
طب مهو الشرطة هتقرفنا و تعاملنا معاملة مرتادى بيوت الاعارة
احب اطمن كل شاب و فتاة ان الى انتوا خايفيين منهم دول هيبقوا واقفين بره بيحموكوا و ده مش حباً فيكم
لكن ده علشان هما مستنين دورهم فهيضطروا يحموكوا علشان الانجاز بس ... أقلب .. الى بعده
واحد تانى اهو شكله هيقرفنى !!! اووووووووووووف... أتفضل يا أبنى
طب و الى فاشل و مكتئب و مش بيعرف بنات ولا بيعرف يعلق بنات يعمل ايه ؟
تصدقوا الواد ده طلع بيفهم و ضرب سؤال فى الصميم
بص يا حبيبى تيجى فاضى تيجى مليان هتدخل الكابينة هتدخل ما تقلقش عندنا كل حاجة متوفرة و زيادة كمان
دى مصر كلها هتبقى من بكرة عند كباين الكورنيش يا باشا !؟
لا يا نجم مهى هتفرق فى السعر .. كله بتمنه ... لو هتدخل الكابينة و حاجتك معاك ساعتك بـ 2 جنيه
أما لو مش جايب اى حاجة هتبقى ساعتك بــ 15 جنيه بس .. خلى الشباب تهيص و اهو يبقوا متدارين
طب ينفع أجيب مرافق يا بيه ؟
ايه الاسلوب الشوارعجى الى بيكلمنى بيه الولد ده
ما علينا .. المصلحة فوق الكرامة مش مشكلة .....ممنوع لاننا لسة مش عاملين حسابنا فى مساحة الكابينة
...............
ده كان الاقتراح و الحوار المتوقع عند موافقة الحكومة على الكباين الافتراضية
و شكر خاااااااااااص جداً للاخ و الزميل هيثم الدهشان لانه بصراحة هو العامل المساعد الرئيسى على التقاط صورة من الصور
و بصراحة كانت اهم صورة توثيقية هو عمل نفسه كانى بصوره و روحت لافف العدسة سنة صغنتوتة أوى و أووووب تك تاك ترن
جت الصورة ..... و هتلاقو حتى تمن 1:8 وشه باين
لازم التدعيم بالصور ولا ايه ؟
عايز رأيكم فى مشروع الكباين ده ده انتوا هتكلوا شهد مكررمن وراه
هههههههههههههههههههههههههههههههههه

وأعتذر لو ان اى شخص تأذى بسبب اى لفظ ... واقعنا مرير

Nidaal

حرب المدونين الالكترو _ بوردية

حرب المدونين الالكترو_بوردية

........................

لاحظت فى الفترة الاخيرة شىء غريب جداً او متخلف اكثر مما هو غريب

مدون بيشتم مدون _ مدون بيسخر من مدون .. و اشياء من هذا القبيل كتييير اوى

ايه ده ؟ .. الواحد يحس ان المدونين او بعض منهم بمعنى اصح خلاص بقى فاضى

علشان يشتم ده و يهزأ ده و نسى هو ليه عمل مدونة اساساً !!!!

لأمتى ؟ لأمتى الناس دى هتفضل فى التخلف و الرجعية الى هما فيها دى ؟

لأمتى هيفضل الشعب ده يستخدم كل حاجة غلط و فى غير اتجاهها الصحيح

و يوقلك احنا بنتقدم ...... او عايزيين نتطور

طب ازاى الماكينة ممكن تطلع قماش احمر و انت حاطط لها صبغة سوداااا

استحالة طبعاً ؟

أمتى هنتعلم ثقافة التسامح ؟

أمتى هنتعلم ثقافة الاختلاف ؟

أمتى نقدر نقول احنا الى هنغير للاحسن ؟

للاسف : لا أعتقد اننا بهذا الوضع سوف نغير اى شىء – و ان غيرنا هيبقى للاسوأ

ما فيش الثقافة اللازمة لعملية التغير و مافيش تقدم طول ما الجهل راكبنا و راكب دماغنا

و مدلدل رجليه كمان و ممدد

ليه دايماً شايفين التكنولوجيا بالمقلوب .. شايفينها بعين معكوسة

بدل ما بتتطلع الى الامام و الى الاحسن .. و بما ان العين معكوسة فبتشوف و تتطلع الى الوراء

الله يرحمك يا صدام يا حبيب قلبى عن جد ... برغم كل الى عمله و لكن كلمة قالها خلتنى اعشق هذا الاسطورة

" تعيش الامة " " تعيش العراق حرة " " تحيا الوحدة العربية "

و لكن كويس ان ربنا ريحه من الامة الى هو كان عايزها تعيش

لانها امة الفشل فى الوقت الحالى بعد ان كانت امة النور

و بسبب شعب الامة حدث هذا الانحدار

و مش هنعلق اخطائنا على شماعة الحكومة لانها وقعت خلاص

اذا كان الحكومة عليها 30% فأحنا علينا الـ70% الباقيين

للاسف و معه ......احنا امة و شعب فاشل فى الوقت الراهن

احنا عايزيين ناكل و نشرب و بس .. و تولع الدنيا بره

فاكريين الحملة الفرنسية و نابليون لما جاب معاه مطبعة

لما مشى و فضلت المطبعة .. أتركنت على الرف و لم تستخدم

و أصدرت الدولة العثمانية فتوى بأن المطبعة " رجس من عمل الشيطان "

تخيلوا .. أه و الله

لانهم ما كانوش عايزيين الناس تنفتح على العالم ولا تتثقف ولا اى بتاع

و ما كانوش عايزيين يبقى فيه اى صحيفة تعرف الناس الاخبار الجديدة

و كانت الناس مبسوطة و عايشة و فل و تمام و فاكريين انهم فى نهضة مصر
مع انهم كانوا بعيد عن التمثال خالص

الناس دلوقتى سلبية جداً اينعم بدأت تفوق فى الفترة الاخيرة ..

بس ليه ؟ لانها جااااااااعت ...... يعنى كل الى يهم الشعب المصرى انه ما يجوعش وبس

مالوش دعوة بقى بالعلوم الحديثة ...... ولا التطور ولا بتاع

الشعب أصبح من المحافظيين و بقوة على الجمود و التقليد

الولد يقول انا قاعد على النت .. اول ما بييجى فى دماغ الاهل انه قاعد على مواقع مش مظبوطة

طب ليه ما يكونش بيعمل حاجة جديدة ... بيفكر يعمل حاجة او يخترع لنا حاجة

و بيجيب معلومات تفيده من على الشبكة

للاسف و انا بقولها و انا حزين على اهلى و اخواتى المصريين و العرب

احنا فشلة بس كبااااااااااااااار اوى ..... حتى المدونين الى المفروض انهم مثقفين

بيشتموا فى بعض و يضربوا فى بعض

يبقى فين الاحترام .... فين التعليم الى اتعلموه

فين التربية (سورى) الى اتربوها

فين الثقافة الى خدوها من الكتب و من الحياة

للاسف الى بيعملوا كدة بيبقوا شوية مختلين عقلياً و متخلفين و حاقدين

و لسة ياما هنشوف كتييييييييييييييير .. كتييييييييييير

o0o00o0o0o0o0o0o0o0o0o0o0o0o0

o0o0o0o0o0o0o0o0o

الكلام ده كله مش موجهه لحد بعينه و انا و الله ما فى حدا فى دماغى

و انتوا كلكم عارفين انى انسان دوووووغرى مش بحب اللف و الدوران

لو لشخص معين هقول ده لفلان .. ما فى أعلى من الله "الملك" القادر

البلد ولعت يا جيهــــان

أعتصام قبل اسبوعين اما دار القضاء ضد الغلاء

المصدر : كاميرتى

......

البلد ولعت يا جيهان ....... الكلمة دى استوقفتنى كثيراً عندما قالها السادات لزوجته يوم ان قرر الغاء الدعم

" زى ما جه فى الفيلم "
و تراجع عنه بسبب ان البلد ولعت .. و سوف تأكل نيرانها كل ما هو امامها حتى هو نفسه
فتراجع عن قراره و لم يخجل من أن يقال ان رئيس الجمهورية قد أصدر قرار و تراجع فيه
فقط كان يفكر فى مصلحة الشعب و أيضاً فى مصلحة نفسه و لكن على ما اعتقد انها كانت بعد مصلحة الشعب
و لكننا نشهد فى هذه الايام ارتفاع فاااااااااحش فى الاسعار فى كل شىء .. و أخر هذه الارتفاعات كان ارتفاع اسعار البنزين و السولار و الزيوت ... مما أدى بشكل غير مباشر الى ارتفاع سعر اى شىء يتم نقله عن طريق
الشاحنات .. مثلاً :
الخضار _ ينقل عن طريق الشاحنات التى ارتفعت اجرتها نسبة الى ارتفاع سعر وقودها
المواصلات _ ازدادت أجرة المواصلات بشكل غير طبيعى و لنفس السبب السابق ذكره
و حاجات تانية كتير ارتفعت بشكل رهيب بسبب ارتفاع اسعار الوقود
و يمكن ان تلمس بعض و أقل مظاهر التدهور فى حياة المواطن المصرى فى المناطق المتوسطة و الفقيرة
فنرى بعض أصحاب العربات الملاكى قد حولوها الى عربات بالاجرة كى يستطيعوا تأمين قوت يومهم
و البعض الاخر قد حولها الى عربات نصف نقل .. و هذا اكبر دليل على تدهور الحياة فى مصر
فلماذا نهاجم الشباب حينما يسافرون بل يهربون من حضن السجن الكبير الى احضان اكثر دفئاً و تقديراً ؟

و هل ما نحن فيه الان حركة اصلاح و نحن نمر بتجربة الاصلاح منذ 1981 الا يكفى كل هذا الوقت للخروج من طور التجربة و الدخول الى حيز أحساس المواطن المصرى بأرهاصات هذه التجربة التى طالت احبالها

أم مازلنا نفكر أن نبدأ هذه التجربة ليعيشها احفادنا

ذلك و مع العلم أن نسل هذا الشعب قد تحدد اوتوماتيكياً .. مع التطورات الراهنة
و أتسائل حالياً : هل يمكن ان يقوم الرئيس مبارك بتغير الحكومة كااااااااااااااملة ؟
هل يمكن للسيد الرئيس ان يطوف على ارصدة جميع الوزراء من أول أحمد كلين الى اصغر وزير ؟
هل يمكن يا سيادة الرئيس ان تنزل الى الشارع و ترى بعينيك بدل ان تسمع بأذنيك ؟
انتم تبحثون على موارد لتغطية العلاوة التى منحتموها الى موظفى الحكومة و انتم فى ارض جميع الموارد !!!
الا يكفى البترول _ قناة السويس _شبكة المواصلات و حاجاااااات تانية كتييييييييييييير اوى
هل يمكن ان نعيش فى عصرك يا ريس عيشة الانسان ؟
فقد اصبح حلم يراود جميع المصريين
تأكدت من ذلك حينما سمعت بعض التعليقات اليوم كانت خير دليل على ان القنبلة على وشك الانفجار
· البلد ولعت
· * ربنا يقوم القيامة بقى و يخلصنا من الولعة دى
· *ربنا ياخده .. مفهوم طبعاً و بجد الراجل ما كملهاش او موضحش مين بس هيه مفهومة
· واحد عنده جامعتين و افخم شقق و بياخد البنزين ببلاش ( احمد كلين ) . يا عم احنا خلاص ملناش قومة تانى
· هى بس ناقصة ولعة . دى ولعت خلاص .. بالذمة مش حرااام الى بيحصل ده
· انا مرتبى 500 جنيه لما اركب مواصلات بس بــ 300 جنيه طب آكل و أكل عيالى و مراتى منين و ادفع مصاريف مدارسهم منين , انا هطلع العيال من المدرسة و اريح دماغى

شوفتوا أخرتها وصلنا للهدف ....

الاطفال تنفصل عن المدارس و نبقى عندنا جيل بسم الله ما شاء الله

الـلهم لا حــــــســد

جااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااهل
متخــــــــــــــــــــــــــــــــــــــــــــــــــــــــــــــــــــــلــــــــــف
مســـتـــــــــــــــــــــــــــــــــــــــــــــــــــهلك
لازم يكون فى حل و سرييييييييييييييييييع جداً و فعاااااااااااااااااال
قبل ما الامور تخرج من ايدينا يا ريس او ما لم يزل فى ايدينا

ننقذ اى حاجة قبل ما نفقد كل حااااااااااااااجة

و ياترى بقى لما الريس بعد عمرررررررررررررررر طويل يعنى يروح يتفسح

هيتعمل فيلم و نشوف المدام بتقول للريس

" هترجع فى قرارك يا حصحص "

و يرد يقولها وهو متأثر جداً

" البلد بتولع يا سوزى "

وليس امام الرئيس الا أختيارين
الاول : ان ينقذ شعبه و ينقذ معه منصبه
الثانى : ان يفقد منصبه ويفقد معه شعبه
ده رأى فى الازمة الحالية و اعتقد انه واااااااااااصل للكل
تحياتى و اعتذارااااااااااااااااااتى عن التاخيرات

Nidaal