دى الصورة الى كنت كلمتكم عليها فى البوست الى فات
دققوا فى المحامين التلاتة الى قاعدين ورا ابراهيم عيسى
دول بتوع الحزب الوطنى.. ماوكوسين كدة على طوووول
كفاية لعب بقى و ندخل فى المفيد
........
أ / نوارة نجم كانت نوهت فى احد البوستات ليها عن قضية الاسير المصرى المحتجز
لدى اسرائيل الى اسمه أياد ابو حسنة و كانت فى رؤيتها ان النظام المصرى بأصداره لحكم البراءة لممدوح اسماعيل
فى قضية عبارة السلام " سابقاً " و الموت حالياً
والوقت الذى ثار فيه الراى العام حول قضية" اياد " او اتعرفت القضية يعنى بين الناس
فالنظام حب يغيب الناس عن القضية دى كى لا يثور الراى العام فى الشارع ضد اسرائيل و ضد النظام الفاسد فى مصر
راح أصدر حكم بالبراءة ... سيناريو بتاع حكومة بقى
وأنا طبعاً اوافقها فى الراى ده لان الحكومة ماشية على النهج ده من زمان
طيب..من الجدير بالذكر للى ما كانش يعرف زى كدة
ان ممدوح اسماعيل هو .. هو نفسه ممدوح اسماعيل مالك العبارة .. السلام ..مش عارف كام و تسعين والى غرقت فى التسعينات
هو هو مالك العبارة السلام التى تقوم بزيارة قصيرة لقاع البحر و عزمت سمك القرش
على ركابها و برده للى مش عارف انه كان مشتريها خردة و ظبطها شكلياً كدة و شغلها فى البحر
وأثناء انعقاد المؤتمر الصحفى لهيئة الدفاع عن الضحايا فى وقت سابق من الاسبوع الجارى
أكدت هيئة الدفاع فى تقديرها للحكم ان بأصدار مثل هذا الحكم فأن النظام يخلق حالة جديدة من التعارض بين ضفتى مرفق القضاء و المواطن المصرى
كما جاء ايضاً ان القضاء قد تجاهل العشرات من المستندات التى من شأنها أن تدين ممدوح اسماعيل
و قال ياسر فتحى وهو أحد اعضاء هيئة الدفاع عن الضحايا و هو ايضاً أحد اعضاء لجنة الدفاع فى قضية ابراهيم عيسى :
أن القضاء لم يقدم تسبيباً مطلقاً حول تحويل القضية من جناية الى مجرد جنحة
و أستنكر بشدة تعمد النظام أقامة المحاكمة بسفاجا بالبحر الاحمر رغم التقدم بعشرات الطلبات لنقلها للقاهرة
و فسر ذلك بمحاولة النظام أبعاد مكان المحاكمة لعدم تمكين عدد كبير من اهالى الضحايا من الحضور
و أيضاً تخفيض دور الاعلام الذى كان تركيزه كله على الماتش الذى لم يأتى مصادفة
ولكنها عملية وخطة زمنية مقصودة لألهاء الناس عن متابعة الحكم
قشطة أوى .. وبعدين ؟
!!!!!!!!!!!!!!!!!!!!!!!!!!!
واحد رفع علم مصر أتحبس هو و الى معاه
واحد قتل أكثر من ألف من مصر هربوه بالى معاه
ولما حاكموه ادولوا براءة و الطيارة كانت مستنياه
أيه _سفن _أيه .. أسف
بس الاشارة فتحت وحتى الضمير أشتراه
وأنا حتى كنت مستعجل و قولت منه لله
NIDAAL
5 comments:
بالنسبة للحزن الوطن فهو اصلا موكوس فما بالك بمحامينه اكيد هيكونوا زى خيبتها اما الحاج ممدوح اسماعيل فده ماله ياعم انا اليومين دول بفكرة اشترى حتتين حديد مصديين واركبهم على بعض واعملهم عبارة هيا مش بتكسب برده وبعدين مش هقلق لو الناس ماتت اهو كله بيخف من الشعب فمحدش هيحاكمنى وخصوصا لما اروح لاونكل بتاع الحزن الوطنى واديله قد كام مليون فاخد براءة واعيش اتمتع
ههههههههه والنبى كنت عاوزة اتفرج
بس اقولك راى نوارة معقول بس انا حسه ان فيه الاكبر من ده على فكرة مش الاسير لا فيه مصيبه اكبر بيطبخوها اصبر وهنشوف
مممممممممممم
المهم شوفت الماتش يا نضال ؟؟؟
و كان إيه رأيك في الحكم ؟؟
أقولك علي حاجه انا بقالي فتره عماله أقول جملتين :
حسبي الله و نعم الوكيل
و
حسبي الله و نعم الوكيل برضه
..
و ختاما ..
حسبي الله و نعم الوكيل
منه له
كله فانى .. منه له
مبقوش سابيبن لينا حاجه بيضا حتى
ترشدنا لحياه احسن
نضــــــــال
نظرية المؤامرة كلاكيت عشرتاشر مرة.
بيني وبينك مش عارف أحكم ازاي علي الأمور.
الحكومة دي أغبي من كده.
بس هو مين قال ان الأغبياء دول هم اللي بيخططوا لكل حاجة.
أشعر بالأرتباك.
تحياتي
أسامة
Post a Comment