تأجيل جلسة ابراهيم عيسى

طبعاً كلنا عارفين موضوع تعريفة التليفون الى هتزيد و فيه حملة هتبتدى من النهاردة
7 / 7 حتى 17 / 7 لمقاطعة الشركة المصرية للاتصالات وعلى حسب ما كتبه الشباب .. شبكة واحدة بتنهبنا كلنا ههههههههه جامدة الحتة دى
و فيه الى بيقول هتبتدى من يوم 10 / 7 .. عموماً كل واحد شايف انه هيتأثر ولسة فاكر انه له حق فى سورى فى الكلمة بس مافيش مصطلح تانى غير كدة ( الخرابة ) الى احنا عايشين فيها دى و مش هقول غابة لان فى الغابة كل حيوان بيحترم نفسه و عارف انه له منطقة نفوذ لا حد يقدر يدخلها ولا هو بيتخطاها , يعنى الحيوانات بتحترم بعض فى الغابة لكن احنا هنا فى (.. ..)


تأجيل جلسة أبراهيم عيسى الى يوم 13 / 7 / 2008
و أفاد عدد ممن حضروا الجلسة انه تم منع هيئة الدفاع عن ابراهيم عيسى من المرافعة
فبالتالى أتخذت هيئة الدفاع موقفاً مماثلاً و انسحبت من القاعة اثناء ما كانت الجلسة مرفوعة
وبصراحة مش هقول كلام تانى لانى هبقى بفتى علشان انا ما عرفتش ادخل الجلسة اساساً بالرغم من انها علنية
وياريت كل الى يقدر ييجى الجلسة الجاية دى ييجى و مش هيخسر حاجة يعنى
احنا بنعمل لبكرة , بنعمل للقلم الحر و ضد الفساد
و على راى ست حاجة كدة كبيرة قالت للشباب بعد حوار يعنى .. ربنا معاكوا يا ولاد يعنى هما هيعملوا ايه تانى اكتر من كدة مش فاضل غير انهم يسخطونا قرود بقى ..هههههههههههه
و ابراهيم عيسى ده مجرد بداية صدقونى .. ثم فيه رأى شخصى كدة ممكن اعرضه عليكم
جميع مواثيق الشرف و ادلة المواثيق التحريرية بتنص على جواز التعرض للحياة الشخصية فى حال تقاطعت وبوضوح مع المصلحة العامة
طيب .. أليست حياة الرئيس او موته من ضمن المصلحة العامة .. وفيها ايه لما كان وزير الصحة يطلع يقول الريس بخير و اطمنوا يا جماعة و لكن علشان يظبطوا الكمين التزموا الصمت جميعاً وطبعاً بأوامر عليا
مع الصور بقى شوية
دى أحب أعلامية الى قلبى و هى الاستاذة / بثينة كامل الغنية عن التعريف بمواقفها الجادة ضد تقييد الحريات
دى صورة حصرية و بقولها بقلب جاااامد حصررررررررررية
ههههههههههههههههههههههههههههه


ودى لقطة من الهليوكوبتر بتاعتى لمجموعة شباب 6 أبريل


أحد المحبيين لايمن نور زعيم حزب الغد
و الرئيس الشرعى للبلاد _ قبل التزوير و التلاعب

شباب 6 ابريل و من ورائهم جزء من قوات الامن .. الى نفسى اعرف هما ليه حاشدين الامن ده كله مع ان الشباب سلميين جداً
ولا بتوع ضرب ولا بتاع بل بالعكس دول بيحترموا كل من يحترمهم ويحترم آدميتهم كحالنا جميعاً


الهتاف المستمر طوال أكثر من الخمس ساعات متواصلة


وفى النهاية انا عايز بس اقول انى عارف انها مش تغطية كويسة لكن انا مش بحب ازود فى الكلام و انقص و افتى بقى و الكلام ده
لكنى بجد ما دخلتش الجلسة و الله .. بس ادعولى ان الجلسة الجاية اعرف أخش
وياريت الى يقدر ينضم ينضم محتاجين لدعمكم