خاص : العالقين

ده رابط موضوع عن العالقين

نشرته شبكة فلسطين للاعلام و الدراسات

http://mediapal.org/readarticle.php?art_id=831&lang=ar&dir=rtl

انتظر تقييمكم جميعاً للموضوع

و دمتم بالف خير

juba

تقرير مختصر جداً جداً : من العريش

بسم الله

هذا هو تقرير مختصر جداً عن رحلتنا للعريش فى ثانى ايام العيد

لاننى لو قلت بالتفصيل و الله ما هيكفينى 3 او 4 صفحات

الجروب متكون من

ايمان _مى _ رامى _ سمير _ومحمد

و فيه حاجة عايز اقولكم عليها قبل اى شىء

زى ما الظباط الى معندهمش ضمير ولا انسانية ولا احساس لما بيعملوا حاجة بنفضحهم

يبقى لازم نحترم من يجبرنا على احترامه و ليس الخوف منه

بصراحة الظباط الى قابلناهم فى الاربع اقسام فى العريش

قسم : اول_ ثان_ثالث_رابع_الترحيلات

ظباط محترمين جداً جداً جداً .... اجبرونا على احترامهم لانهم محترمين

قسماً بالله العظيم ليست مجاملة اومحاولة كسب عطف

انما هى الحقيقة التى يجب ان اكتبها كبقية الحقائق

.......

طبعاً اول ما نزلنا ذهبنا الى العالقين مباشرة بما فضل الله علينا من نعمة

و الموقف انا مش عارف اشرحه عن جد .... شوفتوا الى بيغرق و لما صدق شاف قشة ..

لكم الله يا فلسطينية ... لكم الله

الاطفال من جميع المراحل السنية من اول المولود لغاية الطفل ذو العشرة اعوام

اما الكبار فهم فى حالة يثرى لها ..... و بجد الوضع جد خطير جداً

و ده تسجيل انا عارف انه مش واضح لكن الكلمة المقصودة هى واضحة

احدى الاسر العالقة ترفض رفضاً تاماً اخذ اى نوع من المساعدات سواء المادية او العينية

و تسأل فقط ... لحين هيستمر ها الوضع ... بتى بدها تروح لجوزها

ليش بتعملوا فينا كدة ؟ هادى ما اخلاق العروبة !!! حرام عليك ياريس

بدناش فلوس .. بدناش اكل ... بدناش اشى .. بدنا بس نروح لبلدنا

ده طبعاً غير البكاء .. عن نفسى كنت محرج انظر فى عيونهم

المليئة بنظرات الامل ... ولكن الى متى سوف يستمر ؟؟؟

http://www.zshare.net/audio/5794446681d742/

هو التسجيل مش واضح لان الناس اول ما عرفوا اننا موجودين تجمعوا من كل بيت و خيمة ايواء

........

الاقسام :

فى الاول ذهبنا الى قسم ثان و الترحيلات ... و قابلنا المحجوزين هناك

و بعد ذلك ذهبنا الى قسم اول العريش و قابلنا المحجوزين هناك

ثم ذهبنا الى قسم رابع .. و كان فيه مشكلة منعتنا من زيارتهم .. فوعدنا الظابط هناك انه بعد ساعة سوف نتمكن من زيارتهم

فذهبنا الى قسم ثالث و زرنا المحجوزين هناك ... و استرعى انتباهى و استغرابى و دهشتى الشديدتين

موقف .. اقسم بالله كدت ابكى له .. لولا انى لا ابكى امام اى كائن كان

شخص محجوز اسمه عبد الله .. اثناء تقديم م / ايمان المساعدة المالية له فأذ به يقول لها

انتوا رايحين لزملائنا فى الاقسام الاخرى .. فقالتله ايوة هنروح للباقى طبعاً

فقال لها .. طب فى واحد فى قسم رابع اسمه كذا وواحد معاه اسمه كذا

فياريت الى هتعطيهولى خليه معاكى و اعطيه لهم ... قالت له ما احنا هنعطيهم برده زيك

فقال لها ..انا معى فلوس كتير لكن هما ما كان معاهم ولا اشى و احنا مع بعض قبل ما يفرقونا

طبعاً واحد غيره كان هيقول ..يلا.. زيادة الخير خيرين و لو معايا فلوس اكيد هتخلص و هحتاج ..

او يقول خليهم لوقت زنقة ..

و الله و الله عجبت لكم ايها الفلسطينيون ... فى عز المحن ولا تنسون بعضكم بعضاً

و بعدين انهينا الزيارة و ذهبنا الى قسم رابع ...

وصدق الظابط وعده .. و سمح لنا بزيارة المحتجزين الى هناك

و الى كان عبد الله بعتلهم الفلوس تبعه .. و الحمد لله وصلت المساعدات ليهم

حتى انهم استغربوا و احنا بنقولهم على موقف عبد الله

وكل الناس الى هناك محتاجة فلوس و اكل ولبس

سواء العالقين او المحتجزين

......

و بصراحة انا مش عارف اقول ايه لــ م / ايمان على مجهودها الرائع و الفوق ممتاز بدون ادنى مبالغة

جزاك الله خير الجزاء

و مى .. برده مش عارف اقولها ايه غير جزاك الله كل خير

ا / رامى و ا / سمير ... ربنا يبارك فيكم ولكم

ويجعل على قد ثقل الشنط الى كنتم شايلنها حسنات فى ميزان حسناتكم

........

ولو سمحت يا ناااااااااااااااس

الى يقدر يدفع ولو عشرة جنيه ... يدفعها

لاجل الناس الى فى الزنازين الى مش لاقيين لبس تقيل يقيهم برد الشتاء

لاجل العالقين ... لاجل فلسطين

و قبل ده كله ... ابتغاء وجه الله

و مش هقول اكثر من خلى بالك لان الدور هيبقى عليك بكرة

و كما تدين تدان و الديان لا يموت

انا عارف ان ده مخالف قانوناً ..كونى اجمع تبرعات و انا لست بجمعية و لست بشىء

و لكن اما ان اخالف و اما ان يموت هؤلاء الناس من البرد

و البرد الى فى العريش مش زى البرد الى عندنا هنا .. احنا بالنسبة لهناك كأسوان بالظبط و الله

حسبنا الله و نعم الوكيل

حسبنا الله ونعم الوكيل

حسبنا الله و نعم الوكيل

لكم الله يا فلسطينية ... لكم الله وحده

juba

ده مجرد فاصل : افرحوا شوية

النهاردة وقفة العيد و حبيت افرحكوا شوية

لانه قلما نشرت بوست مفرح ..

و النهاردة هنفرح بس من غير ما ننسى اهلنا

الى المفروض يفرحوا معانا و ياكلوا لحمة زينا و يعيدوا

و يزوروا اهلهم ...

المهم البوست ده جانى على الميل و حبيت انشره ارفه عنكم شوية

لكن ما تفرحوش اوى كدة علشان ده مجرد فاصل و نعود لمسلسل

الدم و الحصار ...

منقولة عن رسالة من جروب

نور اسلامنا

.......

فيه بوست مصور مؤلم جداً بس ما حبيت انى انشره

قبل العيد و الناس فرحانة

بامر الله هنشره فى قلب العيد علشان الناس تفرح اكثر

juba

مبروووووووووك : حصلت على كيس لحم

بسم الله

اليوم هو الاثنين الموافق 17/12/2007

بمعنى انه لم يتبقى على العيد سوى يومين

كل سنة و حضرتكوا جميعاً بخير

و كل سنة و نحن الى الله اقرب .. بامر الله

................

و اليوم لن اتكلم عن الحصار المفروض على قطاع غزة

و لكنى ايضاً سوف اتكلم عن حصار من نوع تانى او من نفس النوع بس غير مرئى

النهاردة شوفت منظر او علشان ما بقاش كداب .. مناظر شوفتها بالصدفة كدة و انا معدى.. مناااااااااااااااااااظر تقطع الاوصال

تنتزع الشراييين من القلب .. من قسوتها و مرارتها

تخيلوا الناس الى واقفة مستنية كيس لحمة ما يحصلش كيلو الا ربع

و بقالهم بالثلاث ساعات واقفين لما عرفوا ان المصنع الفلانى هيدبح و المصتع العلانى هيفرق لحمة

لدرجة ان فيه ناااااااااس مستنية من قبل ما العجل يندبح اساساً

تخيلوا ...

و الله المنااااااظر دى حسستنى ان ما عاد فيه اغنياء فى بلدنا

مصر

... مصر أم الخيرات .. مصر الى خيرها ما بيخلص ... مصر ام الدنيا

و الغريب انك دلوقتى من الصعب تلاقى عربية ماشية موديل قديم

كلوا جديد فى جديد

و بالرغم من ذلك .... عدد الفقراء زاد الى حد كبير

ووالله الناس واقفين هنا بالعشرات و ممكن يتعدوا المئة

و هناك نفس الاعداد و ما بين هنا و هناك اعداد اكبر

ايه ؟ هية البلد كلها فقراء ولا ايه ؟

ربنا يستر .. بجد ربنا يستر

الايام من كثر الالوان الى فيها قلبت باسود معايا.. ليه؟ مش عارف

لو سمحتوا الى معاه 2 ك لحمة .. ممكن ياخد كيلو لبيته و كيلو يديه لحد محتاج

لن يحدث شىء ان لم تشبع من اللحم .

. بمعنى انك ممكن تاكل و تتمتع و فى نفس الوقت اخوك الفقير بياكل و يتمتع و يدعيلك

لا حول ولا قوة الا بالله

لا حول ولا قوة الا بالله

حسبنا الله و نعم الوكيل

juba

الى الخونة المعربييــــــــــن: المتعربين

الى من يسرقون البسمة من فوق شفاه اطفالنا

الى من يتلذذون بقتلنا

الى من يتسابقون لموتنا

الى من يتراهنون على جوعنا

و يتفننون فى اساليب تشردينا

نقول لهم ... هيهات .. هيهات

الى كل ما هو ماض و آت

لن تنالوا من عزمنا و لو شققتوا السما

لن تنتشون بعد اليوم برائحة دمائنا

لن نكون لكم دمى تتراقصون بها

الفيديو يوضح مدرب فريق كريات شمونة الاسرائيلى و هو يشرح للاعبين

كيف استطاع حزب الله ان يهزم اسرائيل وهو جيش غير نظامى و مقاومة ضعيفة بالنسبة للاسرائيلين و آلة حربهم

هما بيقتدوا بينا و نحن نقتل اهالينا

الحصار و قد فرض .... قتل و قد تم ..... تشريد و قد كان .... ابادتنا مازالت فى الحسبان

و لكن موتنا جوعاً .. هذا لن يكون ... و ان كان فانه لن يدوم

ألم تدركون بعد اننا نحيا من الفنا

يا نااااااااااااس اننا لن نترك ارضنا الا بعد ان تسيل دمائنا

juba

ما بين فرحة العيد و الالام الاحتجاز

اولاً : كل سنة و انتم جميعاً بخير

و اعاد الله هذه الايام عليكم بالخير و اليمن و البركات

و ان لم نكن فى الدنيا فنسأل الله ان نكون كالعصافير نطوف فى الفردوس الاعلى

......................

ما بين فرحة العيد و الالام الحلم بالعودة

و اوجاع الاستهانة بالانسانية

.............

اليومين دول كلنا بنستعد للعيد و فرحانين اوى

علشان اللحمة والعيدية و لمة العيلة الحلوة الى بجد بيبقى الواحد فرحان بالمنظر

الواحد بيحس انه ليه عزوة كدة و لو حصلو حاجة يلاقى الى يسأل عليه و يرعاه

طب الناس العالقين على المعبر دول

معهومش يجيبوا لحمة .. مش مشكلة يقضوها باى حاجة ..

ما هما خلاص خدوا على كدة من زمان بسبب تواطؤ العرب

العيدية .. بردة مش مشكلة .. هما مش واخدين على الرفاهية ولا المولات ولا الشوبينج زى الاغلبية عندنا

و مش عايزيين يروحوا سينما .. >>

بس هيأجروا منين عيلة و اسرة يقضوا معاهم العيد تحت الشمس و فى البرد

لما كل واحد فى اتجاه .. الابن هناك فى غزة .. و الام هنا فى العريش .. والاب جوة فى

القاهرة.. مش عارف يدخل العريش

يعنى متفرقين و بايدينا .. ايوة و الله بايدينا احنا

احنا الى شجعنا حكومتنا انها تعمل كدة .. مهو الحكومة ضربتنا و ما تحركناش .. شتمتنا ما تكلمناش..

خلاص بقى .. لو اتكلمنا يبقى هنتحبس و نتبهدل و كذا يعنى

المهم :

انا عايز اسألكم كام سؤال بس

هل ترضى ان تفرح و تمرح و اخيك يحزن و يبكى ؟

هل ترضى ان تاكل و تشبع و امك مش لاقية اللقمة الحاف؟

هل ترضى ان تنام تحت غطاء يقيك من البرد بينما ابوك و اختك لا يجدون ما يحميهم من البرد القارص ؟

على حسب اجابتك هتعيش ... و استايل حياتك متمحور حول الثلاث اجابات دول

و خلى بالك .... الايام دول

يداولها الله بين الناس

.....

بأمر الله سوف نكون هناك رابع ايام العيد

من اراد ان يشارك هؤلاء الاسرى سجنهم و معاناتهم

يعلمنى .. و يبعث الى برسالة

عنوانها : اسرى المعابر

و الكلام دة اقصاه اول يوم علشان نعرف نظبط

و ليسامح الله كل من كان قادراً و لم يأتى

juba

تسجيلات العالقين الصوتية

السلام عليكم جميعاً طبعاً انا اسف جداً جداً على التاخير فى نشر البوست ده بس غصب عنى و مش بايدى لان البلوجر كان فيه عطب ما و اشكر اختى / عاشقة الفردوس على حماسها و محاولتها نشر الموضوع ولكن انا سبب التاخير لانى كنت مسافر و ما فتحتش الايميل تبعى و ما قدرتش ارد على استأذانها نشره مع انها لا تحتاج الى الاذن بارك الله فيكى / عاشقة الفردوس دعونا نبدأ فى الاستماع لتسجيلات العالقين و البكاء الى هتسمعوه مش تمثيل و الله .... و الله ده حرقة على وضعهم بايدى العرب ياريت كان بأيد الصهاينة .. كانوا هيعرفوا يقتلوهم .. لكن هما دلوقتى يقتلوا مين طبعاً مش هيقتلوا العرب اخواتهم و ابنائهم و امهاتهم فلا بديل امامهم يخرجون فيه رغبتهم للانتقام الا البكاء .... البكاء فقط

امممنال

juba

http://www.zshare. net/download/ 5401310dd5abf3/
هتاف النشطاء...فلسطين عربية .. يا مقاومة ابطال ابطال على خط النار يا مقاومة

http://www.zshare. net/download/ 5400583c8c66a7/
الحاجة عاليا سليمان وامينة محمد ابو يوسف لها 6 شهورومناشدات بالدموع

http://www.zshare. net/download/ 540068341b0d60/
سحر جربوع - ام عمرلها 6 شهور

http://www.zshare. net/download/ 540081097fa21d/ام عمر و أم اسماعيل لها 7 شهور مريضة هى و زوجها لا تجد ثمن الدواء
و تناشد مبارك و عباس و الامة الاسلامية كلها

http://www.zshare. net/download/ 54009575046f41/
سوسن احمد فرهودعندها روماتويد والذئبة الحمراء لها 4 شهور مريضة جدا
و معها طفل 3 سنواتوباقى اولادها ال3 فى غزة يبكون لها على التليفونوابنها يحتاج رعاية وهى لا تستطيع وترعاه النساء معها وتقول الولد ينادى على الرجال كلهم هنا بابا ...... نسى ابوه
و لا حول و لا قوة الا بالله
امنه يوسف صقرتتكلم وهى تبكى - ام عدنان - اسمعوا

http://www.zshare. net/download/ 5401102d3d5492/
امال ابو بكر - ام محيى و بتولاتت لعلاج ابنها وكانت حامل وولدت هنا و نصف العائلة هنا
و باقى الاولاد هناكو لاحظت ان بتول صوت تنفسها غير عادىواخبرونى انه غير متأكدين لكن يبدو ان عندها مشكلة فى الحنجرة
او الاحبال الصوتية

وابنهم الاخر يحتاج سماعة للاذن!!
هيام فوزى صالحمعها ابنتها راحت عليها الدراسة و خطيبها منتظرها ليتزوجواوابنها مرض هنا و عمل عملية الزائدة


http://www.zshare. net/download/ 540126516848da/
الحاج محمود سعيد له4 شهور و عنده 70 سنة و مريض من يسمع صوت الشيخ الكبير و دموعة؟؟؟؟؟؟
دموع الرجال غالية يا ناس

مطيع جربوع - ابو عمرويتحدث عن قصور السفارة الفلسطينية الواضح
فتحى يوسف ابو يوسف من النصيرات له 6 شهور واولادة ال12 هناك ويقول يعملوا ايه الاولاد؟؟ يشحتوا و يلفوا على الدور و الا ايه؟؟
ابو العبد حبيب
يتحدث عن العالقين فى مطار العريش و معاناتهم الشديدة فيه ناس منهم لهم 170 يوم و الناس اصبح عندها امراض نفسية


http://www.zshare. net/download/ 5401668194c07c/
حديث امية جحا تقول امية فى حديث من القلب.....فى الصيف كان الناس هنا و بعد ذلك رحل الجميع و بقينا وحدنايتردد صدى صوتنا نحن فقط .... الكل ذهب الى بيتة ونحن هناماذا فعلنا حتى نمنع من العودة لبيوتنا ورأيها فى انابوليس...وان المصريين من حبهم لفلسطين جعلوهم يحبوا فلسطين اكثر
اتمنى اكون سمكة اسبح فى البحر الى غزةاو اكون طائر فى سرب متجه الى غزةالله الله على حب الوطن

http://www.zshare. net/download/ 5401837a8c4816/
امال ابو سيف تأتى كل 6 شهور لعمل قسطرة و رسالة للرؤساء العرب
و الحكومات و الشعوب و لازم حل


http://www.zshare. net/download/ 5401923c6e3990/
زينب موسى دواس وعملية قلب مفتوح من شهر 4 ولها 4 شهور فى مصروفات موعد عمليتها بغزة

http://www.zshare. net/download/ 5402068433994f/
رؤفة فؤاد عبيد 14 سنة طالبة فى 2 اعدادى

: تقول راحت على المدرسة رؤفة بكل براءة الاطفال تقول..
بشكر الحكومة المصرية انها مقعدانا هنا وكان ممكن يرحلونا:))واحنا عانينا كتيير اريد العودة باسرع وقت و فتح معبر رفحوابوها و اخوتها هناك و بيبكوا معا فى التليفون ولا حول و لا قوة الا بالله- لما تقول ابنة ال14 انها عانت الكثير - ادعوا الله ان يعانى المسئولين عن وضعها و من معهافى نار جهنم ان شاء الله

تسجيل و كتابة
ايمان بدوى و رامى عمران

كتائب الموت المصرية : بيان بأسماء المحبوسين على ذمة اللا شىء

بيان بأسماء المحتجزين على ذمة الظلم و القهر

..........

الموضوع ده عاجل بجد و هو السبب فى ان انا قاعد لحد دلوقتى

الكشف الى جاى ده فيه اسماء بعض المحبوسين فى قسم ثان العريش

مش عارف و الله وانا بكتب بكتب الموت مش العريش و الله

و كمان بيان ادانة لشخصية قذرة عميلة باعت و تخلت

و خانت

....

دى صورة بخط اليد اترمت من شباك الحجز فى قسم ثان العريش للــ 2 النشطاء الى تسللوا و قدروا يدخلوا بفضل الله

جمال عبد الرحمن حمدان النجار

شادي عبد المالك التلولي

محمد محمود دياب أبو بكر

محمد مصطفي داود الداية

عارف أحمد عبد الهادي الزعانين

عبد الله محمود صيدم

محمد محمود مصطفي أبو سرية

سالم الحوش

محمد سمير عوض

..........
والمفأجأة ..

أوسكار أفضل خسة .. للأنسان اللي مش كويس ..

خالد عطية

اللي سلم محمد محمود دياب أبو بكر .. لأمن الدولة وخالد عطية دة شغال في سفارة فلسطين

محمد راح يسجل أسمة بالسفارة علشان يعملو لية تنسيق ويرجعوة غزة .. راح بلغ عنه أمن الدولة .

. طلع من السفارة .. أخدوة هيلا بيلا علي المكان اللي هو ميعرفوش ..

كل اللي يعرفو أنهم ضربوة وكهربوة .. في أماكن حساسة ..

وبعدين أترحل لقسم العريش تاني في قسم الترحيلات الخاص وطبعا الأجانب دول كلهم فلسطينيين ..

مع أنهم ولا شعرهم أصفر ولا عيونهم خضراء .. عرب زينا زيهم أجانب أزاي

......

الكلام بتاع الفاجاة ده بالحرف من أ / رامى عمران

و هو برده الى جاب الصورة دى بمشاركة احدى الناشطات الى نجحوا فى التسلل الى قلب العريش

يووووووووووووووووووه ادينى برده جبت سيرة الناس

معلش بقى بس الامانة العلمية ... اصل الضمير عندى مقطع بعضه

الرسالة دى خالصة ... خالصة ... خالصة

لاْستاذ / رامى عمران و احدى الناشطات

اظن اننا لازم نضربلهم تعظيـــــــــــ سلام ــــــــــــــــــــــــــم

على المجهود الجبار اوى ده

و الجامد اوى

ولا هنكسل فى دى كمان

....

تحديث :

فيه ولد لا يتعدى عمره الــ15 سنة محبوس هو كمان بس

محدش عرف اسمه ايه

شوفتوا جبروت الحكومة .. الله يخرب بيوتهم

آآآآآآآآآآآآآآآآآآآآآآآآآآآآآآآآآآآآميـــــــــــن

فيديو : منع قافلة رفح من المرور

فيديو يوضح ضخامة الحشد الامنى على طريق القاهرة_ العريش

و بجد دول لو دخلوا فلسطين هيحرروها

و الباقى بكرة علشان الوقت ضيق جداً

و النت ميت اوى

الفيديو منقول من مدونة ميت

http://43arb.info/meit/?p=957

بمعاونة من أ / رامى عمران

بارك الله فيهم جميعاً

juba

.......

تحديث :

و الله نفسى فضلت تأنبنى فرفعت ليكم فيديو تانى

و فيه 2 فيديو بكرة متفقين كدة

الفيديو ده عبارة عن شرارة تصادم مع قوات الامن

و فيه امين شرطة اتخطف فى اول الفيديو خالص

اول لقطة

المرة الجاية عايزين حشد كبيــــــــــــــــــــــــــــــــــــ اوى ــــــــــــر

علشان نعرف نتفوق عليهم

و برغم ده كله فيه 2 من النشطاء نجحوا فى التسلل و الدخول و تقديم مساعدات للعالقين

و مقابلات مع الــحداشر واحد المحبوسين فى قسم ثان العريش

الى محدش يعرف عنهم حاجة

بارك الله فيهم

juba

صور: احداث المنع على طريق العريش

السلام على الجميع

دى الصور الى كنت قولتلكم عليها و حبيت ابتديها بقوات الامن الى و الله

حسييت ان انا بشوف صور لموضوع تانى مش مظاهرة كل افرادها لا يزيدون عن 100 فرد

ايه ده كله ...؟؟؟؟؟؟؟؟؟؟؟؟؟؟؟

ده غير المراقبة الى من اول دخول الاتوبيسات الى سيناء

أرضنا .. أرضنا ... أرضنا

المصرية ... المصرية ... المصرية

مش المصرائيلية ...

و معلش يا جماعة احنا المفروض نعذر العساكر الغلابة دول

دول لو واحد فيهم قال لا هيتحبس بتهمة عصيان الاوامر

معلش بقى .. حكم النفس على النفس

الصور منقولة من اسلام اون لاين

http://www.islamonline.net/english/IWitness/index.shtml

و مدونة ميت .. بتاعت محمد عادل

http://43arb.info/meit/?p=957

بارك الله فيهم جميعاً على مجهودهم الواجب علينا كلنا

بارككم الله و حفظكم من كل سؤ

.....

بالنسبة للفيديوهات بامر الله يوم او يومين و هتشوفوا المهازل فيها

بسم الله نستعين

....

الخطوط الخلفية للعدو ... بزمتكوا مش لو الشوية دول بس راحوا عند اليهود بزمتكم مش منظرهم بس كدة يرعبهم

بالطووووووووووووووووووووووووووووووووووول على الطريق

ابتدبنا الدب و قلة الادب بس على خفيف

جانب من المظاهرات الى قلبت جهاز الامن كله .. مبروك يا رجالة قلبتوا الداخلية كلها ... 100 فرد قلب الداخلية و حول الطريق الى العريش الى ثكنة عسكرية

طبعاً الناس جه وقت الصلاة و صلوا فى عرض الطريق و الراجل يبعدهم و هما بيصلوا ... و الظابط باين انه ما بيحبش التصوير

المكان الطبيعى للحاجة السافلة

و على فكرة المصادمات الى حصلت مع الامن المرة خفيفة جداً و سطحية بالنسبة لموجة الغضب

بس المرة الجاية القريبة بامر الله هتكون غير كدة خالص و هيكون فيه اصابات كثير اذا استمر الحال كما هو عليه

افتحوا المعبر تسلموا من الغرق تحت موجات غضبنا

افتحوا المعبر تسلموا من قوة انفجارنا

juba